Grote Au

Vun Wikipedia
Zur Navigation springen Zur Suche springen

Disambig.svg Dit Woort hett noch annere Bedüden: kiek dorför ünner Grote Aue.

Grote Au
Laag Neddersassen
Stroomsystem Werser
Born bi Grasengrund
Münn bi Weier in de Böhm
linke Blangenströöm Heidbeek, Harwer Möhlenbeek
Große Aue am Ehbläcksmoor.jpg

De Grote Au is en Beek in de Lümbörger Heid in’n Landkreis Heidkreis, de von links in de Böhm münnt.

De Grote Au hett ehren Born bi Grasengrund twüschen Timmerloh un Häbe. De Bargen ümto reckt bet över 100 Meter över NN hoog. Von dor flütt se na Süden an Deimen un dat Naturschuulrebeed Ehbläcksmoor langs un flütt an’n Heidpark Soltau vörbi. Bi Höpenhoff nimmt de Grote Au von links den Heidbeek op, de sien Born in’n Noorden von Harm hett un an Hambossel un Dibbern langsflütt. Güntsied Höpenhoff op dat annere Över liggt Friedrichseck. Op dat linke Över doot denn Oenn un Tiegen liggen un op dat rechte kummt Soltau. Twüschen Soltau un Tiegen löppt bi Spiekerhoff de Bundsstraat 71 mit en Brügg över den Beek. Hier nimmt de Grote Au ok von links den Harwer Möhlenbeek op, de sien Born in’n Noordoosten von Harwer hett un denn an Tiegen langsflütt. De Grote au dreiht dor denn na Süüdwest. Dree Bahnlienen (de Kleenbahn Lümborg–Soltau, de Amerikalien un de Bahnlien Celle–Soltau) gaht op dat nächste Stück över den Beek röver. De Grote Au münnt en Stück wieder bi Weier un güntsied Teindörp in de Böhm. Een Kilometer wieder de Böhm dal bi Brauk hett ok noch de Lüttje Au ehr Münn.

Dat Water in de Böhm flütt denn wieder in de Werser un toletzt in de Noordsee.

Literatur[ännern | Bornkood ännern]

  • Gerd Hübner: Ansatz zur einer Bibliografie über die „Große Aue“ im Landkreis Soltau-Fallingbostel mit Hinweisen auf historische Karten. Soltau 2001, Jahrbuch Landkreis Soltau-Fallingbostel, Sied 31-39
  • D. Blume-Winkler, Gerd Hübner, M. Nachreiner, S. Nachreiner: Die Große Aue bei Soltau – ein bemerkenswerter Heidebach. Soltau 2001, Jahrbuch Landkreis Soltau-Fallingbostel, Sied 23-30


Koordinaten:52° 58′ N, 9° 51′ O