Der Wixxer
| Filmdaten | |
|---|---|
| Plattdüütsch Titel: | — |
| Originaltitel: | Der Wixxer |
| Düütsch Titel: | Der Wixxer |
| Produkschoonsland: | Düütschland |
| Johr vun’t Rutkamen: | 2004 |
| Läng: | 82 Minuten |
| Originalspraak: | Düütsch |
| Öllersfreegaav in Düütschland: | FSK 12 |
| Filmkru | |
| Speelbaas: | Tobi Baumann |
| Dreihbook: | Oliver Kalkofe Oliver Welke Bastian Pastewka |
| Produkschoon: | Christian Becker David Groenewold Anita Schneider Oliver Kalkofe |
| Musik: | Andreas Grimm |
| Kamera: | Gerhard Schirlo |
| Snitt: | Ueli Christen Marco Pav D’Auria |
| Szenenbild: | Matthias Müsse |
| Kledaasch: | Janne Birck |
| Dorstellers | |
| |
Der Wixxer is en düütsche Filmkummedie vun den Speelbaas Tobi Baumann ut dat Johr 2004. Dat Dreihbook weer vun Oliver Kalkofe, Oliver Welke un Bastian Pastewka schreven, de mit den Film de Edgar-Wallace-Filmen ut de 1950er un 1960er Johren – as ok verschedene annere Action- un Agentenfilmen – parodeert, sünners aver den Film Der Hexer ut dat Johr 1964. De Premiere hett an’n 10. Mai 2004 in München stattfunnen.
Inholt
[ännern | Bornkood ännern]In de Woolden bi London liggt dat snaaksche BlackWhite-Castle, een vun’t letzte „Swart-Witt-Slötter“ in’t Veerenigte Königriek. Dor wahnt de Earl of Cockwood un geiht sien düster Gewarf na. As sik een Dag dat oostdüütsche Ehpoor Dubinsky ut Bitterfeld in de Gegend verlopen doot, warrt se Tügen vun en Moord: En Transporter föhrt den De Mönk mit de Pietsch över’n Hopen. An't Stüer seet en snaakschen Knakenmann: De Der Wixxer hett mol wedder toslahn. Dat is en gefährlichen Verbreker mit Zylinderhoot, de sik mit en Knakenschädel maskeert, un de Herrschop in de Londoner Ünnerwelt övernehmen will. Dorüm maakt he verschedene Banditen ut de britischen Verbrekerszeen an de Siet.
Scotland Yard sett nu den vörgeevlich besten Mann op den Fall an: den Chief Inspector Even Longer. Ünnerstütten schall em sien ne’en Partner Very Long, nadem sien fröheren Partner Rather Long storven is. De beiden Polizisten hebbt den Earl of Cockwood ünner Hööftverdacht. Offiziell is he Mopstüchter, man egentlich geiht he kriminelle Angelegenheiten na un hett dat Seggen över en Smugglerring för Girlgroups, de goot lopen deit. Man opletzt is ok he bang för den Wixxer – so as de hele engelsche Ünnerwelt.
Jemehr Ünnersöken föhrt de beiden Inspekters opletzt torüch na London, woneem se den snaakschen Harry Smeerlap draapt. Dat is en Macker vun Cockwood, de mit all Middels versöcht, sien Daten un de vun sien Arbeitgever heemlich to hollen. Opletzt künnt Very Long un Even Longer de Verbrekers vun’n Earl utschalten un de Identität vun’n Wixxer opdecken: Wohrhaftig hannelt sik dat üm Rather Short, vun den Even Longer övertüügt weer, dat he doot is. An’t Enn warrt he vun en smeten Pistool an’n Kopp drapen un geiht in’t Water ünner. Na’n Afspann is to sehn, woans he wedder ut dat Water rutkrüppt.
Kritik
[ännern | Bornkood ännern]- Dat Lexikon vun’n internatschonalen Film oordeel, dat weer en Farce, de si ut en Mischen vun deelwies infantilen, deelwies smacklosen Humor billt, ehr Vörbiller nipp un nau kennt un achter ehr Böverflach en Lengen na en olle Filmtraditschoon wiest, in de dat Vertellen noch Droomwelten vörbröcht hett. Dat Resultat weer as nich-anstrengt Bispeel för tietmatige Ünnerhollen in’n Retro-Look.
- cinema.de seeg den Film in de Traditschoon vun US-amerikaansch Vörbiller as The Naked Gun, de dat keen beten slechter maken de.[1]
- Rüdiger Suchsland schreev op Artechock, dat de Film funktschoneer un ünnerhollen de, wenn ok blots in en sütjen Rahmen. De Inholt weer an’n wenigsten wichtig un deen blots as Startramp för en halfwegs flott Speel in den Wallace-Touch.[2]
Utteken
[ännern | Bornkood ännern]De Film weer för twee Filmpriesen vörslahn. Uttekent weer he 2005 mit den Pries vun de düütschen Filmkritik in de Kategorie Best Filmmusik för Andreas Grimm.
Produkschoonsachtergrund
[ännern | Bornkood ännern]Der Wixxer weer eerst en en „Krimireeg“ in de Kummedie-Radiosennen „Das Frühstyxradio“. As in de letzten Episood bekannt warrn schüll, wokeen de „Wixxer“ is, hett Klakofe in de Figur „Onkel Hotte“ sien Kaffee in de Bandmaschien kippt, so dat de Identität nienich rutkamen is.
En annert Enn, dat in’n Rahmen vun en Sünnersennen (Kalk und Welk in Die Stunde, die es nicht gibt) utstrahlt worrn is, gifft pries, dat de Wixxer de Verteller is, de den Tüdelkraam vun de Protagonisten ophollen wull un dormit böös worrnis.
Grote Deelen vun den Film sünd in Tschechien dreiht worrn. Ünner annern weer dreiht in de Hostivar-Studios, dat Bargwark Kladnice un de Ümgegend vun Prag. De Film is in blots söss Weken in’t Fröhjohr 2003 fardig worrn. Dat Budget weer op ruchweg 4,7 Millionen Euro schätzt.
Mit Grit Boettcher as Kellnersche, Eva Ebner as Miss Drycunt un Wolfgang Völz as Sir John speelt dree Schauspelers mit, de fröher ok in de Original-Wallace-Filmen mitspeelt hebbt. De Makers wulln eerst ok Joachim Fuchsberger för den Film winnen. Man de Wull dor nix vun weten as he den Titel gewohr worrn is. Nadem he vun den Film en DVD kregen hett, hett he aver för den nächsten Deel toseggt.
De Besetten vun Achim Mentzel as den oorsprünglichen Wixxer geiht op de 1990er Johren torüch, as Mentzel un sien Gäst vun de Volksmusiksennen Achims Hitparade regelmatig vun Oliver Kalkofe in Kalkofes Mattscheibe persifleert weer.
Literatur
[ännern | Bornkood ännern]- Der Wixxer vun Andreas Quetsch (Bearbeiten), Jörg Fischer (Bearbeiten), Oliver Kalkofe (Schriever), Bastian Pastewka (Schriever), Oliver Welke (Schriever), Vgs Köln 2007, ISBN 380251744X
- Andreas Blödorn: Stilbildung und visuelle Kodierung im Film. Am Beispiel der deutschen Edgar Wallace-Filme der 1960er Jahre und ihrer Parodie in Der Wixxer. In: Kodikas/Ars Semeiotica 30, No. 1/2 (2007), S. 137-152