Bucht vun Chetumal
De Bucht vun Chetumal (spaansch Bahía de Chetumal, engelsch Chetumal Bay) is en üm un bi 1750 km² grote Bucht von de Karibische See in Yucatán, de an de Grenz twüschen de Staten Mexiko (Municipio Othón P. Blanco, Bundsstaat Quintana Roo) un Belize (Distrikt Corozal) liggt. Gröttste Stadt an de Bucht un Naamgever is Chetumal.
De Bucht is na Süden hen mit de apen See verbunnen un geiht dor in dat Belize Barrier Reef över.
Geografie
[ännern | Bornkood ännern]
.jpg)
De Bucht warrt von de Halvinsel von Xcalak un von dat Eiland Ambergris Caye von de Karibische See afdeelt. De lüttje Waterweg twüschen den fasten Wall un Ambergris Caye heet Boca Bacalar Chico. Tosätzlich gifft dat noch den Zarogoza-Kanaal, de 1900 graavt worrn is, üm mexikaansche Scheep en Weg in de Bucht to geven, de nich dör dat Hoheitswater von Belize föhrt.
Strööm, de in de Bucht fleten doot, sünd de New River, de Río Hondo/Hondo River un de Utlaat von de Guerrero-Laguun.
Eilannen sünd Tamalcab, Cayo Venado, Cayo Violín un Dos Hermanos.
Öörd an dat Över sünd Sarteneja, Corozal un Consejo in Belize un Chetumal un Calderitas in Mexiko. De gröttste Deel von de Küst is unbewahnt.
De Oostdeel von de Bucht driggt den Naam Bucht von Corozal.
Weblenken
[ännern | Bornkood ännern]
Bucht vun Chetumal. Mehr Biller, Videos oder Audiodateien to’t Thema gifft dat bi Wikimedia Commons.