John Michael Lounge

Vun Wikipedia
Offiziell NASA-Foto

John Michael „Mike“ Lounge (* 28. Juni 1946 in Denver, Colorado; † 1. März 2011 in Houston, Texas) weer en US-amerikaansch Astronaut.

Utbillen[ännern | Bornkood ännern]

Lounge kreeg 1969 en Bachelor vun de United States Naval Academy un 1970 en Master in Astrogeophysik vun de University of Colorado at Boulder.

Lounge gung 1969 to de United States Navy, wo he ok to‘n Marinefleger utbildt wurr. He weer negen Maand an Bord vun den Floogtüüchdräger USS Enterprise stationeert un flog dorbi insgesamt 99 Kampinsatzen in‘ Vietnamkrieg. Dornah weer he för söben Maand up den Floogtüüchdräger USS America in’t Middelmeer statschoneert. 1974 gung he weer an de U.S. Naval Academy as Utbilder för Physik torüch. 1976 wurr he to dat Navy Space Project Office nah Washington, D.C. versett. 1978 is he ut de Navy utscheeden.

Astronautentätigkeit[ännern | Bornkood ännern]

Siet Juli 1978 weer Lounge as Ingenieur an dat Johnson Space Center beschäftigt. För de 8. Astronautengrupp wurr he nich utwählt, schaff dat denn aber in‘ Mai 1980 för de negente Grupp. Ansluutend weer he Liddmaat vun de Ünnerstüttensmannschapen bi de eerst dree Shuttle-Missionen STS-1, STS-2 un STS-3 an dat Kennedy Space Center. Van 1989 bit 1991 weer he Baas vun dat Space Station Support Office, en Büro, dat de Interessen vun de Ruumfohrer bi den Bau un den Bedriev vun de Internatschonale Ruumstatschoon vertrett.

STS-51-I[ännern | Bornkood ännern]

An‘ 27. August 1985 is Lounge mit de Ruumfähr Discovery as Missionsspezialist to sien eersten Floog in‘t All start. Die fievköppig Besatten broch dree Kommunikatschoonssatelliten in en Umloopbahn. Buterdem wurr en mit de Mission STS-51-D utsett defekter Satellit infangen, repareert un weer utsett. Dorto wurrn twee EVAs vun sien Astronautenkollegen James van Hoften un William Fisher makt. Kummandant vun de Mission weer Joseph Henry Engle un Pilot weer Richard Oswalt Covey.

STS-61-F[ännern | Bornkood ännern]

In Mai 1985 wurr Lounge as Missionsspezialist för de Mission STS-61-F nomineert. De Mission wurr nah de Challenger-Katastroph aber streeken.

STS-26[ännern | Bornkood ännern]

An‘ 29. September 1988 is Lounge as Missionsspezialist mit de Ruumfähr Discovery to’n tweeten mal in‘t All start. Nah en Ünnerbreeken vun tweeenhalf Johr, veroorsakt dör de Challenger-Katastroph, wurr dat Shuttle-Programm mit disse Mission weer upnommen. Neben dat Dörführen vun völ Experimenten wurr bi disse Mission ok de Kommunikatschoonssatellit TDRS-3 utsett. Kummandant vun de Mission weer Frederick Hamilton Hauck, Pilot weer nochmal Richard Oswalt Covey. De beid anner Missionsspezialisten weern George Driver Nelson un David Carl Hilmers. De Landung weer as plaant in Edwards AFB, Kalifornien.

STS-35[ännern | Bornkood ännern]

An‘ 2. Dezember 1990 is Lounge weer as Missionspezialist to’n darten un letzten Mal in’t All start. De Ruumfähr weer Columbia. Hööftziel vun disse Mission weern astronomische Beobachtungen mit de Reeschkopp vun de ASTRO-1-Plattform in‘ Beriek vun de UV- un Röntgenstrahlen. Während de Mission geev dat eenig technisch Probleme, so hebbt to’n Bispeel de Displays to dat Utrichten vun de ASTRO-1-Teleskope nich funktschoneert. De Teleskope mussen deshalb vun de Eer ut stüürt weern. De wetenschaplich Ziele kunnen liekers to etwa 70 Perzent reckt wurrn. Kummandant vun disse Mission weer Vance DeVoe Brand, Pilot weer Guy Spence Gardner un de anner Missionsspezialisten Jeffrey Alan Hoffman un Robert Allan Ridley Parker. Dorto keemen noch de beid Bruuklastspezialisten Samuel Thornton Durrance un Ronald Anthony Parise.

Nah de NASA[ännern | Bornkood ännern]

In‘ Juni 1991 is Lounge ut de NASA utscheeden un wurr Direkter för Space Shuttle and Space Station Program Development för Boeing – NASA Systems. Later wurr he Viezpräsident vun de Spacehab Company.

Privates[ännern | Bornkood ännern]

John Lounge weer verheiraadt un Vader vun dree Kinner.

Dood[ännern | Bornkood ännern]

John Michael Lounge is an‘ 1. März 2011 an de Folgen vun en Leverkrebserkrankung storven.

Literatur[ännern | Bornkood ännern]

Weblenken[ännern | Bornkood ännern]

John M. Lounge. Mehr Biller, Videos oder Audiodateien to’t Thema gifft dat bi Wikimedia Commons.