Depenrehmen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21702 | |
| Vörwahl: | 04166 | |
| Geograafsche Laag: | Koordinaten:53° 24′ N, 9° 31′ O53° 24′ N, 9° 31′ O | |
|
| ||
Depenrehmen (hoochdüütsch Depenrehmen) is en lütten Oort, de vondaag tohoop mit Lütt-Ohlers den Oort Ohrensmoor-Noord billt. Dat liggt in de Gemeen Ohlers (Samtgemeen Harsfeld) in’n Landkreis Stood, Neddersassen.
Geografie
[ännern | Bornkood ännern]De Oort liggt op de Harsfeller Geest. In’n Noorden von Depenrehmen liggt dat Holt Braken un in’n Süden de Harslah. Dat Rebeed billt dat Naturschuulrebeed Braken, Harslah, Kahl Moor un Wild Moor. Dat Water ut dat Rebeed flütt över’n Harslahbeek na de Ramm hen af.
De Naveröörd sünd Harsfeld in’n Noorden, Griemshorst un Kommerbusch in’n Noordoosten, Remnoh in’n Oosten, Wiegersen (mit Borrel) in’n Süüdoosten, Ohrensmoor-Süüd in’n Süden, Ohrensmoor-West in’n Süüdwesten, Ohlers in’n Westen un Hollenbeek in’n Noordwesten.
Historie
[ännern | Bornkood ännern]Depenrehmen weer toeerst en lüttje Anbosteed ganz in’n Süden von dat Rebeed, dat to de Feldmark Harsfeld höört.
Verwaltungsgeschicht
[ännern | Bornkood ännern]In de Franzosentied hett de Oort toeerst 1810 bet 1811 binnen dat Königriek Westfalen to de Mairie Harsfeld in’n Kanton Harsfeld höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Harsfeld in’n Kanton Hornborg.
De Oort hett vör 1885 to dat Amt Harsfeld tohöört. Na 1885 weer dat in’n Kreis Stood. 1932 is dat Deel von’n ne’en, grötteren Kreis Stood worrn.
Bet 1955 weer Depenrehmen en Deel von de Gemeen Harsfeld. In dat Johr is de Oort tohoop mit Lütt-Ohlers an Ohrensmoor wesselt un hett denn Ohrensmoor-Noord billt. Ohrensmoor sülvs is denn mit de Gemeenreform in Neddersassen an’n 1. Juli 1972 Deel von de Gemeen Ohlers worrn. Dor höört nu ok Depenrehmen mit to.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 1 Füürsteed |
| 1824[2] | 1 Füürsteed |
| 1. Dezember 1871[3] | 11 Lüüd, 1 Huus |
| 1. Dezember 1885[4] | 10 Lüüd, 1 Huus |
| 1. Dezember 1905[5] | 9 Lüüd, 1 Huus |
Religion
[ännern | Bornkood ännern]Depenrehmen is evangeelsch-luthersch präägt un höört to dat Kaspel von de Marien- un Bartholomäus-Kark in Harsfeld.
För de Kathoolschen is de St.-Michaels-Kark in Harsfeld tostännig, de siet 1. September 2010 to de Karkengemeen Mariä Himmelfohrt in Buxthu höört.
Weertschop un Infrastruktur
[ännern | Bornkood ännern]För Depenrehmen is de Freewillige Füürwehr Ohrensmoor mit tostännig.
Verkehr
[ännern | Bornkood ännern]Dör Depenrehmen löppt de Landsstraat 127, de in’n Noordoosten na Obbens un Buxthu geiht un in’n Süüdwesten na Ohrenswohl un Wangersen. In’n Noorden geiht de Kreisstraat 79 na Griemshorst un denn as K 53 na Harsfeld.
De nächste Autobahn is de Autobahn 1 (Afsnidd Hamborg–Bremen). De Opfohrt 47 Zittens liggt so 16 Kilometer in’n Süden von Depenrehmen.
De nächste Bahnhoff is so bi söss Kilometer wied weg in’n Noorden in Harsfeld an de Bahnlien Buxthu–Bremerhoben.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 55
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 130
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 141
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 151
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 160
