Ruta Nacional 20 (Honduras)

De Ruta Nacional 20 (RN-20, Natschonaalstraat 20) is en Straat in dat Departamento Santa Bárbara in Honduras, de to dat Stratennett von de Rutas Nacionales tohöört. Se is 107 Kilometer lang.

Verloop

De Straat nimmt ehren Anfang an de CA-4 in La Ceibita (Municipio Quimistán). Von dor löppt se na Süden över’n Río Cacaulapa in dat Municipio Petoa un denn dat Daal von’n Cacaulapa hoog an de Dörper Pueblo Nuevo, Petoa, Santa Clara, El Tumbo, El Higuito (dor anbunnen an de RN-92 na San Luis) un La Unión langs na Trinidad un Chinda. Dor münnt von Noordoosten de RN-126 (föhrt na Concepción del Norte un Villanueva) in de RN-20.

In Chinda drippt de Straat ok op’n Río Ulúa un löppt nu an de Westsied von düssen Stroom langs bet na Ilama, wo se op de RN-63 (föhrt in’n Westen na San José de Colinas un San Luis) drippt un mit en Brügg na de Oostsied von’n Río Ulúa röverwesselt. Hier löppt se wieder na Süden över Gualala un Gualjoquito na Gualjoco, över’n Río Cecepapa un na Santa Bárbara.

Achter Santa Bárbara geiht de Straat över La Ceibita na Tencoa un is dor an de RN-62 anbunnen, de in’n Noordwesten na San Vicente Centenario un San Nicolás löppt. Achter Tencoa dreiht de RN-20 na Süüdoosten un föhrt an San Juan un Ceguaca langs över’n Río Salado na Concepción del Sur. Bi El Ocote föhrt en Siedenstraat na San Pedro Zacapa. De RN-20 löppt an El Mogote langs över La Buena Fé un Los Horconcitos na La Majada an’n Lago de Yojoa. Hier münnt de Straat in de CA-5. Över de letzten dree Kilometer löppt de RN-20 dorbi dör dat Departamento Comayagua (Municipio Taulabé).

Rutas Nacionales in Honduras

RN15 | RN18 | RN19 | RN20 | RN21 | RN22 | RN23 | RN25 | RN26 | RN27 | RN35 | RN37 | RN33 | RN35 | RN39 | RN41 | RN43 | RN46 | RN51 | RN52 | RN53 | RN54 | RN56 | RN57 | RN58 | RN59 | RN61 | RN64 | RN65 | RN66 | RN67 | RN68 | RN69 | RN70 | RN71 | RN72 | RN73 | RN74 | RN75 | RN76 | RN77 | RN78 | RN79 | RN80 | RN81 | RN83 | RN84 | RN85 | RN86 | RN87 | RN88 | RN89 | RN91 | RN92 | RN93 | RN94 | RN95 | RN96 | RN97 | RN99 | RN103 | RN105 | RN109 | RN110 | RN111 | RN112 | RN113 | RN114 | RN115 | RN116 | RN117 | RN118 | RN120 | RN121 | RN122 | RN123 | RN125 | RN126 | RN127 | RN128 | RN129 | RN130 | RN131 | RN132 | RN133 | RN135 | RN136 | RN137 | RN138 | RN139 | RN140 | RN141 | RN143 | RN146 | RN147 | RN150 | RN151 | RN152 | RN188