William Benjamin Lenoir

Vun Wikipedia
Offiziell NASA-Foto

William Benjamin „Bill“ Lenoir (* 14. März 1939 in Miami, Florida; † 26. August 2010 in Albuquerque, New Mexico[1]) weer en US-amerikaansch Astronaut.

Leven[ännern | Bornkood ännern]

Lenoir harr 1961 sien Bachelor un 1962 sien Master jeweils in Elektrotechnik vun dat Massachusetts Institute of Technology (MIT) kreegen. 1965 absolveer he en Promotionsstudium to‘n Ph.D. in Elektrotechnik un Informatik an dat MIT. Van 1964 bit 1965 weer Lenoir Utbiller an dat MIT un wurr dor 1965 Assistenzperfesser för Elektrotechnik.

Astronautentätigkeit[ännern | Bornkood ännern]

In‘ August 1967 wurr Lenoir as Weetenschapsastronaut vun de NASA utwählt. Während sien Utbildung absolveer he ok en Floogutbillen up de Laughlin Air Force Base in Texas. Lenoir weer in de Ersatzmannschap för de Missionen Skylab 3 und Skylab 4, wat de tweet un darde Mission to de Skylab-Ruumstation weern.

Van September 1974 bit Juli 1976 hett Lenoir ünner annern an en Projekt vun de NASA för en Kraftwark in‘ Weltruum arbeit.

STS-5[ännern | Bornkood ännern]

Lenoir weer Missionsspezialist bi disse Mission, de an‘ 11. November 1982 mit de Ruumfähr Columbia start is. Disse Mission weer de eerste Floog vun en Space Shuttle, bi de kommerziell Satelliten utsett wurrn. Kummandant weer Vance DeVoe Brand, Pilot Robert Franklyn Overmyer un as Missionspezialisten werrn Lenoir und Joseph Perceval Allen an Bord. Neben dat Utsetten vun de beid Satelliten geev dat ok noch mehrere Experimente, de se dörführt hebbt. En Butenbordinsatz vun de Astronauten Lenoir un Allen wurr eerst verschaaben (Lenoir harr sück den Maagen an Pepperschooten verdurben) und wurr denn ganz afseggt, wiel dat Probleme mit en Ruumantoog geev.[2] Nah fiev Daag is Lenoir mit de Columbia up de Edwards Air Force Base in Kalifornien land. Disse Mission bleev denn ok de eenzig Insatz vun Lenoir.

Nah de NASA[ännern | Bornkood ännern]

Lenoir is 1984 ut de NASA utscheeden uni s to de Beraderfirma Booz Allen Hamilton wesselt. Van Juni 1989 bit April 1992 weer he nochmals för dat NASA-Management tätig un wurrn dornah Viezpräsident vun dat Afdeelen Applied Systems bi Booz Allen Hamilton.

Privates[ännern | Bornkood ännern]

William Lenoir weer tweemal verheiraadt un harr dree Kinner. Sien eerst Fru Elizabeth Frost weer van 1979 bit 1984 Börgermeestersche vun El Lago (Harris County, Texas) Sien tweet Fru Terri Waite weer Ingenieurin bi de NASA.[3] Lenoir is an sien Koppverletzungen, de he sück nah en Fohrradunfall twee Daag vörher totrucken harr, storven.[4]

Enkeld Nahwiesen[ännern | Bornkood ännern]

  1. http://www.newsleader.com/article/20100903/NEWS01/9030322/Retired-astronaut-Lenoir-dies
  2. Mission controllers release revised flight plan
  3. http://www.ultimateclearlake.com/2010/09/former-astronaut-dies-bicycle-accident
  4. http://www.collectspace.com/news/news-082910a.html

Weblenken[ännern | Bornkood ännern]

William B. Lenoir. Mehr Biller, Videos oder Audiodateien to’t Thema gifft dat bi Wikimedia Commons.