Mehmet Kurtuluş

Mehmet Kurtuluş (* 27. April 1972 in Uşak) is en düütschen Schauspeler vun törksch Afstammen.

Leven

Kurtuluş is in de Törkie, in de Stadt Uşak boren. He weer twee Johr oolt, as sien Öllern mit em na Soltgitter. Den Instieg to de Schauspeleree hett he an’t Gymnasium an’n Fredenberg hatt. Na sien Abitur 1991 hett he an’t Staatstheater Bronswiek speelt. Eerste Engagements harr he 1994 un 1995 an de Kummedie an’t Winterhuder Fährhuus in Hamborg as ok an’t Theater an’n Kurfürstendamm in Berlin. Sien Broder Tekin Kurtuluş is ok Schauspeler.

Wohrhaftig opdeckt weer he nu sien egen Anicht dör de Schauspelersche Evelyn Hamann. Na eerste Feernsehrullen in Episoden vun verscheden Feernsehregen un en wieteret Theaterengagement an de Homborger Kamerspelen harr he 1998 mit de Hööftrull in den Film Kurz und schmerzlos vun Fatih Akın sien Dörbrook. Vörher hett he ok al in Akıns uttekenten Kortfilm Getürkt (1996) mitarbeit.

Dorna harr he Hööftrullen ünner annern in den spoodrieken Feernseh-Tweedeler Der Tunnel vun Roland Suso Richter, wo he blangen Heino Ferch un Nicolette Krebitz speelt hett. Doris Dörrie hett em den för ehrn kamerspeelordigen Film Nackt ranhollt.

Vundaag leevt Kurtuluş in Berlin. Tosamen is he mit de Schauspelersche un Moderatersche Désirée Nosbusch. De beiden hebbt sik drapen, as se tosamen en Film dreiht hebbt. Ut en fröheren Partnerschop hett Kurtuluş twee Kinner. Siet November 2007 is he Paat an de Musische Akademie Bronswiek.

Mehmet Kurtuluş speelt siet 2008 den Hauptkommissar Batu bi den NDR-Tatort in Hamborg. He harr vörher al in de ümstreden Tatort-Folg Wem die Ehre gebührt (2007) an de Siet vun Maria Furtwängler mitspeelt.

Filmografie (Utwahl)

Johr	Titel
1996	Getürkt, Kortfilm
1998	Kurz und schmerzlos
1999	Versprich mir, dass es den Himmel gibt, Feernsehn
2000	Im Juli. int.: In July
2001	Boran
2001	Der Tunnel, Feernsehn int.: The Tunnel: The Movie
2001	Herz int.: Heart
2002	Nackt int.: Naked
2003	Abdülhamit düserken int.: The Fall of Abdulhamit
2004	Kasirga insanlari, Minireeg
2004	Lautlos int.: Soundless
2005	Eine Liebe in Saigon, Feernsehn
2007	Pars: Kiraz operasyonu dt.: Pars: Operation Cherry
2007	Caccia segreta, Feernsehn
2009	Vasha
2010	Transfer
2007-12	Tatort, Feernsehreeg
2014	Big Game
2014	Honig im Kopf
2015	Fünf Freunde 4
2016	Clair Obscur
2018-?	The Protector, Feernsehreeg

Filmpriesen

Mehmet Kurtuluş hett opstunns dree Filmpriesen wunnen:

• 1998: den Sünnerpries vun’t Locarno International Film Festival för Kurz und schmerzlos.
• 1998: den Pries as Besten Schauspeler vun’t Thessaloniki Film Festival för Kurz und schmerzlos.
• 2001: den Adolf-Grimme-Pries in de Kategorie Fikschoon/Ünnerhollen för Kurz und schmerzlos.

Websteden

• Mehmet Kurtuluş in de Internet Movie Database (engelsch)
• offizielle Websteed
• Literatur vun un över Mehmet Kurtuluş in de Düütschen Natschonalbökeree