Vance DeVoe Brand

Vun Wikipedia
Offiziell NASA-Porträt

Vance DeVoe Brand (* 9. Mai 1931 in Longmont, Bundsstaat Colorado, USA) is en ehmalger US-amerikaansch Astronaut.

Brand hett de High School in Longmont (Colorado) besöcht. Dornah studeer he an de University of Colorado un kreeg 1953 en Bachelor in Bedrievswertschap un 1960 en wiederen Bachelor in Luftfohrttechnik. 1964 kreeg he vun de University of California en Master in Geschäftsführung.

Van 1953 bit 1957 weer Brand Pilot bi de US-Marines. Nahdem he ut den aktiven Deenst entlaaten wurrn weer, weer he nöch söben Johr lang Offizier vun de Reserve un is in de Air National Guard flaagen.

Brand keem 1960 to den Floogtüüchhersteller Lockheed, wo he tonächst as Versööksingenieur för de P-3 Orion tätig weer. Nahdem he dree Johr later sien Lizenz as Testpilot kreeg, gung he nah Kalifornien un de Wiederentwicklungen vun dat Lockheed-Kampfloogtüüch F-104 Starfighter test. Buterdem hett he eenige Tiet as F-104-Testpilot in dat südfranzöösch Istres warkt, bevör he 1966 to de NASA wesseln dee.

Astronautentätigkeit[ännern | Bornkood ännern]

Brand wurr vun de NASA in dat Fröhjohr 1966 för dat US-Ruumfohrtprogramm utwählt un hörr de fievte Astronautengruppe an, de an‘ 4. April 1966 vörstellt wurr. Nah de Grundutbillen war er Mitglied der Unterstützungsmannschaften von Apollo 8 und Apollo 13.

Apollo 18[ännern | Bornkood ännern]

An‘ 26. März 1970 wurr de Mannschap vun Apollo 15 bekannt geven. Dor dat begäng weer, dat de Ersatzmannschap dree Flüüg later de Hööftmannschap billen dee, kunnen sück Richard Gordon, Vance Brand un Jack Schmitt berechtigt Haapnungen maaken, för Apollo 18 nomineert to wurrn. An‘ 2. September 1970 wurr dat aber afseggt, Apollo 18 wurr ebenso as Apollo 19 un Apollo 20 vun de NASA streeken.

Reservebesatten för Skylab[ännern | Bornkood ännern]

As Besatten för de Ersatzmannschap för Skylab 3 stunnen Kommandant Vance Brand, Pilot Don Lesley Lind un Wetenschapsastronaut William Benjamin Lenoir parat.

Wiels de tweet Skylab-Mission Skylab 3 sünd an twee vun veer Stüerdrievwarkssystem (Quads) vun dat Apollo-Ruumship Probleme uptreeden. Woll weer dat Ruumschipp ok noch mit twee Quards vull stüerbor, dat bestunn aber en Risiko, dat de twee Defekte tosommenhangen deen un ok de restlich beid Quads utfallen kunnen, wat en Rückkehr to de Eer verhinnern würr.

Ünner normalen Umstännen weer de Mission afbraaken wurrn. Weil aber de Mögelkeit vun en Rettungsfloog bestunn, kunn dat Problem in Ruhe analyseert wurrn. To glieker Tiet leep aber ok de Vörbereiten vun den Rettungsfloog up Hochtouren. De Arbeiten an Startramp, Rakeet un Ruumschipp leepen af den 3. August 1973 rund um de Uhr. Dormit weer en Start an‘ 9. September mögelk ween. As Mannschap för disse Rettungsfloog stunnen Kommandant Brand un Pilot Lind parat. William Lenoir wurr för en sückse Mission aber nicht bruukt. Dat stellt sück denn aber herut, dat de beid Probleme an de Stüerdrievwarken vunnanner unafhängig un de beid noch heel Quads dorvan nich bedraapen weern. Dat Problem wurr lööst und de Rettungscrew keem nich to’n Insatz.

Apollo-Sojus-Projekt[ännern | Bornkood ännern]

An‘ 15. Juli 1975 is Brand mit dat Apollo-Sojus-Projekt to sien eersten Weltruumfloog as Pilot vun dat Apollo-Kommandomodul start. Dat weer de eerst sowjeetsch-US-amerikaansch Kopplungsfloog. Kommandant vun de Amerikaners weer Thomas Patten Stafford. Dorto keem denn noch Deke Slayton, de all to de eerst Astronautengrupp tellen dee, aber ok noch nie flaagen weer. Se hemm in't All mit dat sowjeetsch Ruumschipp Sojus 19 (un deren Besattenliddmaaten Alexei Leonow un Waleri Kubassow) andockt un bleven dormit meest twee Dag lang verbunnen. De Ruumfohrer hemm sück in't All denn ok gegensiedig besöcht.

STS-5[ännern | Bornkood ännern]

As Kommandant vun de Columbia is he an‘ 11. November 1982 de Mission STS-5 flaagen. Dat weer de eerste Floog vun en veerköppig Mannschap, to de de Pilot Robert Franklyn Overmyer un de Missionsspezialisten Joseph Percival Allen un William Lenoir hörrn deen. Wiels den fiev Daag lang düern Floog wurrn dat eerst Mal twee kommerzielle Nahrichtensatelliten ut de Bruuklastbucht vun de Ruumfähre in en Umloopbahn befördert.

STS-41-B[ännern | Bornkood ännern]

An‘ 3. Februar 1984 weer Brand Kommandant vun de Mission STS-41-B. Dorbi wurrn dör de beid Missionsspezialisten McCandless un Stewart de Manned Maneuvering Unit un de Manipulator Foot Restraint wiels twee Butenbordtätigkeiten test. De beid sünd dorbi unafhängig vun dat Ruumschipp free in den Weltruum flaagen. Pilot bit disse Mission, de bit 11. Februar 1984 düern dee, weer Robert Lee Gibson, buterdem weer noch de Missionsspezialist Ronald Erwin McNair mit an Bord.

STS-51-H[ännern | Bornkood ännern]

STS-51-H weer wn Atlantis-Mission, de all vör de Challenger-Katastrophe afseggt wurr. De Spacelab/EOM-1-Mission weer för November 1985 vörsehn. Als Crew weern he as Kommandant as ok Pilot Michael Smith, de dree Missionspezialisten Robert Stewart, Owen Garriott, Claude Nicollier as ok de twee Bruuklastspezialisten Byron Lichtenberg un Michael Lampton inplaant. Disse Mission wurr Enn‘ 1985 afseggt un in ähnlich Konstellatschoon as STS-61-K plaant.

STS-61-K[ännern | Bornkood ännern]

Sien veerten Ruumfloog harr Brand as Kommandant vun STS-61-K maaken sullt. Dat weer en Columbia-Mission, de wegen de Challenger-Katastrophe aber afseggt wurr. De Spacelab/EOM-1-Mission weer för Oktober 1986 vörsehn. Neben Brand weern Pilot David Griggs, de Missionsspezialisten Robert Stewart, Owen Garriott un Claude Nicollier as ok de dree Bruuklastspezialisten Byron Lichtenberg, Michael Lampton un Robert Stevenson plaant.

STS-71-E[ännern | Bornkood ännern]

Ok de Atlantis-Mission STS-71-E/SLS-1, de för April 1987 plaant ween weer, wurr noch wegen de Challenger-Katastrophe afseggt. To Brand sien Besattensliddmaaten harrn David Griggs, John Fabian, James Bagian, Rhea Seddon, Francis Gaffney un Robert Phillips hörrt.

STS-35[ännern | Bornkood ännern]

To sien letzt Weltruumfloog is Brand as Kommandant vun dat Space Shuttles Columbia an‘ 2. Dezember 1990 mit de Mission STS-35 start. Dat weer de eerste Shuttle-Flug, de blots de Astronomie widmet wurr. To dissen Tietpunkt weer Brand mit 59 Johren de öldste Astronaut in‘ Weltraum. 1996 wurr disse Rekord vun den 61-johrigen Story Musgrave wiels de Mission STS-80 överdrapen. Pilot weer ditmal Guy Spence Gardner. As Missionsspezialisten weern Jeffrey Alan Hoffman, John Michael Lounge un Robert Alan Ridley Parker as ok de Bruuklastspezialisten Samuel Thornton Durrance un Ronald Anthony Parise an Bord. De Mannschap is an 11. Dezember weer torüchkommen.

Nah 26 Jahren as Astronaut hett Brand in‘ April 1992 sien Ruumfahrertätigkeit afslooten un hett dornah för de NASA up de Wright-Patterson Air Force Base in Ohio de Planung vun dat experimentell Ruumfohrtüüch NASP koordineert. As dit Programm instellt wurr, gung he an dat kalifoornsch Dryden Flight Research Center: Af 1994 weer he dor Baas vun de Floogbedriev un wurr in‘ Juni 2001 to’n Viezdirekter för Luft- un Ruumfahrtprojekte befördert. Brand hett de NASA in‘ Januar 2008 verlaaten.

Weblenken[ännern | Bornkood ännern]

Vance D. Brand. Mehr Biller, Videos oder Audiodateien to’t Thema gifft dat bi Wikimedia Commons.