Baadmöhlen

Vun Wikipedia
(wiederwiest vun Bademühlen)
Zur Navigation springen Zur Suche springen
Wapen/Flagg Koort

Wapen vun Baadmöhlen

Baadmöhlen
Laag vun Baadmöhlen in Düütschland
Basisdaten
Bundsland: Neddersassen
Landkreis: Rodenborg
Samtgemeen: Zeven
Gemeen: Zeven
Inwahners:
Geograafsche Laag:
Koordinaten:53° 18′ N, 9° 13′ O
53° 18′ N, 9° 13′ O

Watermöhl in Baadmöhlen

Baadmöhlen (hoochdüütsch Bademühlen) is en Dörp in de Gemeen Zeven (Samtgemeen Zeven) in’n Landkreis Rodenborg, Neddersassen. Bi Baadmöhlen höört ok de lüttjere Oort Övelgünn mit bi.

Geografie[ännern | Bornkood ännern]

Dör Baadmöhlen flütt de Baad dör, de so bi veer Kilometer in’n Noordoosten in de Oost münnt. De Baad is in Baadmöhlen dör den Möhlendiek opstaut.

De Naveröörd sünd Godenst in’n Noorden, Brauel in’n Noordoosten, Zeven in’n Oosten, Olendörp in’n Süüdoosten, Badenst in’n Süden, Oostereis mit Wennbossel in’n Westen un Rockst in’n Noordwesten.

Historie[ännern | Bornkood ännern]

De Watermöhl in Baadmöhlen is 1542 boot worrn. Dat Möhlenwehr un de Brügg dor över sünd 1945 an’t Enn von’n Tweten Weltkrieg von düütsche Soldaten sprengt worrn. Eerst 1953 sünd Wehr un Brügg wedder nee boot worrn. En neet Möhlenrad is 1995 opstellt worrn.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Sürsen in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

Baadmöhlen weer fröher deelt. De Hööv op dat rechte Över von de Baad hebbt to dat Kaspel Sürsen tohöört un de enkelte Hoff op dat linke Över to dat Kaspel Zeven (Huusvaagdie Zeven). Beide Delen hebbt to dat Amt Zeven höört. 1859 is dat Kaspel Sürsen ut dat Amt Zeven in dat Amt Bremervöör wesselt. Dör en Verordnung von’n 22. Juni 1859 is Baadmöhlen links von de Baad mit Oostereis wedder an dat Amt Zeven gahn.[1] Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.

Baadmöhlen hett in dat 19. Johrhunnert bi de Gemeen Oostereis bihöört. Later is de Oort denn aver an de Gemeen Badenst wesselt.

De Oort is an’n 1. März 1974 tohoop mit Badenst Deel von de Gemeen Zeven worrn.

Inwahnertall[ännern | Bornkood ännern]

Johr Inwahners
1824-00-001824[2] 4 Füürsteden
1848-00-001848[3] 28 Lüüd. 4 Hüüs
1871-12-011. Dezember 1871[4] 19 Lüüd. 4 Hüüs

Religion[ännern | Bornkood ännern]

Baadmöhlen is evangeelsch-luthersch präägt un höört to dat Kaspel von de Vitus-Kark in Zeven.

För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.

Weertschop un Infrastruktur[ännern | Bornkood ännern]

In Baadmöhlen gifft dat en Jugendharbarg.

Verkehr[ännern | Bornkood ännern]

Dör Baadmöhlen löppt de Landsstraat 122, de in’n Noordwesten över Oostereis, Rohreis un Oostrhaar bi Gnarrenborg an de Bundsstraat 74 ran löppt. In’n Oosten geiht de L 122 na Zeven un dor an de Bundsstraat 71. Lüttjere Straten gifft dat ans na Övelgünn un na Badenst.

De nächste Autobahn is de Autobahn 1. De Opfohrt 48 Elsdörp liggt so bi 14 Kilometer in’n Süüdoosten von Baadmöhlen.

De nächsten Bahnhööv sünd so bi 27 Kilometer wied weg in’n Süüdoosten de Bahnhööv Rodenborg un Scheeßl an de Bahnlien Bremen–Hamborg un in’n Noorden de Bahnhoff Bremervöör an de Bahnlien Bremerhoben–Buxthu.

Footnoten[ännern | Bornkood ännern]

  1. Sammlung der Gesetze, Verordnungen und Ausschreiben für das Königreich Hannover: vom Jahre 1859. Kius, 1859, Sied 693
  2. C. H. Jansen: Statistisches Handbuch des Königreichs Hannover. 1824, Sied 32: http://books.google.de/books?id=tG0AAAAAcAAJ&pg=PA32
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 141: http://books.google.de/books?id=eOI-AAAAcAAJ&pg=PA141
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 171: https://books.google.de/books?id=qTZDAQAAMAAJ&pg=RA2-PA171