Lautlos (Film)

Vun Wikipedia
Zur Navigation springen Zur Suche springen
Filmdaten
Plattdüütsch Titel:
Originaltitel: Lautlos
Düütsch Titel: Lautlos
Produkschoonsland: Düütschland
Johr vun’t Rutkamen: 2004
Läng: 94 Minuten
Originalspraak: Düütsche Spraak
Öllersfreegaav in Düütschland: FSK 12
Filmkru
Speelbaas: Mennan Yapo
Dreihbook: Lars-Olav Beier
Produkschoon: Stefan Arndt
Tom Tykwer
Musik: Gary Marlowe
Ben Mono
Kamera: Torsten Lippstock
Snitt: Dirk Vaihinger
Szenenbild: Simon-Julien Boucherie
Kledaasch: Katharina Ost
Dorstellers

Lautlos (op Platt so veel as „Ahn Luut“; int. Titel: Soundless) is en düütschen Thriller vun 2004 mit Joachim Król un Nadja Uhl in de Hööftrullen. Speelbaas weer Mennan Yapo. De Film is goot bi de Tokiekers ankamen un is ünner den Titel Soundless ok internatschonal bekannt worrn.

Inholt[ännern | Bornkood ännern]

Victor is en Opdragsmöörder, en vun de Oort, de allen’s nipp un nau in’n Vörrut plaant un nix den Tofall överlett. Man, as he een Nacht bi en Polizisten instiggt, üm em ümtobringen un wichtige Ünnerlagen to klauen, finnt he dor in’t Bett en slapend junge Fro an, in de he sik op’n Slag verkieken deit. Anners, as he dat gewöhnlich deit, lett he ehr an’t Leven, as he sien Opdrag to Enn brocht hett.

Sien Opdraggever – en langjohrigen vadderordigen Fründ, de starvenskrank in’t Bett liggt – begrippt nich recht, wat mit em los is, gifft em aver sien nächsten Opdrag. Wieldat warrt Nina, de junge Fro, vun de Polizei vernahmen. Op’n Weg torüch versöcht se sik dat Leven to nehmen, man Victor is ehr nalopen un beobacht ehr – un rett ehr dat Leven. Na un na lehrt se sik beter kennen.

De Polizei finnt in de Twüschentiet Henwiesen, wokeen de Möörder wesen künn un sett all’ns doran, em to finnen. Victor, so kriegt so rut weer negen Johr oolt, as sien Öllern vör sien Ogen ümbrocht worrn sünd. Dree Weken later hett he den Möörder ümbrocht. Wieldat de Ünnersöker vun de Polizei, Lang jümmer mehr över Victor rutfinnt un em nöger kummt, bannelt de wieter mit Nina an. Man gliektietig maakt he in’n Gehemen sik ’n Plaan to sien neegsten Opdrag un klamüstert an technische Speleren mit sien Wapen. De Opdrag is en Russ, de faken Opdraggever vun Victor un sien Fründ weer un jem nu nich mehr över’n Weg troot. Victor maakt sik an de Arbeit.

As sien Fründ bald starven warrt un he Nina nich vergeten kann, plaant Victor uttostiegen un mit Nina to verswinnen, glieks wenn he mit den Russen fardig worrn is. Ofschoonst he vun de Polizei verfolgt warrt, blifft he versteken un kann vör de Ogen vun de Polizei den Russen ümbringen. Wat Victor aver nich weet is, dat Nina em nu ok achteran spioneert, wieldat se eenfach mehr över em weten will. Victor kriggt dat hen sik un Nina in Sekerheit to bringen. Nina warrt vun nu an vun de Polizei överwacht. Se hapt, över Nina an Victor rantokamen, man Victor kriggt dat klor, op dumm to maken und denn op’n Karkhoff vun sien Öllern dör sien hoochtechnischen Wapen en vigeliensch Fall to stellen. He kann de Polizei afhangen, un Nina un Victor künnt utneihn.

Utteken[ännern | Bornkood ännern]

Lautlos is mit twee Filmpriesen ehrt worrn.

Kritiken[ännern | Bornkood ännern]

  • TV World: Raffinierter Reißer in eleganten Bildern
  • ZDF: Dichter, stimmungsvoller Thriller mit einem erstklassigen Joachim Król in der Hauptrolle

Websteden[ännern | Bornkood ännern]