Bittst
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27367 | |
| Vörwahl: | 04264 | |
| Geograafsche Laag: | Koordinaten:53° 9′ N, 9° 15′ O53° 9′ N, 9° 15′ O | |
|
| ||
Bittst (hoochdüütsch Bittstedt) is en lütten Oort in de Gemeen Reeßen (Samtgemeen Söttmer) in’n Landkreis Rodenborg, Neddersassen.
Geografie
[ännern | Bornkood ännern]In’n Süüdoosten von’n Oort flütt de Wiest langs.
De Naveröörd sünd Horß in’n Noorden, Clünner un Mulmshoorn in’n Noordoosten, Höperhöben, Sleßel un Platenhoff in’n Süüdoosten, Clüversbossel un Reeßen in’n Süüdwesten, Taaken in’n Westen un Stapel in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Horß in’n Kanton Otterbarg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1859 to de Huusvaagdie Otterbarg in dat Amt Otterbarg tohöört un denn von 1859 bet 1885 to dat Amt Rodenborg. Na 1885 weer dat in’n Kreis Rodenborg, de 1977 mit’n Landkreis Bremervöör tohoopgahn is un den hüdigen Landkreis Rodenborg billt hett.
De Oort höört von öllers bi de Gemeen Taaken mit bi. De Gemeen Taaken is an’n 1. März 1974 mit de Gemeenreform in Neddersassen Deel von de Gemeen Reeßen worrn.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 2 Füürsteden |
| 1812[2] | 38 |
| 1824[3] | 8 Füürsteden |
| 1848[4] | 35 Lüüd, 8 Hüüs |
| 1. Dezember 1871[5] | 35 Lüüd, 7 Hüüs |
| 1. Dezember 1885[6] | 32 Lüüd, 7 Hüüs |
| 1. Dezember 1905[7] | 34 Lüüd, 6 Hüüs |
Religion
[ännern | Bornkood ännern]Bittst is evangeelsch-luthersch präägt un höört to dat Kaspel von de Johannes-de-Döper-Kark in Horß. Düsse Kark is 1963 boot un 1989 as Karkengemeen egenstännig worrn. Vörher hett Bittst to dat Kaspel von de Georg-Kark in Söttmer höört.
För de Kathoolschen is de Corpus-Christi-Kark in Rodenborg tostännig.
Weertschop un Infrastruktur
[ännern | Bornkood ännern]För Bittst is de freewillige Füürwehr Taaken mit tostännig.
Verkehr
[ännern | Bornkood ännern]Dör Bittst löppt de Kreisstraat 202, de in’n Westen över Taaken un Northauen na Otterst geiht un in’n Süüdoosten över Sleßel, Höperhöben un Boitzen bi Waaschen an de Bundsstraat 75 ran. De B 75 löppt wieder na Rodenborg. In Sleßel geiht von de K 202 de K 204 af, de na Söttmer föhrt un dor ok an de B 75 ran.
De nächste Autobahn is de Autobahn 1 (Afsnidd Hamborg–Bremen), de in en Afstand von 300 Meter an dat Dörp langslöppt. De Opfohrten 49 Bokel (in’n Noordoosten) un 50 Stuckenbossel (in’n Süüdwesten) sünd aver all beid so üm un bi acht Kilometer wied weg.
De nächste Bahnhoff is so bi negen Kilometer wied weg in’n Süden de Bahnhoff Söttmer an de Bahnlien Bremen–Hamborg. Von 1906 bet 1968 hett dat ok Personenverkehr op de Bahnlien Bremervöör–Wasra geven. De nächste Bahnhoff weer in disse Tied söss Kilometer in’n Süüdoosten in Boitzen.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 25
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 97
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 60
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 139
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 169
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 180
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 152
