Feldsaten

Vun Wikipedia
(wiederwiest vun Feldsating)
Wapen/Flagg Koort
hett keen Wapen
Feldsaten
Laag vun Feldsaten in Düütschland
Basisdaten
Bundsland: Neddersassen
Landkreis: Cuxhoben
Gemeen: Wuster Noordseeküst
Inwahners:
Postleettall: 27632
Vörwahl: 04742
Geograafsche Laag:
Koordinaten:53° 41′ N, 8° 34′ O
53° 41′ N, 8° 34′ O

Karte

Feldsaten (hoochdüütsch Feldsating) is en lütten Oort in de Gemeen Wuster Noordseeküst in’n Landkreis Cuxhoben, Neddersassen. De Oort höört polietsch al von öllers bi Dorum mit bi.

Geografie[ännern | Bornkood ännern]

De Oort liggt in de Masch von Land Wusten. De Noordsee is üm un bi fiev Kilometer in’n Westen. Dat Water flütt över Gravens af na de Lemmasch un över Dorumer Helmer un Dorumer Helschenfleet na de Dorumer Waterlöös.

De Naveröörd sünd Valg un Dorum in’n Noorden, Holsseln in’n Noordoosten, Holsselnerfeld in’n Oosten, Sassendingen un Sievern in’n Süüdoosten, Lewen in’n Süden, Mulsen in’n Süüdwesten, Barlinghusen, Veerhusen un Misselwarden in’n Westen un Rotthusen un Themeln in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

De Oort weer vör 1852 in dat Dorumer Veerdel von dat Kaspel Dorum un hett to dat Vaagdiegericht Land Wusten tohöört. Von 1852 bet 1885 leeg de Oort in’t Amt Dorum un denn in’n Kreis Leh. 1932 is dat Deel von’n Kreis Wersermünn worrn un 1977 denn von’n Landkreis Cuxhoben.

To’n 1. Januar 2015 is de Gemeen Dorum oplööst un Deel von de ne’e Gemeen Wuster Noordseeküst worrn.

Inwahnertall[ännern | Bornkood ännern]

Johr Inwahners
1791-00-001791[1] 10 Füürsteden
1824-00-001824[2] 8 Füürsteden
1871-12-011. Dezember 1871[3] 49 Lüüd, 7 Hüüs

Religion[ännern | Bornkood ännern]

Feldsaten is evangeelsch-luthersch präägt un höört to dat Kaspel von de Urbanus-Kark in Dorum.

För de Kathoolschen is de Hillig-Hart-Jesu-Kark in Bremerhoben-Leh tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Feldsaten liggt an de Landsstraat 129, de in’n Noordoosten över Dorum na Millm un dor an de L 135 geiht un in’n Süüdwesten över Mulsen un Wremen na Dingen un Weddewarden. Von Dorum ut na Oosten löppt de L 119 na de L 135 un na Niewohl un Beers.

De nächste Autobahn is de Autobahn 27 (Afsnidd BremerhobenCuxhoben). De Opfohrt 4 Niewohl liggt so acht Kilometer in’n Oosten von Feldsaten an de L 119.

De nächste Bahnhoff is so bi twee Kilometer wied weg in’n Noordoosten de Bahnhoff Dorum an de Bahnlien Bremerhoben–Cuxhoben.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 74
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 184
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 152