Hollenbeek (Landkreis Stood)

Vun Wikipedia
(wiederwiest vun Lütt Hollenbeek)
Wapen/Flagg Koort
Wapen unbekannt
Hollenbeek
Laag vun Hollenbeek in Düütschland
Basisdaten
Bundsland: Neddersassen
Landkreis: Stood
Samtgemeen: Harsfeld
Gemeen: Harsfeld
Inwahners: 650
Postleettall: 21698
Vörwahl: 04164
Geograafsche Laag:
Koordinaten:53° 28′ N, 9° 28′ O
53° 28′ N, 9° 28′ O

Karte

Luftbild von Hollenbeek 2013

Hollenbeek (hoochdüütsch Hollenbeck) is en Dörp in de Gemeen Harsfeld, Samtgemeen Harsfeld, in’n Landkreis Stood, Neddersassen mit 650 Inwohner. Dat Dörp liggt an de Au.

To dat Dörp höört ok de lüttje Oortsdeel Lütt Hollenbeek, de en Stück na Noorden to an de Au un an de Grenz na Bargst liggt.

Geografie[ännern | Bornkood ännern]

Hollenbeek liggt op de Stoder Geest.

De Naveröörd sünd Bargst in’n Noorden, Harsfeld in’n Noordoosten, Griemshorst in’n Oosten, Ohrensmoor in’n Süüdoosten, Ohlers in’n Süden un Kokerbeek in’n Westen.

Historie[ännern | Bornkood ännern]

Middelöller[ännern | Bornkood ännern]

Erwähnt woor'n is dat Dörp ierstmols in 1536. To de Tied geiv dat 13 Buurnhoffs. Benannt woor'n is de Oort wohrschienlich no denn lüttjen Bach Hollenbeeke, de dat Dörp döörfließen un in de Au mün'n deiht.

In'n 30 jährigen Krieg verarmt dat Dörp tonehms un 1718 waard man ünner schwedische Herrschaft stellt.

Neitied[ännern | Bornkood ännern]

Na 1718 waard man vun Hannover regiert. 1790 müssen de Hollenbeeker Buuren den Braken, een Wald vun 6300 Morgen, ohne Vergütung an de Obrichkeit avgeben. 1866 schließlich waard man vun Preußen regiert.

20. Johrhunnert[ännern | Bornkood ännern]

Bi drei groote Brände üm 1900 sünd fast all de ollen Hallenhüüs vernicht woor'n. 1937 het man twischen Hollenbeek und Bargst een Sportplatz und een Bodeanstalt inricht. De Sportplatz waard gegenwärtig vun TuS 'Eiche' Bargstedt nutzt un de Bodeanstalt is opgeben woor'n.

In de 1960er entstünn' twei Neibausiedlungen.

De Hollenbeeker Dörpsschool müss' 1975 eern Betrieb instellen, vun dor an waard de Hollenbeeker Kinner in Harsfeld ünnerricht. In de olle School befind sich nu ein Kinnergorten un dat Döörpgemeenschapshuus, wo ünner annerem jährlich de Theotergrupp „De Patzköpp" ein Lustspeel to'n Besten givt.

In 2017 het man dat Huus to Ehren vun ein verdeinten Schoolmeister in Wilhelm-Nack-Huus ümbenennt.

Regionale Tohörigkeet[ännern | Bornkood ännern]

Vör 1885 weer dat Dörp in de Böörd Bargst binnen dat Amt Harsfeld. Na 1885 hett dat denn to’n Kreis Stood hüürt un von 1932 af an to’n hüdigen Landkreis Stood.

Hollenbeek is an’n 1. Juli 1972 bi de Gemeenreform in Neddersassen mit de Gemeen Harsfeld tohoopleggt worrn.

Inwohnerzohl[ännern | Bornkood ännern]

Johr Inwahners
1824-00-001824[1] 19 Füürsteden
1848-00-001848[2] 241 Lüüd, 40 Hüüs
1910-12-011. Dezember 1910[3] 309
1925-00-001925[4] 324
1933-00-001933[4] 324
1939-00-001939[4] 418

Religion[ännern | Bornkood ännern]

Hollenbeek is evangeelsch-luthersch präägt un höört to dat Kaspel von de Primus-Kark in Bargst.

För de Kathoolschen is de St.-Michaels-Kark in Harsfeld tostännig, de siet 1. September 2010 to de Karkengemeen Mariä Himmelfohrt in Buxthu höört.

Kultur[ännern | Bornkood ännern]

Sehenswürdigkeiten[ännern | Bornkood ännern]

Blang' den Karkhoff steiht een Glockenturm, de jeden Middach Klock 12 und obends Klock 6 läuten deiht. De Glocke is een utrangierte Glocke vun de Bargster St.-Primus-Kark.

Vereenen[ännern | Bornkood ännern]

De Freewillige Füürwehr is 1935 grünnt worrn. 2002 het man ook een Fördervereen grünnt, vun denn sien Hülp man ünner annerem 2017 een neies Füürwehrauto anschaffen kunnt.

De Theatergrupp „De Patzköpp“ gifft dat siet 1970. Se speelt tomeist eenmol in’t Johr en Theaterstück op de Bühn in dat Döörpsgemeenschapshuus.

Heimatvereen „Rund üm dat Dörp" Hollenbeck, de in Anschluss an dat Dörpserneuerungsprogramm grünnt worrn is.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Hollenbeek liggt an de Landsstraat 124, de in’n Noordoosten na Harsfeld un in’n Süüdwesten na Ohlers löppt. De Kreisstraat 77 geiht na Bargst. Lüttjere Straten gaht na Kokerbeek, Ohrensmoor un Griemshorst.

De nächste Autobahn is de Autobahn 26 (Afsnidd StoodHamborg). De Opfohrt 5 Hornborg liggt so 15 Kilometer in’n Noordoosten von Hollenbeek. De Autobahn 1 (Afsnidd HamborgBremen) mit de Opfohrt 47 Zittens liggt so 17 Kilometer in’n Süden von’n Oort.

De nächste Bahnhoff is so bi dree Kilometer in’n Noordoosten de Bahnhoff Harsfeld an de Bahnlien Bremerhoben–Buxthu.

Wirtschaft[ännern | Bornkood ännern]

In Hollenbeek givt dat söß landwirtschaftliche Vullerwerbsbetriebe, üm 1960 würrn dat noch 35.

Scholen[ännern | Bornkood ännern]

Hollenbeek hett keen egen School, aver dat gifft en Kinnergoorn.

Lüüd[ännern | Bornkood ännern]

De Archäoloog Willi Wegewitz is 1898 in Hollenbeek geburn.

De Bankmanager Jürgen Fitschen is 1948 in Hollenbeek geburn un opwossen.

Footnoten[ännern | Bornkood ännern]

  1. C. H. Jansen: Statistisches Handbuch des Königreichs Hannover. 1824, Sied 290: http://books.google.de/books?id=tG0AAAAAcAAJ&pg=PA290
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134
  3. http://www.gemeindeverzeichnis.de/gem1900/gem1900.htm?hannover/stade.htm
  4. a b c http://www.verwaltungsgeschichte.de/stade.html

Weblenken[ännern | Bornkood ännern]

Hollenbeek (Landkreis Stood). Mehr Biller, Videos oder Audiodateien to’t Thema gifft dat bi Wikimedia Commons.