Ruta Nacional 99 (Honduras)

Vun Wikipedia

Karte De Ruta Nacional 99 (RN-99, Natschonaalstraat 99) is en Straat in dat Departamento Colón in Honduras, de to dat Stratennett von de Rutas Nacionales tohöört. Se is 31 Kilometer lang un föhrt an’n Süüdoost-Rand von dat Daal von’n Río Aguán (Valle del Aguán) langs.

Verloop[ännern | Bornkood ännern]

De Straat nimmt ehren Anfang an de RN-39 in Bonito Oriental. Se löppt mit en Brügg över’n Río Bonito un föhrt denn na Noordoosten över Río Piedra Blanca un Río Tabasco na Francia. Von dor löppt se na’n Río Limoncito. Achter’n Río Limoncito ennt de RN-99 an en Krüzung. Von dor geiht de Straat na Noorden veer Kilometer wieder bet na Limón un in’n Oosten na Farallones, Lavaderito, Punta Piedra un Cusuna.