Koornbeek

Wapen/Flagg	Koort
Basisdaten
Bundsland: Neddersassen Landkreis: Rodenborg Gemeen: Bremervöör
Inwahners:
Postleettall:	27432
Vörwahl:	04761
Geograafsche Laag:	53° 30′ N, 9° 6′ O

Koornbeek (hoochdüütsch Kornbeck) is en Oort in de Gemeen Bremervöör in’n Landkreis Rodenborg, Neddersassen. De Oort höört polietsch al von öllers bi Bremervöör mit bi, orientieert sik aver sozial mehr na Glinn.

Geografie

De Oort liggt an’n Noordrand von en Geestgraad, de twüschen de Mooren in’n Noorden un Süden liggt. Dat Water ut dat Rebeed flütt över den Koornbeek na’n Wallbeek hen af.

De Naveröörd sünd Mehdörp in’n Noorden, Hönau un Lindörp in’n Noordoosten, Bremervöör in’n Süüdoosten, Glinn in’n Süden, Örel in’n Süüdwesten un Eversdörp in’n Noordwesten.

Historie

Verwaltungsgeschicht

De Oort höört von öllers bi Bremervöör mit bi. Bremervöör weer vör 1885 en egenstännige Stadt in de Landdrostie Stood, de to keen Amt höört hett. Na 1885 weer Bremervöör in’n Kreis Bremervöör, na 1932 in’n ne’en, grötteren Kreis Bremervöör un na 1977 in’n Landkreis Rodenborg.

An’n 1. März 1974 is Bremervöör bi de Gemeenreform in Neddersassen mit ölven annere Gemenen to de ne’e Gemeen Bremervöör tohoopleggt worrn.

Inwahnertall

Johr	Inwahners
1871-12-011. Dezember 1871	9 Lüüd, 2 Hüüs

Religion

Koornbeek is evangeelsch-luthersch präägt un höört to dat Kaspel von de Liborius-Kark in Bremervöör.

För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.

Kultur

Verenen

De Schüttenvereen Glinn-Koornbeek is 1912 grünnt worrn un de Sportvereen 1982.

Weertschop un Infrastruktur

Verkehr

Koornbeek liggt in en Afstand von üm un bi 400 Meter parallel to de Bundsstraten B 71/B 74 un is tosätzlich an’n Westrand verbunnen mit de B 495. De B 495 löppt in’n Noorden na Loomst un Hemmoor. De B 71/B 74 loopt in’n Süüdwesten tohoop bet na Basdaal un in’n Oosten na Bremervöör. Von Basdaal geiht de B 71 na Beverst un Bremerhoben un de B 74 na Oosterholt-Scharmbeek un Bremen-Noord. Von Bremervöör geiht de B 74 na Stood un de B 71 na Sürsen un Zeven.

De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Süüd liggt so 33 Kilometer in’n Noordoosten von Koornbeek an de B 73. De Opfohrt 8 Geestmünn op de Autobahn 27 liggt 36 Kilometer in’n Westen an de Bremerhobener Poristraat un de Opfohrt 48 Elsdörp op de Autobahn 1 37 Kilometer in’n Süüdoosten an de L 131.

De nächste Bahnhoff is so bi veer Kilometer wied weg in’n Süüdoosten de Bahnhoff Bremervöör an de Bahnlien Bremerhoben–Buxthu.