Ruta Nacional 23 (Honduras)
De Ruta Nacional 23 (RN-23, Natschonaalstraat 23) is en Straat in de Departamentos Yoro un Colón in Honduras, de to dat Stratennett von de Rutas Nacionales tohöört. Se is 258 Kilometer lang un föhrt ünner annern dör dat Daal von’n Río Aguán (Valle del Aguán).
Verloop[ännern | Bornkood ännern]
De Straat nimmt ehren Anfang an de RN-21 in Santa Rita. De RN-21 föhrt in’n Noorden na El Progreso an de CA-13 un in’n Süüdwesten na La Barca an de CA-5.
Von Santa Rita löppt de RN-23 na Oosten groff an Río Comayagua un Río Cuyamapa langs na El Negrito (in dat Valle Olomán) un Morazán (in dat Valle Cataguana). De Straat löppt denn den Río Cuyamapa un Río Chancaya hoog över de Öörd Cuyamapa un Chancaya un wesselt bi La Habana in dat Daal von’n Río Mojinga. Bi Ocotal Caído triddt de Straat in dat Valle de Yoro in un löppt över Ayapa na Yoro, över’n Río Jalegua, en Stück de Quebrada La Guata langs, över La Guata un Puentecita dör de Bargen. De Straat kummt denn in dat Daal von’n Río Pueblo Viejo un kummt na Jocón. Dor wesselt se in dat Daal von’n Río Jocón/Río Macora un löppt över Macora na’n Río Aguán. Hier geiht de Straat mit en Brügg op dat Noordöver von’n Stroom un dreiht na Oosten in dat Valle del Aguán na Coyoles un Olanchito. Achter Olanchito löppt de RN-23 mit en Brügg wedder op dat Süüdöver von’n Río Aguán un kummt dör Bocaterna un Armenia un toletzt na Lomitas (Río Monga) un Sabá. In Sabá münnt de Straat in de CA-13, de in’n Noordwesten na Jutiapa un La Ceiba föhrt un in’n Noordoosten na Tocoa un Corocito.
RN15 | RN18 | RN19 | RN20 | RN21 | RN22 | RN23 | RN25 | RN26 | RN27 | RN35 | RN37 | RN33 | RN35 | RN39 | RN41 | RN43 | RN46 | RN51 | RN52 | RN53 | RN54 | RN56 | RN57 | RN58 | RN59 | RN61 | RN64 | RN65 | RN66 | RN67 | RN68 | RN69 | RN70 | RN71 | RN72 | RN73 | RN74 | RN75 | RN76 | RN77 | RN78 | RN79 | RN80 | RN81 | RN83 | RN84 | RN85 | RN86 | RN87 | RN88 | RN89 | RN91 | RN92 | RN93 | RN94 | RN95 | RN96 | RN97 | RN99 | RN103 | RN105 | RN109 | RN110 | RN111 | RN112 | RN113 | RN114 | RN115 | RN116 | RN117 | RN118 | RN120 | RN121 | RN122 | RN123 | RN125 | RN126 | RN127 | RN128 | RN129 | RN130 | RN131 | RN132 | RN133 | RN135 | RN136 | RN137 | RN138 | RN139 | RN140 | RN141 | RN143 | RN146 | RN147 | RN150 | RN151 | RN152 | RN188