Oosterbrook (Landkreis Rodenborg)

Vun Wikipedia
Wesseln na: Navigatschoon, Söök
Wapen/Flagg Koort

Wapen vun Oosterbrook

Oosterbrook
Laag vun Oosterbrook in Düütschland
Basisdaten
Bundsland: Neddersassen
Landkreis: Rodenborg
Samtgemeen: Tarms
Gemeen: Büls
Inwahners:
Postleettall: 27412
Vörwahl: 04283
Geograafsche Laag:
Koordinaten:53° 12′ N, 9° 8′ O
53° 12′ N, 9° 8′ O

Oosterbrook (hoochdüütsch Osterbruch) is en Dörp in de Gemeen Büls (Samtgemeen Tarms) in’n Landkreis Rodenborg, Neddersassen. De Oort höört polietsch von öllers bi Neenbüls mit bi.

Geografie[ännern | Bornkood ännern]

De Oort liggt an’n Rand von de Geest hen na de Mooren an de Wörp, de en knappen Kilometer in’n Noordwesten an dat Dörp langsflütt.

De Naveröörd sünd Westertimk in’n Noorden, Neenbülst un Olenbülst in’n Noordoosten, Vörwark in’n Süüdoosten, Dipshoorn in’n Süden, Wilst in’n Süüdwesten un Tarms in’n Noordwesten.

Historie[ännern | Bornkood ännern]

De Oort kummt 1336 as Osterbruke toeerst in en Oorkunn von dat Klooster Leendaal vör.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Otterbarg in’n Kanton Otterbarg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1859 to de Amtsvaagdie Wilst in dat Amt Otterbarg tohöört. 1859 is dat as Deel von dat Kaspel Wilst in dat Amt Zeven wesselt un weer na 1885 denn in’n Kreis Zeven. 1932 is dat Deel von’n Kreis Bremervöör worrn un 1977 von’n Landkreis Rodenborg.

1929 sünd Neenbüls (mit Oosterbrook) un Olenbüls to de ne’e Gemeen Büls tohoopgahn. Mit de Gemeenreform in Neddersassen an’n 1. März 1974 sünd Büls un Steenfeld to de gröttere Gemeen Büls tohoopgahn.

Inwahnertall[ännern | Bornkood ännern]

Johr Inwahners
1791-00-00 1791[1] 3 Füürsteden
1812-00-00 1812[2] 31
1824-00-00 1824[3] 5 Füürsteden
1871-12-011. Dezember 1871[4] 29 Lüüd. 5 Hüüs

Religion[ännern | Bornkood ännern]

Oosterbrook is evangeelsch-luthersch präägt un höört to dat Kaspel von de Petri-Kark in Wilst.

För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Oosterbrook löppt de Kreisstraat 117, de in’n Süüdwesten na Wilst geiht un in’n Oosten na Büls un an de Landsstraat 132 ran. Von dor löppt de K 117 in’n Oosten wieder as K 112 na Winkeldörp un Narbn an de Bundsstraat 71 ran. De L 132 löppt in’n Noordoosten na Steenfeld un in Brüttendörp ok an de B 71 ran, de na Zeven föhrt. In’n Süden geiht de L 132 över Vörwark na Otterst un Otterbarg. In Wilst gifft dat Straten na Tarms un Grasbarg.

De nächste Autobahn is de Autobahn 1 (Afsnidd HamborgBremen). De Opfohrt 49 Bokel liggt so 13 Kilometer in’n Oosten von Oosterbrook an de B 71.

De nächste Bahnhoff is so bi 17 Kilometer wied weg in’n Süden de Bahnhoff Otterbarg an de Bahnlien Hamborg–Bremen. Von 1917 bet 1964 hett dat ok Personenverkehr op de Bahnlien Wilst–Töst geven. De Bahnhoff Wilst weer dree Kilometer in’n Süüdwesten.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 177
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 97
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 470
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 171