Kore (Maand)

Kore (ok Jupiter XLIX) is en vun de lütten buteren Maanden vun’n Planet Jupiter. De is an’n 8. Februar 2003 opdeckt worrn vun en Koppel US-amerikaansche Astronomen vun de University of Hawaii ünner dat Regeer vun Scott S. Sheppard. Nöömt is de Maand na en anneren Naam vun de mytholoogschen Figur Persephone. De vörlöpige Beteken vun den Maand weer toeerst S/2003 J 14, 2007 hett he sien hüütigen offiziellen Naam kregen.

Ümloopbahn

Kore hett en Ümloopbahn in en middleren Afstand vun 24.543.000 km vun’n Planeten. För een Ümloop bruukt he üm un bi 779 Daag, 4 Stünnen un 48 Minuuten. De Bahn hett en bannig grote Exzentrizität vun 0,325 un is üm 145,0 ° gegen den Äquater vun’n Jupiter kippt. De Bewegen vun den Maand is dormit retrograd, dat heet, dat sik Kore gegen den de Richt vun de Rotatschoon vun den Jupiter bewegen deit. De physikaalsch Egenschoppen vun de Bahn is liek as en poor annere Maandbahnen ok. Disse Maanden warrt dorüm tohopenfaat to de Pasiphae-Grupp, nöömt na den gröttsten Maand ut de Grupp.

Egenschoppen

Kore hett en middleren Dörmeter vun 2 km un tellt dormit to de ganz lütten Maanden. De Böverflach vun den Maand wiest en Albedo vun blots 0,04 op – dat heet, dat blots 4 % vun dat infallend Licht wedder torüchstrahlt warrt. Dorüm is de Maand ok bannig düster. De Dicht warrt op ruchweg 2,6 g/cm³ schätzt. Dorut warrt vermodt, dat Kore vör allen ut Silikat-Steen opboot is. Ok dor is de Maand liek de annern ut de Pasiphae-Grupp.

Maanden vun den Planeten Jupiter

Ahn Naam: S/2003 J 2 | S/2003 J 4 | S/2003 J 9 | S/2003 J 10 | S/2003 J 12 | S/2003 J 16 | S/2003 J 18 | S/2003 J 19 | S/2003 J 23 | S/2010 J 1 | S/2010 J 2 | S/2011 J 1 | S/2011 J 2 | S/2016 J 1 | S/2017 J 1 | S/2017 J 2 | S/2017 J 3 | S/2017 J 5 | S/2017 J 6 | S/2017 J 7 | S/2017 J 8 | S/2017 J 9

Kiek ok na bi: List von de Jupiter-Maanden