Harrison Hagan Schmitt

Vun Wikipedia

Harrison Hagan „Jack“ Schmitt (* 3. Juli 1935 in Santa Rita, Grant County, New Mexico) is en ehmalger US-amerikaansch Astronaut, Geoloog un Politiker. He weer de twalvte Minsch, de den Maand betreden hett.

Utbillen[ännern | Bornkood ännern]

Nahdem Harrison Schmitt de High School afslooten harr, studeer he an dat California Institute of Technology in Pasadena (Bachelor) un an de Universität Oslo in Norwegen (Master). 1964 kreeg he den Doktertitel in Geologie vun de Harvard University.

NASA[ännern | Bornkood ännern]

Schmitt keem as een vun de eerst Weetenschapsastronauten 1965 to de NASA. Sien Hööftupgaav weer dat Anleiden vun de anner Astronauten in dat geologisch Training för de bevörstahn Maandexkursionen. Todem kreeg he en 53 Week lang düern Pilotenutbillen un en speziell Training to dat Stüern vun de Maandlandefähr.

Schmitt bi de Arbeit

An' 15. März 1970 wurr he as Pilot vun de Maandlandefähr de Ersatzmannschap vun Apollo 15 toordnet. Nah de begäng Regel weer he dornah för de Hööftmannschap vun Apollo 18 nomineert wurrn; disse Floog wurr aber in' September 1970 ut Köstengrünnen streeken. Up Druck vun Weetenschapler bi de NASA, de en Weetenschapsastronaut to den Maand schicken wullen, wurr he an' 13. August 1971 de Mannschap vun Apollo 17 todeelt un hett dormit Joe Engle ut de Mannschap rutdrängt.

Schmitts eerst un eenzig Insatz in' Weltruum weer van 6. bit 19. Dezember 1972 wiels de Apollo-17-Mission as Pilot vun de Maandlandefähr, mit de he an' 11. Dezember in Taurus-Littrow-Rebeet daal gung. Tosommen mit Eugene Andrew Cernan führ he de längste Maanderkunden vun all Apollo-Missionen dör. Ronald Ellwin Evans weer bi disse Mission Pilot vun dat Apollo-Kommandomodul.

Jack Schmitt is de twalvte un vörlööpig letzte Minsch, de den Maand betreden hettt. He hett den Maand an' 14. Dezember 1972 mit de Maandlandefähr Challenger verlaaten. De letzte Minsch up den Maand weer he aber nich, wiel Kommandant Cernan nah hüm de Maand verlaaten hett.

Schmitt is in' August 1975 ut de NASA utscheeden, um en politisch Loopbahn as Politiker intoslahn. 1976 hett he sück as Kandidat vun de Republikaansch Partei gegen den Amtsinhaber Joseph Montoya um en Sitt in den Senat dörsett un weer van' 3. Januar 1977 bit 3. Januar 1983 en Amtsteit Senator för den Bundsstaat New Mexikco. As Senator weer he Liddmaat vun dat Science, Technology, and Space Subcommittee weer. De Wedderwahl verlor he 1982 gegen Jeff Bingaman vun de Demokraatsche Partei.

Siet 1982 arbeit Schmitt as Berader un Spreker.

Weblenken[ännern | Bornkood ännern]

Harrison Schmitt. Mehr Biller, Videos oder Audiodateien to’t Thema gifft dat bi Wikimedia Commons.