Nadja Uhl

Vun Wikipedia

Nadja Uhl (* 23. Mai 1972 in Stralsund) is en düütsche Schauspelerin.

Leven[ännern | Bornkood ännern]

Nadja Uhl is in de DDR boren un opwussen. As Schölerin harr se al den Wunsch Schauspelersche to warrn. Ehr Utbilln dorför hett se in Leipzig afleggt an de Hoochschool för Musik un Theater „Felix Mendelssohn Bartholdy“. 1994 hett se ehr eerst Engagement kregen an dat Hans Otto Theater in Potsdam. Dor hett se verscheden Rullen speelt, as de Viola in Shakespeares Twelfth Night or What You Will (dt.: Was Ihr wollt), Polly Peachum in Brechts Die Dreigroschenoper, dat Gretchen in Goethes Faust oder de Paula in Plenzdorfs Legende vom Glück ohne Ende.

Ehr eerste Filmrull harr se sogor noch wat ehrer, 1993, to’n Enn vun ehr Studium hen in Der grüne Heinrich. Af 1995 töög se de Arbeit in Film un Feernsehn vör. Ehrn Dörbrook harr se 2000 in Schlöndorffs Film Die Stille nach dem Schuss, wo se de utflippte Arbeitersche Tatjana speelt hett. Se weer sietdem in vele Speel- un Feernsehfilmen to sehn, ü.a. ok in de nedderlännsch-düütsche Koprodukschoon De Tweeling, de sogor as Best frömdsprakig Film för den Oscar nomineert weer. Acht warrt an Uhls Schauspeelkunst sünners ehr Anlaag, sik düchtig wanneln to künnen.

Na vele Johren in Berlin-Mitte leevt Uhl vundaag in Potsdam. Ehr Levenspartner es Gewarfsföhrer vun den Potsdamer Vereen „Maulwurf“, de sik üm straaffallig worrn juge Lüüd kümmern deit. An’n 27. Mai 2006 hett se dor tohopen mit em dat Varieté Walhalla apenmaakt. Dat Programm schall mit Kollegen vun Uhl schapt warrn in Kooperatschoon mit dat Hans Otto Theater un annere kulturelle Inrichten.[1] Uhl hett en Dochter.

Filmografie (Utwahl)[ännern | Bornkood ännern]

Johr Titel
1993 Der grüne Heinrich
1996 Zerissene Herzen, Feernsehn
1996 Polizeiruf 110 – Kleine Dealer, große Träume, Feernsehfolg
1997 Blutiger Ernst, Feernsehn
1998 Ufos über Waterlow, Feernsehn
1999 Schnee in der Neujahrsnacht
2000 Die Stille nach dem Schuss
(int.: Rita’s Legends)
2000 Verrat, Kortfilm
2001 La volpe a tre zampe
(int.: The Three-Legged Fox)
2001 My Sweet Home
2001 Was tun, wenn’s brennt?
2002 Scherbentanz
(int.: Shattered Glass)
2002 De Tweeling
(dt.: Der Zwilling)
2003 Das Wunder von Lengende, Feernsehn
2004 Lautlos
(int.: Soundless)
2004 Mord am Meer, Feernsehn
2005 Sommer vorm Balkon
(int.: Summer in Berlin)
2006 Die Sturmflut, Feernsehn
2006 Dornröschen erwacht, Feernsehn
2006 Vier Minuten
(int.: Four Minutes)
2006 Nicht alle waren Mörder, Feernsehn
2008 Kirschblüten – Hanami
2008 Der Baader Meinhof Komplex
2009 So glücklich war ich noch nie
2009 Männerherzen
2011 Dschungelkind
2012 Operation Zucker, Feernsehn
2013 Schlussmacher
2013 Ein weites Herz – Schicksalsjahre einer deutschen Familie, Feernsehn
2014 Alles Inklusive
2016 Operation Zucker – Jagdgesellschaft, Feernsehn
2017 Timm Thaler oder das verkaufte Lachen
2017 Ich werde nicht schweigen, Feernsehn

Utteken[ännern | Bornkood ännern]

För ehr schauspelerisch Wark hett Nadja Uhl ut al en poor Filmpriesen kregen. Se weer tosamen negen mol nomineert un hett söss mol de Utteken kregen:

Borns[ännern | Bornkood ännern]

  1. Bericht in dat Berliner Daagblatt „Tagesspiegel“ vun’n 27. Mai 2006

Websteden[ännern | Bornkood ännern]