Ruta Nacional 91 (Honduras)
De Ruta Nacional 91 (RN-91, Natschonaalstraat 91) is en Straat in de Municipios Danlí un Trojes in dat Departamento El Paraíso in Honduras, de to dat Stratennett von de Rutas Nacionales tohöört. Se is 76 Kilometer lang.
Verloop[ännern | Bornkood ännern]
De Straat nimmt ehren Anfang an de RN-53 in El Empalme (Valle de Jamastrán). De RN-53 geiht in’n Westen na Danlí an de CA-6 un in’n Noorden na Bijagual an de RN-77, de na Juticalpa wiederlöppt.
Von El Empalme föhrt de RN-91 na Süüdoosten över’n Río del Hato un langs an de Dörper El Zamorano, Sartenejas un El Zapotillo. Bi El Matazano föhrt de Straat över’n Río San Francisco un dreiht op en Noordoost-Kurs. Se föhrt dör dat Daal von de Quebrada del Aguila, den Río Guyambre un de Quebrada Grande del Chaparral na El Chaparral un Las Delicias. Hier kummt se an de Staatsgrenz na Nicaragua un an’n Río Limón un löppt dör Cifuentes. Kort vör Las Trojes geiht na Süden en Straat af, de na de Grenz to Nicaragua föhrt un dor an de NIC-29 (na Jalapa un Ocotal) anbunnen is. Dat is de eenzige offizielle Grenzövergang wied un sied. In’n Oosten gifft dat bet na de Atlantikküst (Luftlien över 300 km weg) nich een Grenzövergang un in’n Süüdwesten is de Grenzövergang von de CA-6/NIC-15 över 60 km wied weg.
In Las Trojes geiht na Noorden en Siedenstraat af na Nueva Palestina. Von Las Trojes föhrt de RN-91 wieder na Süüdoosten na Capire in dat Rebeed von’n Río Guano. Düsse Gegend is aver blots noch dünn besiedelt.
RN15 | RN18 | RN19 | RN20 | RN21 | RN22 | RN23 | RN25 | RN26 | RN27 | RN35 | RN37 | RN33 | RN35 | RN39 | RN41 | RN43 | RN46 | RN51 | RN52 | RN53 | RN54 | RN56 | RN57 | RN58 | RN59 | RN61 | RN64 | RN65 | RN66 | RN67 | RN68 | RN69 | RN70 | RN71 | RN72 | RN73 | RN74 | RN75 | RN76 | RN77 | RN78 | RN79 | RN80 | RN81 | RN83 | RN84 | RN85 | RN86 | RN87 | RN88 | RN89 | RN91 | RN92 | RN93 | RN94 | RN95 | RN96 | RN97 | RN99 | RN103 | RN105 | RN109 | RN110 | RN111 | RN112 | RN113 | RN114 | RN115 | RN116 | RN117 | RN118 | RN120 | RN121 | RN122 | RN123 | RN125 | RN126 | RN127 | RN128 | RN129 | RN130 | RN131 | RN132 | RN133 | RN135 | RN136 | RN137 | RN138 | RN139 | RN140 | RN141 | RN143 | RN146 | RN147 | RN150 | RN151 | RN152 | RN188