Brauk (Landkreis Lümborg)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21357 | |
| Vörwahl: | 04178 | |
| Geograafsche Laag: | Koordinaten:53° 19′ N, 10° 19′ O53° 19′ N, 10° 19′ O | |
|
| ||
Brauk (hoochdüütsch Bruch) is en lütten Oort in de Gemeen Bewick (Samtgemeen Bewick) in’n Landkreis Lümborg, Neddersassen. De Oort besteiht ut acht Hüüs.[1]
Geografie[ännern | Bornkood ännern]
Dat Water ut dat Rebeed flütt över’n Düsternhoopenbeek na de Roddau hen af.
De Naveröörd sünd Rottörp in’n Noorden, Handörp un Wittörp in’n Noordoosten, Bewick un Vögelsen in’n Süüdoosten, Mechtsen in’n Süden un Radbrouk in’n Westen.
Historie[ännern | Bornkood ännern]
Brauk liggt twüschen de Autobahn 39 un de Gleise von de Bahnlien Hamborg–Hannover un hett dorüm swoor ünner Larm to lieden. As de Bahnlien op dree Gleise utboot worrn is, hett de Gemeen Bewick 2011 op egen Kösten en 1,5 Kilometer langen un 3,50 Meter hogen Larmschuulwall anleggt, de 500.000 Euro köst hett (300.000 för de Gemeen un 200.000 för de Düütsche Bahn).[2] En Anrecht op Larmschuul harrn de Bewahners na dat Gesett nich, denn Brauk höört kumplett to dat Butenrebeed.
Verwaltungsgeschicht[ännern | Bornkood ännern]
De Oort hett fröher to’n Kreis Lümborg tohöört, de 1932 mit’n Kreis Bleikd to’n hüdigen Landkreis Lümborg tohoopgahn is.
Brauk höört al jümmer bi de Gemeen Bewick mit bi.
Religion[ännern | Bornkood ännern]
Brauk is evangeelsch-luthersch präägt un höört to dat Kaspel von de Peter-un-Paul-Kark in Bewick.
För de Kathoolschen is de Marien-Kark in Lümborg tostännig.
Weertschop un Infrastruktur[ännern | Bornkood ännern]
För Brauk is de freewillige Füürwehr Bewick mit tostännig.
Verkehr[ännern | Bornkood ännern]
An Brauk langs löppt de Kreisstraat 42, de in’n Noordwesten över Radbrouk na Luhdörp bi Winsen geiht un in’n Süüdoosten in Bewick in de K 32 münnt. De K 32 wedder föhrt in’n Noordoosten na dat Zentrum von Bewick un in’n Süüdwesten na Vögelsen.
De nächste Autobahn is de Autobahn 39 (Afsnidd Hamborg–Lümborg), de direkt bi Brauk langslöppt. De Opfohrt 5 Handörp von de Bundsstraat 404 op de A 39 liggt direkt bi’n Oort. Op de B 404 kummt een von Brauk aver nich direkt rop. Dorüm is de Opfohrt 6 Lümborg-Noord op de A 39 söven Kilometer in’n Süüdoosten von Brauk an de K 46 dichter bi as de Opfohrt 5.
De nächste Bahnhoff is so bi veer Kilometer wied weg in’n Süüdoosten de Bahnhoff Bewick an de Bahnlien Hamborg–Hannover.
Scholen[ännern | Bornkood ännern]
De Kinner ut Brauk gaht na de Grundschool Bewick.
Footnoten[ännern | Bornkood ännern]
- ↑ Stefan Bohlmann: Ein Lärmschutzwall für den Bardowicker Bruch, Hamburger Abendblatt an’n 15. November 2010
- ↑ Stefan Bohlmann: Im Bruch kehrt endlich Ruhe ein, Hamburger Abendblatt an’n 29. März 2011