Up’m Vie

Vun Wikipedia
Wapen/Flagg Koort
hett keen Wapen
Up’m Vie
Laag vun Up’m Vie in Düütschland
Basisdaten
Bundsland: Neddersassen
Landkreis: Veern
Gemeen: Achem
Inwahners:
Postleettall: 28832
Vörwahl: 04202
Geograafsche Laag:
Koordinaten:53° 3′ N, 9° 2′ O
53° 3′ N, 9° 2′ O

Karte

Up’m Vie (hoochdüütsch Embser Vie) is en lütten Oort in de Gemeen Achem in’n Landkreis Veern, Neddersassen. Binnen de Gemeen höört de Oort to de polietsche Oortschop Emßen.

Geografie[ännern | Bornkood ännern]

De Oort liggt in en oold Oorstroomdaal, dat de Achem-Veerner Geest dörsniddt. De fuchtige Grund von dat Daal weer fröher allens Moor.

De Naveröörd sünd Eiten un Eitermöhlen in’n Noorden, Schaaphusen un Lindheim in’n Noordoosten, Emsholt, Bössel un Laoheid in’n Süüdoosten, Emßen in’n Süden un Thünen in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Achem in’n Kanton Achem höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Westvaagdie in dat Gogericht Achem tohöört un von 1852 bet 1885 to dat Amt Achem. Na 1885 weer dat in’n Kreis Achem. 1932 is dat Deel von’n Kreis Veern worrn.

De Oort höört von öllers bi de Gemeen Emßen mit bi, de an’n 1. Juli 1972 mit de Gemeenreform in Neddersassen Deel von de Gemeen Achem worrn is. Sietdem höört dat Rebeed binnen de Gemeen to de Oortschop Emßen.

Inwahnertall[ännern | Bornkood ännern]

Johr Inwahners
1791-00-001791[1] 7 Füürsteden
1812-00-001812[2] 46
1848-00-001848[3] 88 Lüüd, 15 Hüüs
1871-12-011. Dezember 1871[4] 81 Lüüd, 16 Hüüs
1885-12-011. Dezember 1885[5] 84 Lüüd, 15 Hüüs
1905-12-011. Dezember 1905[6] 85 Lüüd, 15 Hüüs

Religion[ännern | Bornkood ännern]

Up’m Vie is evangeelsch-luthersch präägt un höört to dat Kaspel von de Laurentius-Kark in Achem.

För de Kathoolschen is de St.-Matthias-Kark in Achem tostännig.

Weertschop un Infrastruktur[ännern | Bornkood ännern]

För Up’m Vie is de freewillige Füürwehr Emßen mit tostännig.

Verkehr[ännern | Bornkood ännern]

Up’m Vie löppt de Landsstraat 167 langs, de in’n Noorden na Eiten an de L 168 geiht un in’n Süden över Emßen na Achem an de L 158. De L 168 löppt in’n Noordoosten na Bassen, Otterbarg un Stuckenbossel un von dor as Bundsstraat 75 wieder na Söttmer un Rodenborg un in’n Westen na de Bremer Oortsdelen Oosterholt un Hemeln. De L 158 föhrt von Achem in’n Noordwesten över Bieren, Uphusen un Mahndörp na Hemeln un in’n Süüdoosten över Üsen un Bauen na Ädelsen un Langwedel.

De nächste Autobahn is de Autobahn 1 (Afsnidd BremenHamborg). De Opfohrt 52 Eiten liggt so een Kilometer in’n Noorden von Up’m Vie an de L 167. De Opfohrt 23 Achem-Noord op de A 27 (Afsnidd BremenWasra) liggt twee Kilometer in’n Süden ok an de L 167.

De nächste Bahnhoff is so bi dree Kilometer in’n Süden de Bahnhoff Achem an de Bahnlien Bremen–Wunsdörp.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 235
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 95
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 142
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 165
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 176
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 2