The Final Countdown

Vun Wikipedia
Filmdaten
Plattdüütsch Titel:
Originaltitel: The Final Countdown
Düütsch Titel: Der letzte Countdown
Produkschoonsland: USA
Johr vun’t Rutkamen: 1980
Läng: 103 Minuten
Originalspraak: Engelsch
Öllersfreegaav in Düütschland: FSK 12
Filmkru
Speelbaas: Don Taylor
Dreihbook: David Ambrose
Gerry Davis
Thomas Hunter
Peter Powell
Produkschoon: Peter Douglas
Musik: Alan Howarth
John Scott
Kamera: Victor J. Kemper
Snitt: Robert K. Lambert
Szenenbild: Fernando Carrere
Kledaasch: Ray Summers
Dorstellers

The Final Countdown (op Platt so veel as „De letzte Countdown“; dt. Titel: Der letzte Countdown) is en US-amerikaanschen Science-Fiction-Film ut dat Johr 1980, de vun den Speelbaas Don Taylor dreiht worrn is. In de Hööftrullen spelen Kirk Douglas un Martin Sheen.

Inholt[ännern | Bornkood ännern]

De System-Analytiker Warren Lasky arbeit för Richard Tideman, den he nienich persönlich sehn hett un de an den Bo vun den US-amerikaanschen FlegerdrägerUSS Nimitz“ bedeeligt weer. Lasky geiht mit an Boord, as de Nimitz to en Manöver utlopen deit, üm to kieken, woans de Mannschop ehr Arbeit maakt, un dorna en Bericht bi’t Ministerium för’t Deffenderen aftogeven. As dat Schipp in de Neeg vun Pearl Harbor is, kummt dat Schipp in en sünnerboren, snaakschen Storm. Dat Unweder is na korte Tiet wedder vörbi, man nümms weet, wat dor egentlich vör sik gahn is. Alarm warrt geven, as eenige vun De Lüüd sogor vermoden doot, dat dat to en Atomkrieg kamen wesen künn. Denn aver passeert snaaksche Saken: De Funkanlaag an Boord fangt olle Radiosennen op un Narichten, de mit olle Koods verslötelt sünd. Bi en Opklaarflaag över Pearl Harbor finnt de Piloten de amerikaansche Pazifikflott vör, de in’n Tweeten Weltkrieg dör den japaanschen Angreep op Pearl Harbor tonichten maakt worrn is. Man de is noch vullstännig bisamen un heel. Wieter buten in’n Pazifik künnt se de japaanschen Flegerdrägers oorten, de den Angreep maakt.

De Besatten warrt foorts klor, dat de Nimitz dör den sünnerboren Storm in de Tiet torüchversett worrn is un se sik nu midden in’n Tweeten Weltkrieg an’n 6. Dezember 1941 befinnt – een Dag vör den japaanschen Angreep. In de Neeg vun de Nimitz warrt en Yacht utmaakt, op de sik ünner annern de Senator Samuel Chapman ophollt, de 1941 Vörsitter vun’n Utschuss för’t Deffenderen weer. He weer een vun de Lüüd, de to de Tiet den Japaanschen Angreep vörutseggt hebbt. De Yacht warrt vun japaansche Flegers angrepen, ümdat allens tonichten maakt warrn schall, wat Pearl Harbor wohrschoen künn. De Historienböker seegt, dat Chapman diet den 7. Dezember 1941 as vermisst gellt un he wohrschienlich bi den Angreep doodbleven is. Man, twee Affangjägers vun’n Tyyp F-14 „Tomcat“ vun de Nimitz griept nu in un scheet de beiden japaanschen Flegers af. Chap un sien Helpsfro Laurel Scott warrt reddt un an Boord vun de Nimitz hollt. Aver ok een vun de japaanschen Piloten överleevt un warrt ok mit an Boord nahmen.

An Boord kann de japaansche Pilot utneihn un kriggt dorbi en Wapen in de Hand. Dormit schütt he mehrere Wachsoldaten doot un kann Chapman un annere Börgen in siene Gewalt bringen, üm so Togang to de Funkanlaag to kriegen un sien Baas för de Nimitz to wohrschoen. De Japaner kann opletzt aver ünnerkregen warrn un warrt bi dat Gerangel doodschaten. Chapman will Pearl Harbor wohrshoen. De Kaptein vun de Nimitz, Yelland, is aver de Ansicht, dat he Pearl Harbor nich över den tokamen Angreep vun de Japaners Bescheed geven mutt, vun wegen dat de Nimitz ok alleen in de Laag is, den Angreep aftowehren. Chapman dorgegen will nu ok an’t Funk, üm Pearl Harbour to wohrschoen. Man de Senater warrt nich för eernst nahmen as he den Naam vun den Flegerdräger un den Kaptein seggt. Man wiest em af mit den Henwies, dat zivile Peronen nix op den Funkkanal to söken hebbt.

As Chapman dorop drammt. dat he foorts na Pearl Harbor flagen warrn will, warrt he in en Heevschruver brocht, man de Piloten kriegt Order, em un sien Helpsfro mit noog to Eten un Drinken op en eensom Eiland aftosetten. Chapman markt aver glieks, dat de Heevschruver nich na Pearl Harbor flagen is. Mit en Lüüchtpistool kann he de Soldaten ünner sien Kontroll bringen un dwingt den Piloten wedder los und na Pearl Harbor to flegen. Man kort na’n Start gifft dat en Gerangel an Boord, bi dat sik en Schööt ut de Lüüchtpistool löst. De Heevschruver explodeert un Chapman un de Kru an Boord starvt. Op dat Eiland blievt alleen Cmdr Owens un de Helpsfro Laurel Scott torüch. Op de Nimitz warrt in de Twüschentiet all Flegers klor maakt, üm den Angreep vun de Japaners aftowehren. Man, noch vördem dat to en Slacht kummt, tütt wedder dat sünnerbore Unweder op, dat nochmol de Nimitz insluten deit. Dormit warrt de Akschoon in letzte Sekunn afbroken un de Nimitz verswinnt mitsams all de Flegers ut de verleden Tiet un lannt wedder in de Nutiet.

As Lasky opletzt de Nimitz wedder verlaten deit, dröpt he to’n eersten mol mit Tideman un sien Fro tohopen un mit verwunnert faststellen, dat de beiden Cmdr Owens un Laurel Scott sünd, de natürlich nu veertig Johr öller worrn sünd.

Kritiken[ännern | Bornkood ännern]

  • Lexikon vun’n internatschonalen Film: Eine durch einen mysteriösen Sturm ausgelöste Zeitverschiebung versetzt den amerikanischen Flugzeugträger Nimitz 1980 um Jahrzehnte zurück an den Vorabend des japanischen Angriffs auf Pearl Harbor im Dezember 1941. Technisch imposanter, weitgehend spannender Film.
  • Die Zeit vun’n 14. November 1980: Durch die hölzerne Inszenierung des Action-Routiniers Don Taylor werden die Möglichkeiten des Themas weitgehend verschenkt. Was übrigbleibt von dieser utopischen Rache-Phantasie, ist eine aufwendig-alberne Demonstration amerikanischer Allmachtsallüren, die nur ob ihrer unfreiwillig parodistischen Züge einen gewissen Reiz besitzt.[1]

Anners wat[ännern | Bornkood ännern]

  • De USS Nimitz, op de de Filmszenen dreiht worrn sünd, weer to de dormoligen Tiet de modernste Flegerdräger vun de US-Navy. An de Kampszeen twüschen de beiden F-14-Tomcat-Düsenjägers un de beiden japaanschen Zero-Propellermaschienen ut’n Tweeten Weltkrieg kann en sehn, woans sik de Wapen- un Flegertechnik in de ruchweg veertig Johren dortwüschen entwickelt hett.
  • De Trickeffekten sünd vun Maurice Binder maakt worrn, de bekannt worrn is dör de Gestalten vun den Vörspann vun en Reeg vun James-Bond-Filmen.

Utteken[ännern | Bornkood ännern]

De Film weer 1981 in de Kategorien Best Science-Fiction-Film un Best Hööftdorsteller för den Saturn-Pries vörslahn, künn aver keen dorvun winnen. Dat nafolgen Johr weer he denn aver mit de Goldene Lienwand uttekent

Borns[ännern | Bornkood ännern]

  1. „Die Zeit“ vun’n 14. November 1980

Weblenken[ännern | Bornkood ännern]