Ainslie Leslie

Vun Wikipedia
Zur Navigation springen Zur Suche springen

Ainslie Leslie (* 1947 oder 1948) is en Politiker ut Belize (PUP).

Bi de Parlamentswahl in Belize 1993 weer he Kannedaat för de PUP in’n Wahlkreis Cayo Noord un hett de Wahl mit 49,8 % von de Stimmen knapp gegen Salvador Fernandez von de UDP verloren. Bi de Wahl 1998 weer he in’n sülven Wahlkreis Kannedaat un hett de Wahl mit 50,22 % von de Stimmen gegen Fernandez wunnen. Ok de Wahl 2003 hett Leslie mit 51,42 % von de Stimmen gegen Dean Williams von de UDP wunnen.

Dormit weer he von 1998 bet 2008 Afornten von dat Repräsentantenhuus von Belize.

Leslie is ünner Premierminister Said Musa 2003 Staatsminister in dat Ministerium för Natürliche Ressourcen, Ümwelt, Hannel un Industrie worrn.

An’n 18. August 2004 is Leslie Minister för Energie un Kommunikatschoon worrn. Dormit weer he Maat von dat Kabinett Musa II. Düt Amt müss he aver an’n 29. Dezember 2004 al wedder afgeven un is wedder Staatsminister för Natürliche Ressourcen worrn.

Leslie is an’n 5. Juni 2007 as Staatsminister in dat Ministerium för Apentliche Arbeiden wesselt un dor bet to de Wahl 2008 bleven.

In’n Februar 2009 weer Leslie op’n Hummingbird Highway in dat Dörp Steadfast ünnerwegens un hett en veer Johr oold Kind anföhrt, dat teihn Daag later doodbleven is.[1]

Footnoten[ännern | Bornkood ännern]

  1. Former Minister Ainslie Leslie Charged for Fatal Traffic Accident, 7 News Belize an’n 11. Februar 2009