The Fugitive (1993)

Vun Wikipedia
Zur Navigation springen Zur Suche springen
Filmdaten
Plattdüütsch Titel:
Originaltitel: The Fugitive
Düütsch Titel: Auf der Flucht
Produkschoonsland: USA
Johr vun’t Rutkamen: 1993
Läng: 130 Minuten
Originalspraak: Engelsch
Öllersfreegaav in Düütschland: FSK 16
Filmkru
Speelbaas: Andrew Davis
Dreihbook: David Twohy
Produkschoon: Arnold Kopelson
Musik: James Newton Howard
Kamera: Michael Chapman
Snitt: Don Brochu
David Finfer
Dean Goodhill
Dov Hoenig
Richard Nord
Dennis Virkler
Szenenbild: Dennis Washington
Kledaasch: Aggie Guerard Rodgers
Dorstellers

The Fugitive (op platt so veel as „De Utrieter“; dt. Titel: Auf der Flucht) is de Titel vun en US-amerikaanschen Thriller ut dat Johr 1993 vun den Speelbaas Andrew Davis. De Hööftrullen speelt Harrison Ford un Tommy Lee Jones. De Film baseert op de US-amerikaansche Feernsehreeg The Fugitive ut de 1960er Johren.

Inholt[ännern | Bornkood ännern]

Dr. Richard Kimble arbeit spoodriek as Dokter un hett en fein Leven. Man, een Avend warrt in sien Huus inbroken un sien Fro dorbi doodslahn. De Indizien snackt gegen em, un so warrt Dr. Kimble as Möörder anklaagt. He sülvst seggt ut, dat he mit en eenarmigen Inbreker wrangelt hett, man nümms glöövt em. Opletzt wart he veroordeelt un schall dör en Giftsprütt henricht warrn. Op’n Weg na dat Gefängnis versöökt welke vun de Fangenen uttobreken. De Bus vun’t Gefängnis hett dorophen en Unfall un lannt op de Iesenbahn. Kimble kann noch dat Leven vun en Polizist redden un denn utrieten, nadem de Bus vun en Tog afaten kregen worrn is.

As Utrieter mutt sik Kimble alleen dörslahn. OP em ansett is de U.S. Marshal Samuel Gerard mit sien Team, de em mit all Middels wedder in’t Gefängnis torüchbringen will. Kimble kann aver jümmer wedder utneihn un kriggt dat dör Tarnen un Versteken hen, nich optofallen. As Huusmeester tarnt versöcht he in en Krankenhuus mehr över den Eenarmigen ruttofinnen, de sien Fro ümbröcht hett. Bito kann he in dat Krankenhuus sogor noch dat Leven vun en Kind redden, as em en Fehldiagnoos opfallt. He söcht nu op egen Fuust na den Möörder un warrt dorbi meist fastnahmen, as he en vun de Verdächtigen in’t Gefängnis besöken deit.

Opletzt finnt Kimble den Verbreker. Dorbi hannelt sik dat um Fredric Sykes, de för en Pharmakunzern Devlin McGregor arbeit. De Vörstandsvörsitter, Dr. Charles Nichols, sett Sykes op Kimble an. Kimble stellt fast, dat de Kunzern kort för’t Inföhren vun en nee Heelmiddel steiht. Wieter finnt he rut, dat dat blots mööglich weer, vunwegen dat Devlin McGregor en namaakte Forschungsstudie vörleggt hett. Dat weer opletzt ok de Grund, worüm Kimble sien Foro starven müss: Dormit schüll Kimble utschallt warrn, de den Bedrug opdeckt harr. Kimble maakt sik op’n Weg na dat Chicago Hilton Hotel, woneem Nichols dat ne’e Heelmiddel op den Symposium vörstellen will. Sykes luert em op un hett em in de U-Bahn in de Mangel. Dor warrt he aver vun en Polizisten överrascht, de Sykes fastnehmen will. Sykes schütt em doot. Kimble kann woll wedder mol utneihn, man nu is de hlee Polizei achter em ran, vunwegen datdat so ütsütt, as harr he den Polizisten ümbröcht.

An’t Enn kummt Kimble na dat Hotel un platzt midden in den Vördrag vun Nichols, den he op den Bedrug ansnackt. Dat kummt to’n Verfolgen in dat Hotel un to’n Kamp twüschen de beiden Kollegen. Man, ok Gerard un siene Marshals hebbt na un na rutfunnen, worüm dat bi de Saak geiht. In de Wäscheree vun’t Hotel dröpt Gerard op Nichols un Kimble. Jüst as Nichols op den Marshal scheten will, kann Kimble em en över’n Kopp tehn un Gerard op disse Wies redden. In Handschellen warrt Kimble vun Gerard afföhrt – vör allen ok üm em vör de opbröchten Polizisten to redden – nimmt em de Handschellen aver in’t Auto den af, vunwegen dat he nu weet, dat Dr. Kimble wohrhaftig nich schullig is.

Kritik[ännern | Bornkood ännern]

De Film weer vun de Kritik as en rutragen Actionfilm opfaat. Sünners de Dorstellers weern loovt as ok de Geschicht, de as intelligent un goot dördacht beschreven weer[1]. Dat Lexikon vun’n internatschonalen Film harr sik dorgegen mehr Vertwiegen in’n Afloop wünscht un en Hööftfigur, de nich so graadlienig weer[2]

Utteken[ännern | Bornkood ännern]

De Film haar veel Spood in’t Kino. He weer för tosamen 31 Priesen vörslahn un hett ölven dorvun wunnen, dorünner ok een Oscar. Ünner de Utteken weern to’n Bispeel:

Anners wat[ännern | Bornkood ännern]

In eenige annere Produkschonen geev dat Szenen, de op dissen Film anspelen doot. To’n Bispeel speelt Neil Flynn in den Film en Polizisten in de U-Bahn. In de Krankenhuus-Kummediereeg Scrubs speelt he en Huusmeester, woneem he ok op sien fröhere Loopbahn as Schauspeler un ünner annern ok op disse Rull ansnackt warrt. De Sprung vun’t Wehr warrt ünner annern in de Episood Lisa’s Rival in de Feernsehreeg The Simpsons opgrepen, Ok de Episood Who Shot Mr. Burns? (Deel Twee) speelt op den Film an.

To den Film geev dat fief Johren later mit U.S. Marshals en tweeten Deel, in den dat Team üm Dep. Marshal Samuel Gerard jüst so en Fall optokloren hett. Dat glieke Johr is mit den Film Wrongfully Accused en Parodie rutkamen, de vun’n Grundsatz op dissen Film baseert.

Borns[ännern | Bornkood ännern]

  1. filmstarts.de: Kritik op Filmstarts.de, afropen an’n 18. Juli 2009
  2. Kritik in’t Lexikon vun’n internatschonalen Film

Weblenken[ännern | Bornkood ännern]