Roddau

Vun Wikipedia
Zur Navigation springen Zur Suche springen
Roddau
Laag Neddersassen
Stroomsystem Elv
Läng 12,6 km
Born bi Eenhoff
Münn bi Fohrenholt in de Ilmenau
Afströömrebeed 97,8[1] km²
linke Blangenströöm Huusbeek, Brookbeek
rechte Blangenströöm Düsternhoopenbeek

De Roddau is en 12,6 Kilometer langen[2] Beek in Neddersassen, de von links in de Ilmenau münnt.

De Born von de Roddau liggt bi’n Eenhoff in’n Oosten von Veerhöben. Von dor flütt de Beek na Noordoosten un geiht kort dör dat Rebeed von de Gemeen Mechtsen. De Beek löppt denn an Radbrook langs un ünner de Autobahn 39 ünnerdör. Twüschen Radbrook un Rottörp nimmt de Beek von links den Huusbeek op un in Rottörp ok noch den Brookbeek. De Roddau dreiht hier na Noorden, flütt twüschen Rottörp un Handörp langs un münnt denn in’n Süüdoosten von Fohrenholt in de Ilmenau. Dit letzte Enn von Rottörp af an kennt ok Ebb un Flood.

Dat Water in de Ilmenau flütt denn wieder in de Elv un in de Noordsee.

Toströöm[ännern | Bornkood ännern]

De Huusbeek is so bi söven Kilometer lang un hett en Afströömrebeedvon 27,23 km². De Born liggt twüschen Beborg un Radbrook.

De Düsternhoopenbeek hett sien Born in’n Süüdwesten von Mechtsen un flütt von dor na Noordoosten. He nimmt von rechts den lütten Huusbeek op un geiht an de Oostkant von Radbrook langs. Denn geiht dat ünner de A 39 ünnerdör. Von rechts nimmt de Düsternhoopenbeek den Bornbeek op un münnt denn twüschen Rottörp un Handörp in de Roddau. Allens tohoop hett de Beek en Afströömrebeed von 38,3 km².

Footnoten[ännern | Bornkood ännern]

  1. Gewässergütebericht ELBE 2000 Niedersachsen.
  2. Michael Bergemann: Gesamtliste der Fließgewässer im Elbeeinzugsgebiet. 2012