Eurydome (Maand)

Eurydome (ok Jupiter XXXII) is en vun de lütten Maanden vun den Planet Jupiter. Opdeckt weer de an’n 9. Dezember 2001 vun en Koppel vun US-amerikaansche Astronomen an de University of Hawaii ünner dat Regeer vun Scott S. Sheppard. De vörlöpige Beteken vun den Maand weer S/2001 J 4. Nöömt is de Maand nu na Eurydome, de een vun de Chariten in de greekschen Mythologie is.

Ümloopbahn

De Maand kreist op en Ümloopbahn mit en middleren Afstand vun 22.865.000 km üm den Jupiter un bruukt dorför ungefähr 717 Daag un 7 Stünnen. De Bahn hett en Exzentrizität von 0,276 un is üm 150,3° gegen den Äquater vun den Jupiter neegt. De Bewegen vun den Maand warrt dorüm as retrograad ansehn, dat bedüüt, dat sik Eurydome gegen de Richt vun de Rotatschoon vun den Jupiter bewegen deit. De physikaalsch Egenschoppen vun de Bahn sünd wat liekers as ok de Bahnen vun annere Maanden. De warrt dorüm tohopenfaat to de Pasiphae-Grupp, nöömt na den gröttsten Maand dorvun.

Egenschoppen

Eurydome is mit en middleren Dörmeter vun blots 3 km en vun de ganz lütten Maanden. De Böverflach wiest en Albedo vun blots 0,04 op – dat heet, dat blots 4 % vun dat infallend Licht wedder torüchstrahlt warrt. Dorüm is de Maand bannig düster. De Dicht liggt bi 2,6 g/cm³. Dorut warrt vermoot, dat Arche tomehrst ut Silikat-Steen opboot is, as ok de annern Maanden ut de Grupp.

Maanden vun den Planeten Jupiter

Ahn Naam: S/2003 J 2 | S/2003 J 4 | S/2003 J 9 | S/2003 J 10 | S/2003 J 12 | S/2003 J 16 | S/2003 J 18 | S/2003 J 19 | S/2003 J 23 | S/2010 J 1 | S/2010 J 2 | S/2011 J 1 | S/2011 J 2 | S/2016 J 1 | S/2017 J 1 | S/2017 J 2 | S/2017 J 3 | S/2017 J 5 | S/2017 J 6 | S/2017 J 7 | S/2017 J 8 | S/2017 J 9

Kiek ok na bi: List von de Jupiter-Maanden