Charles Martinez

Vun Wikipedia

Charles Leocardio Martinez (* 9. Dezember 1937 in Punta Gorda) is en Politiker ut Brietsch-Honduras/Belize. He is Maat von de People’s United Party (PUP).

Leven[ännern | Bornkood ännern]

Martinez is 1937 in Punta Gorda (Distrikt Toledo) as Söhn von Pantaleona Valentine un Charles B. Martinez in ene Garifuna-Familie boren.[1] He weer in Punta Gorda op de Grundschool un denn in Belize-Stadt op dat St John’s College.[1] He hett as Schoolmeester in Punta Gorda arbeidt.[1]

In siene Freetied weer Martinez ok Musiker un 1967 in Punta Gorda Grünner von de Celestials Combo.[2]

He hett in’n April 1969 Hilaria „Celia“, borene Lino (13. Januar 1941–2012), freet.[3] De beiden harrn een Dochter.[3]

Von 1979 bet 1997 hebbt Charles un Celia Martinez in New York City in de USA leevt.[3]

Politik[ännern | Bornkood ännern]

Martinez is 1963 Stadtraad in Punta Gorda worrn un weer dor ok Viez-Börgermeester.[1]

Bi de Parlamentswahl in Brietsch-Honduras 1965 weer Martinez Kaneedaat för de PUP in’n Wahlkreis Toledo Süüd un kunn sik mit 50,4 % von de Stimmen gegen Charles Westby von de NIP dörsetten. Bi de Wahl 1969 weer he wedder Kannedaat för Toledo Süüd un hett sik dütmaal mit 50,3 % von de Stimmen gegen Cypriano Avilez von de NIP dörsett.

Dormit weer he von 1965 bet 1974 Afornten von dat Repräsentantenhuus.

Footnoten[ännern | Bornkood ännern]

  1. a b c d Personalities Caribbean. Personalities Limited, 1973, Sied 238
  2. Roy E. Gutierrez: A rundown of Toledo musicians. Government Printer, Belize-Stadt 2000, Sied 5
  3. a b c Peitra Arana: The Life of Aunt Celia, The Guardian an’n 2. Februar 2012