Kluus (Gemeen Handörp)

Vun Wikipedia
Zur Navigation springen Zur Suche springen

Kluus (hoochdüütsch Clues) weer en lütten Oort in de Gemeen Handörp (Samtgemeen Bewick) in’n Landkreis Lümborg, Neddersassen.

De Oort leeg fröher een Kilometer in’n Süden von Handörp. Dat Dörp Handörp is in dat 20. Johrhunnert aver so wussen, dat Kluus nu Deel von dat Dörp is.

Geografie[ännern | Bornkood ännern]

De Öörd ümto weren in histoorsche Tieden O’rshusen in’n Noorden, Handörp in’n Noordoosten, Wittörp in’n Oosten, Bewick in’n Süüdoosten, Brauk un Radbrouk in’n Süüdwesten, Rottörp in’n Westen un Fohrenholt in’n Noordwesten.

Dat Water ut dat Rebeed flütt över Gravens na’n Düsternhoopenbeek un de Roddau hen af.

Historie[ännern | Bornkood ännern]

Kluus weer fröher en enkelten Hoff, de as Vullhoff gullen hett.

De Oort leeg an de ole Bundsstraat 4, de vondaag bi Handörp aver to de Kreisstraat 46 rafstuft is. Eerst in jüngere Tied is de Bundesstraat 404 kumplett nee boot worrn, de nu bi Kluus de K 46 krüüzt. De B 404 münnt en Stück in’n Süden in de Autobahn 39 un löppt in’n Noorden na Geesthacht.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Handörp in’n Kanton Bewick höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Winsen in’n Kanton Winsen.

De Oort hett vör 1852 to de Amtsvaagdie Bewick von dat Amt Winsen tohöört, von 1852 bet 1859 to dat Amt Parrns un denn von 1859 bet 1885 wedder to dat Amt Winsen. Na 1885 weer dat in’n Kreis Winsen, de 1932 mit’n Kreis Horborg to’n ne’en Landkreis Horborg tohoopleggt worrn is.

De Oort weer von öllers Deel von de Buurschop un de Gemeen Handörp. Düsse Gemeen is an’n 1. März 1974 mit de Gemeenreform in Neddersassen von’n Landkreis Horborg in’n Landkreis Lümborg wesselt. Sietdem is se dor Maat von de Samtgemeen Bewick.

Inwahnertall[ännern | Bornkood ännern]

Johr Inwahners
1791-00-001791[1] 1 Füürsteed
1812-00-001812[2] 6
1824-00-001824[3] 1 Füürsteed
1848-00-001848[4] 14 Lüüd. 2 Hüüs
1871-12-011. Dezember 1871[5] 19 Lüüd. 2 Hüüs
1885-12-011. Dezember 1885[6] 10 Lüüd. 2 Hüüs
1905-12-011. Dezember 1905[7] 17 Lüüd. 2 Hüüs

Religion[ännern | Bornkood ännern]

Kluus is evangeelsch-luthersch präägt un höört to dat Kaspel von de Marien-Kark in Handörp.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 48
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 62
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 116
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 103
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 133
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 140
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 184


Koordinaten:53° 20′ N, 10° 20′ O