Abbenfleet

Vun Wikipedia
(wiederwiest vun Abbenfleth)
Zur Navigation springen Zur Suche springen
Wapen/Flagg Koort
Wapen unbekannt
Abbenfleet
Laag vun Abbenfleet in Düütschland
Basisdaten
Bundsland: Neddersassen
Landkreis: Stood
Gemeen: Stood
Inwahners:
Postleettall: 21717
Vörwahl: 04149
Geograafsche Laag:
Koordinaten:53° 40′ N, 9° 29′ O
53° 40′ N, 9° 29′ O

Abbenfleet (hoochdüütsch Abbenfleth) is en Dörp in de Gemeen Stood in’n Landkreis Stood, Neddersassen.

Geografie[ännern | Bornkood ännern]

Dat Dörp liggt direktemang an de Elv un hett ok en lütten Haven, de vondaag aver bloot noch von Sportseglers bruukt warrt. De Naveröörd sünd Barnkroog in’n Noordwesten un Bützfleet in’n Süüdwesten.

In’n Süden von Abbenfleet doot Abbenfleter Slüsenfleet, Bützfleter Kanaal un Hörn-Götzdörper Kanaal in de Bützfleter Süderelv münnen.

Historie[ännern | Bornkood ännern]

Toeerst in de Oorkunnen kummt de Oort 1124 vör, as Markgraaf Rudolf I. dat Klooster Harsfeld en Hoov Land in Abbenfleet schunken hett. Aver ok ut de Tied vör dat hüdige Dörp gifft dat Funnen. 2008 sünd to’n Bispeel en Lehmaven un Schören ut de Tied von 0 bet 375 na Christus funnen worrn.

Von 1869 af an is bi Abbenfleet von de Prüßen de Festung Grauerort anleggt worrn, de över dat Fohrwater von de Elv waken schull.

In’n Eersten Weltkrieg sünd 10 Soldaten ut Abbenfleet fullen oder vermisst[1].

Inwahnertall[ännern | Bornkood ännern]

Johr Inwahners
1824-00-001824[2] 32 Füürsteden
1848-00-001848[3] 177 Lüüd. 37 Hüüs
1939-00-001939 323

Religion[ännern | Bornkood ännern]

Abbenfleet is evangeelsch-luthersch präägt un höört to dat Kaspel von de Nicolai-Kark in Bützfleet.

För de Kathoolschen is de Hillig-Geist-Kark in Stood tostännig.

Kultur[ännern | Bornkood ännern]

En Denkmaal för de Abbenfleter Fullenen ut de twee Weltkrieg’ steiht bi de Nicolai-Kark in Bützfleet.

De Bützfleter Wiehnachtsmarkt warrt jümmer an’t eerste Wekenenn in’n Advent in de Festung Graueroort in Abbenfleet fiert. Den eersten Wiehnachtsmarkt in de Festung hett dat 2010 geven.[4]

Infrastruktur[ännern | Bornkood ännern]

Verkehr[ännern | Bornkood ännern]

Dat Dörp liggt blangen de Landsstraat 111, de ok Obstmarschenweg heet.

Von 1899 bet 1933 harr dat Dörp en Bahnhoff an de Kedener Kreisbahn. Vondaag is de nächste Bahnhoff de in Stood an de Nedderelvbahn, de so bi teihn Kilometer weg is.

Scholen[ännern | Bornkood ännern]

Fröher harr Abbenfleet en egen Volksschool, nu mööt de Kinner aver na Bützfleet op de Grundschool an’t Fleet. Na Realschool mööt se na de Realschool Hohenwedel in Stood un na Gymnasium na de Vincent-Lübeck-School.

Footnoten[ännern | Bornkood ännern]

  1. http://www.denkmalprojekt.org/dkm_deutschland/buetzfleth_wk1u2_ns.htm
  2. C. H. Jansen: Statistisches Handbuch des Königreichs Hannover. 1824, Sied 2: http://books.google.de/books?id=tG0AAAAAcAAJ&pg=PA2
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 144: http://books.google.de/books?id=eOI-AAAAcAAJ&pg=PA144
  4. Weihnachtsmarkt in Grauerort, Stader Tageblatt an’n 23. November 2012