Drommelbeek
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27308 | |
| Vörwahl: | 04238 | |
| Geograafsche Laag: | Koordinaten:52° 53′ N, 9° 18′ O52° 53′ N, 9° 18′ O | |
|
| ||
Drommelbeek (hoochdüütsch Drommelbeck) weer en lütten Oort bi Hogenabargen in de Gemeen Kerklinneln in’n Landkreis Veern, Neddersassen. Vondaag is he kumplett mit Hogenabargen tohoopwussen.
Geografie
[ännern | Bornkood ännern]De Oort liggt op de Achem-Veerner Geest direkt an’n Rand na de Maschen von de Aller. Dat Water ut dat Rebeed flütt över den lütten Drommelbeek na de Aller hen af.
De Öörd ümto weren fröher Armsen in’n Noordoosten, Neernabargen in’n Oosten, Hogenabargen in’n Süden, Ahnbargen in’n Süüdwesten un Bestern un Lutten in’n Noordwesten.
Historie
[ännern | Bornkood ännern]Drommelbeek is 1770 as Anbo von Hogenabargen ut anleggt worrn.
Verwaltungsgeschicht
[ännern | Bornkood ännern]De Oort hett vör 1885 to de Vaagdie Eitze in dat Amt Veern tohöört. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.
De Oort höört von öllers bi de Gemeen Hogenabargen mit bi, de an’n 1. Juli 1972 mit de Gemeenreform in Neddersassen Deel von de Gemeen Kerklinneln worrn is.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 2 Füürsteden |
| 1824[2] | 2 Füürsteden |
| 1. Dezember 1871[3] | 34 Lüüd, 6 Hüüs |
| 1. Dezember 1885[4] | 30 Lüüd, 7 Hüüs |
| 1. Dezember 1905[5] | 41 Lüüd, 8 Hüüs |
Religion
[ännern | Bornkood ännern]Drommelbeek is evangeelsch-luthersch präägt un höört to dat Kaspel von de Andreas-Kark in Veern.
För de Kathoolschen is de St.-Josef-Kark in Veern tostännig.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Dör Drommelbeek löppt de Landsstraat 160, de in’n Noordwesten över Lutten un Eitze na Veern an de Bundsstraat 215 ran geiht un in’n Süüdoosten över Süüdkampen na Kerkboitzen an de Bundsstraat 209 ran.
De nächste Autobahn is de Autobahn 27 (Afsnidd Bremen–Wasra). De Opfohrt 26 Veern-Oost is acht Kilometer wied weg in’n Noordwesten von Drommelbeek an de L 171.
De nächste Bahnhoff is so bi söven Kilometer wied weg in’n Noordwesten de Bahnhoff Veern an de Bahnlien Wunsdörp–Bremen. Disse Bahnhoff is ok inbunnen in dat Nett von de Regio-S-Bahn Bremen/Neddersassen. Op de Bahnlien Veern–Wasra hett dat von 1910 bet 1969 Personenverkehr geven. De Bahnhoff Hogenabargen an düsse Bahnlien leeg direkt in Drommelbeek.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 60
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 148
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 162
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 174
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 180