Gericht Jeem

Vun Wikipedia

Dat Gericht Jeem weer en Patrimonialgericht in Bremen-Veern un in dat Königriek Hannover binnen de Landdrostie Stood. Dat Rebeed von dat Gericht höört vondaag to de Gemeen Jeem. Dor hebbt de Öörd Jeem (mit Siek), Wehldörp (mit Wehldörperholt) un Bokel (mit dat Good Bokel) tohöört. De Oort Heesdörp blots bet 1740. Gerichtsherrn weren de Familie von Marschalck op Good Bokel.

Historie[ännern | Bornkood ännern]

De öllsten bekannten Gerichtsherrn weren de Familie von Borgh. Dat Gericht hett gliektiedig de Böörd Jeem in dat Amt Zeven billt, weer aver ok Patrimonialgericht. Üm 1500 kummt dat Gericht in dat Vörder Register as Freebann vör.

1810 hett Frankriek ünner Napoleon dat Gericht innahmen. In disse Franzosentied hett dat toeerst bet to’n 31. Dezember 1810 to dat Departement von de Elv- un Wersermünn in dat Königriek Westfalen höört un denn to dat Departement von de Wersermünnen un direkt to Frankriek. Dat Rebeed von dat Gericht hett in disse Tied in de Mairie Jeem in’n Kanton Rodenborg legen. 1813 müssen de Franzosen dat Rebeed denn opgeven un de ole Stand is wedderkamen.

Inwahnertall[ännern | Bornkood ännern]

Johr Inwahners
1823-00-001823[1] 340 Lüüd, 53 Hüüs

Footnoten[ännern | Bornkood ännern]

  1. Johann G. L. W. Ubbelohde: Statistisches Repertorium über das Königreich Hannover. Hahn, 1823, Sied 85: https://books.google.de/books?id=Rvs-AAAAcAAJ&pg=PA85