Kennistheorie

Vun Wikipedia
Wesseln na: Navigatschoon, Söök

De Kennistheorie, up Düütsch woll ok Erkenntnistheorie oder greeksch Epistemologie, is an de Siet vun de Ethik, de Logik un de Ontologie en vun de wichtigsten Unnerdelen vun de Philosophie. De Ontologie fraagt na, wat de Grundlaag un dat Fundament vun de ganze Würklichkeit is. De Ethik fraagt, wat wi doon schöllt un wat nich. Man de Kennistheorie fraagt, wo wi dat denn her weten schöllt. De Kennistheorien könnt sik mit ganz verscheden Afdelen vun de Wetenschoppen befaten. Dor geiht dat üm dat Weten in de verscheden wetenschopplichen Afdelen vun de Naturwetenschoppen, vun de Metaphysik oder vun de Moral. Dorbi gifft sik de Kennistheorie af mit Fragen as: Up „wat för“ Kennissen kann een sik verlaten? Welk könnt as wohr ankeken weern? Wat för Henwies könnt wi to Hölp nehmen? Wie kümmt dat dorto, dat Menungen wohr sünd un dat Recht up jem ehre Siet hefft? Wie kann man dat künnig weern? Wat kümmt dorbi rut, wenn wi de wichtigen Wöer in de Kennistheorie ünnersöken doot? Wöer as Weten un Sekerheit? Wat hett dat „Ümto“ dormit to kriegen, wenn wi dorvun övertüügt sünd, dat bestimmte Menungen wohr sünd un gellen doot? Sünnerliche Aarden vun de Kennistheorie sünd de Ratschonalismus, de Empirismus un de Idealismus.