Salvador Fernandez

Vun Wikipedia
(wiederwiest vun Salvador Jesus Fernandez)

Salvador Jesus Fernandez is en Politiker ut Belize (UDP).

1991 weer he Börgermeester von San Ignacio/Santa Elena.

Bi de Parlamentswahl in Belize 1984 weer he Kannedaat för de UDP in’n Wahlkreis Cayo Noord un hett de Wahl mit 58,9 % von de Stimmen gegen Orlando Harrison von de PUP wunnen. Bi de Wahl 1989 (52,9 % von de Stimmen gegen Ismael Garcia, PUP) un de Wahl 1993 (50,2 % gegen Ainslie Leslie, PUP) kunn he sik in’n sülven Wahlkreis wedder dörsetten. Bi de Wahl 1998 hett he denn aver mit 48,44 % knapp gegen Leslie verloren.

Dormit weer he von 1984 bet 1998 Afornten von dat Repräsentantenhuus von Belize.

He is in düsse Tied ünner Premierminister Manuel Esquivel von 1993 bet April 1997 Minister för Hannel un Industrie ween un in’n April 1997 as Nafolger von Ruben Campos Minister för Gesundheit un Sport worrn, wat he bet 1998 bleven is (Kabinett Esquivel II).

Bi de Wahl 2008 is he noch wedder neet in’n Wahlkreis Cayo Noord antreden un hett dütmaal gegen Otto Coleman von de PUP un Alden McDougall von de NRP 62,47 % von de Stimmen haalt. Bi de Wahl 2012 is he gegen Joseph Mahmud von de PUP un den unafhängigen Marcel Bedran antreden un hett 42,77 % von de Stimmen kregen. Dormit keem he op’n tweten Platz achter Mahmud un is nich wedder in dat Repräsentantenhuus intagen. Fernandez sien twete Tied in dat Repräsentantenhuus güng also von 2008 bet 2012.

Ehren[ännern | Bornkood ännern]

Salvador Fernandez Bridge

De Salvador Fernandez Bridge, de 1988 in Bullet Tree Falls över’n Mopan boot worrn is, is na em nöömt.