Knight Moves

Vun Wikipedia
Filmdaten
Plattdüütsch Titel:
Originaltitel: Knight Moves
Düütsch Titel: Knight Moves – Ein mörderisches Spiel
Produkschoonsland: USA
Düütschland
Johr vun’t Rutkamen: 1992
Läng: 108 Minuten
Originalspraak: Engelsch
Öllersfreegaav in Düütschland: FSK 16
Filmkru
Speelbaas: Carl Schenkel
Dreihbook: Brad Mirman
Produkschoon: Guy Collins
Jean-Luc Defait
Ziad El Khoury
Dieter Geissler
Christopher Lambert
Gordon Mark
Brad Mirman
Musik: Anne Dudley
Kamera: Dietrich Lohmann
Snitt: Norbert Herzner
Szenenbild: Graeme Murray
Kledaasch: Deborah Everton
Dorstellers

Knight Moves (op Platt so veel as „Peerdsprung“; dt. Titel: Knight Moves – Ein mörderisches Spiel) is en düütsch-US-amerikaanschen Thriller ut dat Johr 1992 vun Carl Schenkel as Speelbaas. Die Hööftrullen hebbt Christopher Lambert un Diane Lane speelt.

Inholt[ännern | Bornkood ännern]

De Schachgrootmeester Peter Sanderson speelt Schach al siet siene Kindheit. As he op en wichtig Turneer speelt, hett he en rusend Nacht mit en Bekannte. Man, de warrt den neegsten Morgen doodt in ehr Bett opfunnen. Ehr Liek is abasig un akkerat in Szeen sett mit sminkt Gesicht un apensneden Pulsadern, ahn dat en Drapen Blood to sehn is. Natürlich fallt de Verdacht op Sanderson, op den de Polizist Cpt. Sedman de Psychologin Sheppard ansett. Man, dat duert nich lang, bit de beiden sik möögt un wat mitenanner anfangt. En ubekannten Anroper mellt sik aver bi Sanderson un vertellt vun den un noch en tweeten Moord, den he begahn hett. He künnigt noch mehr Dode an, de Deel vun en Speel gegen den Schachprofi wesen schüllt.

Aver Sanderson will dor nix vun weten un lett dat an sik nich ran. He kaamt sik lever Gedanken över dat Schachturneer. Liekers dat keen eendüdig Bewiesen gegen den Schachgrootmeester gifft, sünd Sedman un sien Assistent Det. Wagner dorvun övertüügt, dat he de Möörder is. Sheppard dorgegen, de anfangs ok Twiefel harr, kummt to en annern Sluss. Wietere Morden passeert un na un na warrt Sanderson klor, dat de Möörder de Stadt as en Schachbrett bruukt un em sülvst dat tofallt, sien neegsten Tog vöruttosehn, üm noch mehr Opper to verhinnern – man de geistig störte Deder wiest sik as gefährlich swienplietsch un kann dör verkehrt leggte Henwiesen sülvst Sheppard wiesmaken, dat Sanderson de Schullige weer, so dat de an’n End insparrt warrt.

Eerst in’t Gefängnis kann Sanderson de vun’n Möörder streiten Henwiesen richtig tohopenklamüstern un op’n Slag warrt em klor, dat de Deder dat opletzt op sien lütte Dochter Erica afsehn hett. Sedman glöövt em natürlich nich un Sanderson dreiht dör, vun wegen dat he bang üm sien Dochter is. He kann de Polizisten överrumpeln un weglopen, üm sülvst sien Dochter to Hülp to kamen. In’n Showdown dröpt he denn op den Deder, de sik as de ehmolig Speelgegner David wiest, de mit den Dood vun Sandersons Dochter en verloren Schachspeel ut de Kinnertiet afreken will. Dat neemlich hollt he för den Grund dorför, dat dormols sien Familie un dormit ok sien Kindheit tweigahn is un he opletzt ok krank worrn is. Wiel de Polizisten Wagner un Sedman beid vun David ümbrocht warrt, överleeft Sanderson mit Hülp vun Sheppard den sworen Kamp un schütt em opletzt dood, kort bevör he sien Dochter wat andoon kann.

Kritik[ännern | Bornkood ännern]

  • Prisma Online: Ein spannender Schach-Thriller des Schweizer Regisseurs Carl Schenkel, der in Deutschland mit dem Aufzug-Thriller „Abwärts“ bekannt wurde. „Highlander“ Christopher Lambert, der hier auch als Produzent fungierte, überzeugt in der Rolle des Schach-Genies, das einem unheimlichen Killer auf die Schliche kommt.
  • epd Film 1/1992: Selten hat man in letzter Zeit in einem High-Budget-Film schlechtere Schauspieler gesehen. Über Kompensationsmittel, über einen Thrill, der dafür entschädigt, verfügt Knight Moves nicht.
  • film-deenst 1/1992: Schnörkellos inszenierter, spannender Thriller, dem man einige Ungereimtheiten nachsieht.[1]

Utteken[ännern | Bornkood ännern]

De Film is 1992 mit den Kritikerpries vun’t Cognac Festival du Film Policier för Carl Schenkel uttekent worrn.

Anners wat[ännern | Bornkood ännern]

  • In de USA is de Film nich so ankamen un weer en Flop, de blots 923.418 US-Dollar inspeelt hett. Man, in Düütschland hebbt meist twee Millionen Lüüd den Film sehn un is dor Carl Schenkels gröttsten finanziellen Spood woorn.
  • Christopher Lambert un Diane Lane weern vun 1988 bit 1994 verheiraadt.
  • De Film warrt as de letzte grote Kinofilm vun Christopher Lambert ansehn.

Bornen[ännern | Bornkood ännern]

  1. Kritik von film-dienst / Lexikon des internationalen Films

Weblenken[ännern | Bornkood ännern]