The Princess Bride (Film)

Vun Wikipedia
Filmdaten
Plattdüütsch Titel:
Originaltitel: The Princess Bride
Düütsch Titel: Die Braut ds Prinzen
Produkschoonsland: USA
Johr vun’t Rutkamen: 1987
Läng: 94 Minuten
Originalspraak: Engelsch
Öllersfreegaav in Düütschland: FSK 6
Filmkru
Speelbaas: Rob Reiner
Dreihbook: William Goldman
Produkschoon: Rob Reiner
Andrew Scheiman
Musik: Mark Knopfler
Kamera: Adrian Biddle
Snitt: Robert Leighton
Szenenbild: Norman Garwood
Kledaasch: Phyllis Dalton
Dorstellers

The Princess Bride (dt.: Die Braut des Prinzen) is en US-amerikaanschen Speelfilm vun 1987 mit Rob Reiner as Speelbaas, de na dat glieknöömt Book The Princess Bride vun William Goldman maakt worrn is. De Film is en enerworrns twüschen Fantasy un Määrken intoorden und wiest dorbi riek Elementen vun Kummedie op.

Inholt[ännern | Bornkood ännern]

De Film fangt mit de Rahmenhandlung an, de den Film ümgeven deit: En kranken Jungen kriggt Besöök vun sien Grootvadder, de em en Book mitbringen un vörlesen deit, nämlich de Geschicht The Princess Bride. Toeerst will de Jung dorvun nich recht wat weten, dat sien Grootvadder em dat kindische Määrken vörlesen deit, man mit de Tiet finnt he Gefallen doran.

De Hööfthandlung dreiht sik üm dat Aventüer vun den Stalljungen Westley un sien Leefste, de schöne Buttercup. As Westley lostüüt, üm sien Glück to maken, warrt he vun den gresigen Piraten Roberts fungen. Westley gellt as dood un Buttercup swört sik, dat se keen Leef mehr föhlen deit för jichtenseen Kerl. Man, de Prinz Humperdinck hett ehr gegen ehrn Willen to sien Bruut utsöcht un will ehr nu heiraten. As Buttercup utrieden deit, warrt se aver vun den Röver Vizzini un sien beiden Helpslüüd, den Swertkämper Inigo Montoya un den Resen Fezzik, fangen nahmen. Se wüllt en Löösgeld för dat Leven vun Buttercup pressen.

recht wiet kamt se aver nich. As se mit jemehr Börgsche utrieten doot, warrt se vun en maskeerten Pirat verfolgt, de jem naklettert un jümmer mehr ophollt. Na un na schallt he den Swertkämper, den Rees un opletzt ok den plietschen Vizzini ut. As he Buttercup opletzt in sien Gewalt hett, wiest he sik as Westley, de vun den gresigen Piraten Roberts nich ümbröcht, man vun em to sien Nafolger bestimmt worrn is.

Aver ok Prinz Humperdinck verfolgt de Rövers tohopen mit sien Handlanger Graff Rugen. Westley un Buttercup neiht ut in den Füersump, woneem Flammenutbröök, Drievsand un Rotten vun utermatig Grött luert. Prinz Humperdinck bringt Buttercaup wedder in sien Gewalt un lett ehr in den Gloven, dat Westley freelaten worrn is. Man, den stickt he in de Gruuv vun’t Twieveln, lett em foltern un all sien verbleven Levensjohren afsugen. Westley blifft doot.

In de glieken Tiet sünd Fezzik un Inigo dorbi em to söken, vun wegen dat Humperdinck dat Land terroriseert. Inigo warrt dorbi vör allen andreven, den Möörder vun sien Vadder to finnen, de kenntekent is dör söss Fingers an sien rechten Hand. As se den doden Westley finnt, bringt se sien Liek na den Alchimisten Wunnermax. De kann Westley wedder beleven, wieldat wohre Leev starker is as de Dood. Ofschoonst he noch en Tiet bruukt, bitdat he wedder Kontroll över sien Lief hett, kriegt de dree dat hen, an’n Dag vun de Hochtiet in’t Sloss rintokamen un de Fier to stören. Wiel den Kamp markt Inigo, dat de Graff Rugen de Möörder vun sien Vadder is un stellt em to’n Tweekamp. Buttercup will in de glieken Tiet Sülvstmoord maken, nadem se vun Westleys Dood höört hett, man he schapt dat to rechten Tiet, ehr to drapen. Humperdinck foddert em to’n Swertkamp, man de beiden laat em eenfach alleen.

All veer riedt tohopen weg. Buttercup un Westley warrt en glücklich Poor un Inigo Montoya schall mit Help vun Fezzik Westley as den gresigen Piraten Roberts bearven, wieldat he na’t Torüchbetahlen vun sien Vadders Dood nu en ne’e Levensopgaav bruukt.

Kritik[ännern | Bornkood ännern]

Filmlexikon op kabel eins: „Eine amüsante Kombination aus Fantasy-Märchen und Mantel- und Degen-Film, sorgfältig gestaltet und mit Schwung und Spannung leichthändig erzählt. Für Kinder wegen der ironischen Brechungen nur bedingt geeignet.“[1]

Cinema.de: „Der besondere Charme von Rob Reiners zauberhaftem Märchen liegt in der Genre-unüblichen Integration von Fantasy- und Mantel-und-Degen-Elementen, der kauzigen Gestaltung und den fast parodistischen Dialogen.“[2]

Moviemaster.de: „Ein klassisches Fantasy-Abenteuer mit dem Reiner-eigenen hintergründigen Humor erzählt.“[3]

Anners wat[ännern | Bornkood ännern]

  • Dreiht worrn is de Film an verscheden Öörd in England un Irland, as to’n Bispeel de Cliffs of Moher
  • Cary Elwes un Mandy Patinkin hebbt beid lehrt rechts- un linkshännig to fechten. Se hebbt meist all jemehr Kamp- un Stuntszenen sülvst maakt. Blots de Luftsaltos sünd vun Stuntmen doubelt worrn.
  • As Graff Rugen Westley op’n Kopp haut hett, hett Elwes em anwiest, em wohrhaftig to slahn. Christopher Guest drööp em aver so hard, dat de Deiharbeiten ünnerbroken warrn müssen. Elwes keem in’t Krankenhuus.
  • De Filmmusik to den Film is vun den Singer Mark Knopfler vun de Dire Straits produzeert worrn.

Filmpriesen[ännern | Bornkood ännern]

De Film is vun de Tokiekers goot opnahmen worrn un hett siek breed fächert Frünnen maakt. Vun wegen sien Spood is de Film vör tosamen ölven Filmpriesen nomineert worrn, ünner annern ok för den Oscar in de Kategorie Best Leed för dat Titelleed vun Willy DeVille. Wunnen hett de Film fief Priesen:

Borns[ännern | Bornkood ännern]

  1. Kabel eins Filmlexikon
  2. cinema.de
  3. moviemaster.de

Literatur[ännern | Bornkood ännern]

  • William Goldman: Die Brautprinzessin. S. Morgensterns klassische Erzählung von wahrer Liebe und edlen Abenteuern. Die Ausgabe der „spannenden Teile“ und das erste Kapitel der lang verschollenen Fortsetzung „Butterblumes Baby“ (Originaltitel: The Princess Bride). Düütsch vun Wolfgang Krege. Unkört Utgaav. Klett-Cotta un Deutscher Taschenbuch-Verlag (dtv), Stuttgart un München 2005, 424 S., ISBN 3-423-20854-6

Weblenken[ännern | Bornkood ännern]