Santiago Castillo

Vun Wikipedia
Zur Navigation springen Zur Suche springen

Santiago Castillo Jr. (ok Santino Castillo oder Santi Castillo nöömt; * 23. Mai 1956) is en Ünnernehmer un Politiker ut Belize (UDP).

Leven[ännern | Bornkood ännern]

Castillo is 1956 as Söhn von Addy un Santiago Castillo Sr. (1906/1907–1983) boren.[1][2][3] He weer op de Grundscholen St. Catherine’s un Holy Redeemer un denn op dat St. John’s College in Belize-Stadt, dat he 1973 afslaten hett.[2] He güng denn op de Valley Forge Military Academy and College in Wayne un hett 1977 an dat Biscayne College in Miami Gardens en Bachelor in Weertschopswetenschoppen maakt.[2] 2001 hett he as Geschäftsföhrer dat grote Hannelsünnernehmen övernahmen, dat sien Vader siet 1926 opboot un siene Moder von 1983 bet 2001 wiederföhrt harr.[3]

Castillo is verheiraadt un hett dree Kinner.[2]

Politik[ännern | Bornkood ännern]

Bi de Parlamentswahl in Belize 1993 weer he Kannedaat för de UDP in’n Wahlkreis Belize-Land Süüd un hett de Wahl mit 43,8 % von de Stimmen gegen Glenn Godfrey von de PUP verloren.

Bi de Wahl 2012 weer he Kannedaat för de UDP in’n Wahlkreis Karibische Küst un hett de Wahl mit 59,50 % von de Stimmen gegen David Hoy von de PUP wunnen. Bi de Wahl 2015 is he nich wedder antreden, üm Platz för Darrell Bradley to maken.

Dormit weer he von’n 7. März 2012 bet November 2015 Afornten von dat Repräsentantenhuus von Belize. He weer in düsse Tied ünner Premierminister un Finanzminister Dean Barrow von’n 13. März 2012 bet 9. November 2015 Staatsminister in dat Ministerium för Finanzen un Weertschopliche Entwicklung un weer dor vör allen för Weertschopliche Entwicklung tostännig.

Footnoten[ännern | Bornkood ännern]

  1. Belize Public Service Staff List 2014
  2. a b c d Biografie bi dat Ministerium för Weertschopliche Entwicklung
  3. a b Founder, Santiago Castillo Ltd.