Amtsgericht Leessem

Dat Amtsgericht Leessem weer en Amtsgericht in dat Königriek Hannover. Dat harr sien Seet in Leessem.

Överornt Gerichten

Dat Amtsgericht Leessem weer dat Obergericht Veern överornt (na 1879 dat Landgericht Veern).

Geschicht

Mit dat hannöversche Gerichtsverfatensgesett von’n 8. November 1850, dat an’n 1. Oktober 1852 in Kraft gahn is, sünd Verwaltung un Justiz kumplett trennt worrn un de Amtsgerichten sünd as ünnerst Gerichten inricht worrn. Dat Amtsgericht Leessem is dor denn blangen dat Amt Leessem nee schapen worrn. De Grenzen von Amt un Amtsgerichtsbezirk weren desülven.

Dat Amtsgericht Leessem is 1859 jüstso as dat Amt Leessem oplööst worrn. Von 1859 af an weer dat Amtsgericht Blomendal för den Gerichtsbezirk von dat Amtsgericht Leessem mit tostännig. Dat Gericht hett aver an de sülve Steed wiederbestahn un weer nu blots organisatoorsch dat Gericht in Blomendal ünnerornt.

Na de Rieksjustizgesetten von 1877 sünd de Gerichten in dat Düütsche Riek 1879 deelwies nee indeelt worrn. Dor is denn ok en neet Amtsgericht Leessem inricht worrn.

Dör de Veerte Verordnung över den Neeopbo von dat Riek von’n 28. September 1939 is to’n 1. November 1939 en groten Deel von’n Gerichtsbezirk an dat Land Bremen fullen. Dat Amtsgericht is mit den Erlass über die Änderung von Gerichtsbezirken von’n 9. Oktober 1942 to’n 1. Januar 1943 ganz oplööst worrn. Dorbi sünd de fröheren Gemenen Aumund, Grohn un Schönebeck Deel von’n Bezirk von dat Amtsgericht Blomendal worrn un de fröhere Gemeen Leessem Deel von’n Bezirk von dat Amtsgericht Bremen. De Rebeden von’n Amtsgerichtsbezirk Leessem, de bi Prüßen bleven sünd, sünd in’n Bezirk von dat Amtshericht Oosterholt-Scharmbeek wesselt.

Amtsrichters

1854–1894: Wilhelm Diedrich Adickes
1895–1925: Dietrich Bernhard
1925–1939: F.W. Regeniter

Lüüd

Karl Carstens hett 1936/1937 en Deel von sien Referendartied bi dat Amtsgericht Leessem hatt.

Kiek ook bi

List von de Amtsgerichten in dat Königriek Hannover

Amtsgerichten in’n Obergerichtsbezirk Veern (1852–1879)