Der bewegte Mann

Vun Wikipedia
Filmdaten
Plattdüütsch Titel:
Originaltitel: Der bewegte Mann
Düütsch Titel: Der bewegte Mann
Produkschoonsland: Düütschland
Johr vun’t Rutkamen: 1994
Läng: 88 Minuten
Originalspraak: Düütsch
Öllersfreegaav in Düütschland: FSK 12
Filmkru
Speelbaas: Sönke Wortmann
Dreihbook: Sönke Wortmann
Produkschoon: Bernd Eichinger
Musik: Torsten Breuer
Andy Knote
Kamera: Gernot Roll
Snitt: Ueli Christen
Szenenbild: Monika Bauert
Kledaasch: Katharina von Martius
Dorstellers

Der bewegte Mann (op Platt so veel as „De bewegte Mann“; int. Titel: The Most Desired Man) is en Filmkummedie ut dat Johr 1994 vun Sönke Wortmann, de op de Grundlaag vun den glieknöömten Comic un den Nafolgeband Pretty Baby vun Ralf König entstahn is.

Inholt[ännern | Bornkood ännern]

As Doro wedder mol ehrn Fründ Axel bi’n Sietensprung tofaten kriggt, hett se de Need vull un sett em vör de Döör. Axel maakt sik op de Söök na en ne’e Ünnerkunft un versöcht eerst mol bi Frünnen ünenrtokamen, wat sik as nich so eenfach wiesen deit. Dorbi dröpt he den schwulen Walter un tütt opletzt bi sien jüst so schwulen Bekannten Norbert in. De beiden Schwulen sünd vun Axel teemlich andoon, man de is heterosexuell un hett blots sien Doro in’n Sinn.

Dor hett in de Twüschentiet faststellt, dat se en Kind vun Axel kriggt un will em dorophen heiraten. Dat is man gor nich so licht, em to finnen. Jüst as se dat opgeven will, na em to söken, finnt se em un den nackten Norbert (de verkehrterwies dacht harr, dat Axel villicht wat vun em wullen künn) bi sik to Huus vör. Eerst is se bannig schockeert, man dat regelt sik mit de Tiet un de beiden kamt wedder tohopen un de beiden heiraat noch vör de Geboort vun jemehrn gemeensomen Söhn.

Axel hett nu aver’n Problem mit Doro to slapen, vun wegen dat se hoochswanger is. As denn ok noch Norbert un Walter in Fronskledaasch bi jemehr Hochtiet opduken doot, warrt Doro argdenkern, wat nich Axel villicht in de Twüschentiet schwul worrn is. Dat is he aver nich. Dorför löpt he aver sien fröhere Fründin Elke över’n Weg un maakt mit ehr wat in Norbert sien Wahnung af.

Dat entwickelt sik aver’n beten anners, as he sik dat dacht hett. Elke snackt em vör, sik en Tuchtbullen-Middel in de Nees to sprütten, üm dat de Geslechtsdrift grötter warrt. Dat Middel maakt em aver platt, noch vördem dat richtig mit jem losgeiht. Doro, de Axel naspioneert, finnt se em in Norberts Wahnung vör, as he stockstief op Disch huckt. As denn bi ehr ok noch de Wehen insetten doot, mutt Norbert ehr na’t Krankenhuus bringen, woneem se denn ehr Kind kriggt. Walter bringt Axel achteran, as de wedder to Verstand kummt. Doro is natürlich suer op Axel, man he wiest sik toversichtlich, dat he de Saak wedder op de Reeg kriggt.

Achtergrund[ännern | Bornkood ännern]

De Film baseert op de beiden Comics Der bewegte Mann un Pretty Baby vun Ralf König. In Düütschland harr de Film 6,5 Millionen Besökers in’t Kino un tellt dormit to de spoodrieksten düütschen Filmen. In dat Kinojohr 1994 is de Film blots noch vun de US-amerikaanschen Produkschonen The Lion King un Forrest Gump överdrapen worrn. Ofschoonst oder villicht jüst vun wegen dat de Film so’n Spood harr, geev dat ok Kritik, ünner annern vun König sülvst. In de Bookvörlaag weern Hetero- as ok Homosexuelle in’t glieke Maat dör en överdreihte Dorstellen karikeert, wiel dat in den Film blots op de schwulen Figuren todrapen deit. De Blickwinkel vun’n Film is för den Massenmarkt in de Heteronormativität rückt worrn.

To de Filmmusik driggt ok Max Raabe mit eenige Leder bi. He is in den Film sülvst ok in en Optritt to sehn. Dör sien Leder in dissen Film is he in dat Johr för en grötter’t Publikum bekannt worrn.

Kritiken[ännern | Bornkood ännern]

  • Lexikon vun’n internatschonalen Film[1]: „Eine mit viel Gespür für Situationskomik inszenierte Verwechslungskomödie, die zwar kein Klischee ausläßt und das Milieu mit Karikaturen überzeichnet, dabei aber durchaus gehobene Unterhaltung bietet.“
  • Prisma Online[2]: „Sönke Wortmanns Film avancierte mit mehr als vier Millionen Kinobesuchern zum erfolgreichsten deutschen Film in 1994 – eine spritzige Komödie, in der herzhaft gelacht werden kann. Die Deutschen können keine Komödien drehen, hieß es immer wieder. Hier wird daran erinnert, dass es Lichtblicke gibt – ein durchweg gelungenes Chaos von Trieben und Gefühlen zwischen Männern und Frauen, von dem seinerzeit 35-jährigen Sönke Wortmann schön schrill und mit Händchen für Komik in Szene gesetzt.“

Utteken[ännern | Bornkood ännern]

De Film is mit negen Priesen ehrt worrn:

Borns[ännern | Bornkood ännern]

  1. Lexikon des internationalen Films: Der bewegte Mann-Kritik
  2. Prisma Online: Der bewegte Mann-Kritik

Weblenken[ännern | Bornkood ännern]