Spoorkass Stood-Oolland

Seet in Stood

Filiaal in Thun

De Spoorkass Stood-Oolland is en Spoorkass mit Seet in Stood (Peermarkt 11a). De Bank höört to de Spoorkassen-Finanzgrupp un hett 19 Filialen in’n Landkreis Stood (in de Stadt Stood, de Samtgemeen Lüh un de Gemeen Jörk), in’n Landkreis Horborg (in de Gemeen Vosshusen) un in Hamborg (in Finkwarder un Neefeld). De Vörsitter von’n Vörstand is Wolfgang Schult, de Vörsittersche von’n Verwaltungssraad is Silvia Nieber. Dregers von de Anstalt des öffentlichen Rechts sünd de Stadt Stood un de Gemenen Jörk, Greundiek, Gauderhandviddel, Hullern-Twielenfleet, Mittelskark, Neekark, Steenkark un Vosshusen. De Rechtsgrundlaag is dat Neddersassische Spoorkassengesett.

De BLZ is 241 510 05 un de BIC NOLA DE21 STS. De Bilanzsumm weer an’n 31. Dezember 2013 1,704 Milliarden Euro, de Inlagen weren 1,166 Milliarden Euro un de Kunnenkredite 1,427 Milliarden Euro. De Bank hett üm un bi 478 Mitarbeiders (Stand Dezember 2013).

Blangen den Seet in Stood an’n Peermarkt hett de Spoorkass ok noch Filialen in Bützfleet, Eestbrügg, Finkwarder, Hahl, Hogenwedel, Jörk, Neekark, Schölisch, Seehoff, Steenkark, Stood (Sassenveerdel), Thun un Wiepenkathen.

Historie

De Spoorkass Stood-Oolland hett sik in dat Johr 2000 billt, as de Stadtspoorkass Stood un de Oollanner Spoorkass tohoopgahn sünd.

De Spoorkass in Steenkark hett an’n 1. Oktober 1914 apenmaakt.

De Filiaal in Hullern-Twielenfleet hett Anfang Oktober 2016 dichtmaakt un de in dat Oollanner Veerdel 2017.

Stadtspoorkass Stood

De Stadtspoorkass Stood is 1836 grünnt worrn.

Oolanner Spoorkass

De Kass is 1872 as Spoor- un Lehnkass von Oolland mit Seet in Jörk grünnt worrn. Eerste Filialen sünd 1899 in Hullern un Neefeld opmaakt worrn.

Na dat Groot-Hamborg-Gesett hett de Spoorkass de Filialen in Cranz un Neefeld to’n 1. Januar 1944 an de Hambörger Ne’e Spoorkass un an de Hambörger Spoorkass afgeven müsst.

Vörsitter von’n Vörstand weer von 1979 bet 2000 Max-Dietrich Tesch.

Vörstandsvörsitters

• 2000–2005: Max-Dietrich Tesch
• 2005–30. November 2014: Dieter Kanzelmeyer
• 1. Dezember 2014–: Wolfgang Schult

Literatur

• Bernhard Wirtgen: 125 Jahre Stadtsparkasse Stade: 1836 - 1961. Aus dem Stader Wirtschaftsleben des 19. Jahrhunderts. Stadtspoorkass Stood, Stood 1986
• Bernd Kappelhoff: Die 125jährige Geschichte der als „Spar- und Leih-Casse des Altenlandes“ gegründete Altländer Sparkasse 1873-1998. Oollanner Spoorkass, Jörk 1998

Weblenken

• Websteed von de Spoorkass (hoochdüütsch)