Thunderball (Film)

Vun Wikipedia
Wesseln na: Navigatschoon, Söök
Filmdaten
Plattdüütsch Titel:
Originaltitel: Thunderball
Düütsch Titel: Feuerball
Produkschoonsland: Grootbritannien
Johr vun’t Rutkamen: 1965
Läng: 125 Minuten
Originalspraak: Engelsch
Öllersfreegaav in Düütschland: FSK 12
Filmkru
Speelbaas: Terence Young
Dreihbook: Richard Maibaum
John Hopkins
Produkschoon: Albert R. Broccoli
Kevin McClory
Musik: John Barry
Tom Jones (Titelleed)
Kamera: Ted Moore
Snitt: Peter R. Hunt
Szenenbild: Ken Adam
Dorstellers

Thunderball (op Platt so veel as „Dunnerball“; dt. Titel: Feuerball) is de Titel vun den veerten Speelfilm ut de James-Bond-Reeg, de 1965 vun Eon Productions Ltd. produzeert worrn is. De Hööftrull weer mit Sean Connery besett, Speelbaas weer Terence Young. Weltwiet hett disse Agentenfilm mehr as 140 Millionen US-Dollar inspeelt. En Remake vun den Film keem 1983 ünner den Titel Never Say Never Again in de Kinos.

Inholt[ännern | Bornkood ännern]

De Inholt vun’n Film richt sik drang na de Romanvörlaag. Wiel sik James Bond in en Sanatorium wedder op Vördermann bringen lett, plaant de Verbrekerorganisatschoon S.P.E.C.T.R.E. (in de düütschen Faten Phantom) twee Atombomben vun en NATO-Fleger to klauen, üm dormit Looskoopgeld vun de Länner to erpressen. In dat glieke Sanatorium hollt sik ok Graaf Lippe, en Agent vun S.P.E.C.T.R.E., op un butendem en Mann mit Bandaaschen in’t Gesicht, de angeevlich en Autounfall harr. In Wohrheit hett de sik dat Gesicht opereeren laten, üm an Steed vun den Fleger Major Derval Togang to en Militärstüttpunkt to kriegen. He bringt den Fleger mit de Bomben för S.P.E.C.T.R.E. in sien Besitt. Den echten Major Derval bringt se üm un wüllt em över dat Sanatorium los warrn. Dat warrt Bond aver gewohr.

Plaant hett den Roov vun de Bomben Emilio Largo, de den Fleger op apene See ünner Water lannen lett un de Bomben an sik nimmt. För’t Militär hett dat utsehn as wenn de Fleger afstört is, man de is ünner’t Radar noch wieter flagen, so dat de NATO keen Idee hett, woneem de Fleger afbleven is. As S.P.E.C.T.R.E. denn dat Looskoopgeld foddert warrt de MI6 inschalt. Ok Bond warrt op den Fall ansett. En Spoor föhrt em na Nassau op de Bahamas, woneem he sik Informatschonen vun Domino, de Süster vun den doden Major Derval, verspreken deit. Se is de Leevste vun Largo, den Bond as Liddmaat vun S.P.E.C.T.R.E. utmaakt.

De Bomben vermoodt Bond an Boord vun Largo sien Schipp, de Disco Volante, man, de Versöök dor rantokamen geiht scheef. Tosamen mit sien ollen Fründ Felix Leiter maakt sik Bond op de Söök, man de Tiet löpt jem weg. In de Twüschentiet versöcht Largo Bond ut den Weg rümen to laten. Dör en Henwies, den Largo sülvst em ahn to weten geven hett, finnt Bond un Leiter opletzt den verlorenen Fleger, man de Bomben sünd nich mehr dor. Eerst dör Domino, de he vun den Dood vun ehern Broder informeert un dat Largo dor Schuld an is, warrt he wies, woneem de Bomben to finnen sünd. As de Bomben vör Miami in en Wrack ümlaadt warrn schüllt, gifft dat en gresige Slacht ünner Water. Dor künnt de Bomben sekerstellt warrn, man Largo ritt ut. To’n Showdown kummt dat opletzt an Boord vun de Disco Volante, wo Domino Largo an de Siet maakt un somit den Dood vun ehern Broder torüchbetahlen kann.

Kritiken[ännern | Bornkood ännern]

Lexikon vun’n internatschonalen Film: Mit vielen Unterwasserkämpfen in die Länge gezogenes Bond-Abenteuer. Zwar liebt und tötet der Held auch diesmal im Auftrag ihrer Majestät, doch das Geschehen ist viel unrealistischer als in den geschickter gestalteten Vorgängern.

Utteken[ännern | Bornkood ännern]

Thunderball weer de letzte Film ut de Bond-Reeg, de mit een Oscar uttekent worrn is. All tohopen is de Film för söven Filmpriesen nomineert wesen, vun de he veer wunnen hett:

Striet üm den Film[ännern | Bornkood ännern]

Thunderball weer eerst as de eerste Folg vun en Feernsehreeg plaant oder ok as egenstännigen Film. För dat Projekt hett Ian Fleming mit de Schrievers Kevin McClory un Jack Whittingham de Kortgeschicht un dat Dreihbook schreven. As de Plaan to se Feernsehreeg fallen laten worrn is, hett Fleming de Geschicht övernahmen un dorut en Roman maakt. Dat Book is 1961 as negente Roman ut de Reeg op’n Markt kamen. Anfangs weer blots Fleming as Schriever angeven, woeophen sien Mitschrievers em verklaagt hebbt. Dat is de Grund wesen, worüm nicht thunderball toeerst verfilmt worrn is, man Dr. No.

McClory ud Whittingham sünd bi latere Oplagen vn den Roman denn as Mitschrievers nöömt worrn, ok wenn Fleming wieterhen as Hööftschriever gellen de. Tosätzlich hett McClory de Rechte to’n Verfilmen vun den Roman kregen. As de eersten dree Bond-Filmen denn düchtig Spood harrn, hebbt sik de Produzenten Albert R. Broccoli un Harry Saltzman mit Kevin McClory eenig, Thunderball to verfilmen. McClory is an de Produkschoon un an de Innahmen bedeeligt worrn, dröff aver in Gegentog teihn Johren lang keen ne’en Film vun disse Geschicht maken.

As de Frist 1975 aflopen weer, hett McClory anfungen, Plaans to en Neeverfilmen to maken. Bit dat Remake Never Say Never Again 1983 denn entstahn is, hebbt sik McClory un de Produzenten vun de Bond-Reeg op de een Siet un United Artists op de anneren Siet in Gerichtsverfohren gegenöverstahn. McClory hett siet de Tiet mehrmols versöcht, en ne’e Faten to produzeeren un ok sien Rechten an de Geschicht to verköpen.

Anners wat[ännern | Bornkood ännern]

  • De Originaltitel vun den Film schüll an sik Mister Kiss Kiss Bang Bang wesen. Dorför is sogor al en Titelleed fardigstellt worrn. Dennis de Naam aver doch ännert worrn. Man, de Titel hett twee Cameos in den Film kregen: to’n een as de Club, in den Bond mit Fiona Toflucht söcht („Club Kiss Kiss“), to’n annern dat Titelleed, to dat de beiden dor dansen doot.
  • In de düütschen Faten singt Bond en lustig Leed vör sik hen, as he Graaf Lippe in’t Dampbad insluten deit. In’t Original deit he dat nich, ofschoonst de Produzenten dat ok so vörharrn, denn aver rutlaten hebbt, vun wegen de Charakterdorstellen vun Bond.
  • Dat Titelleed schüll an sik eerst vun Johnny Cash sungen warrn, aver denn hett man sik doch op Tom Jones verstännigt.

Literatur[ännern | Bornkood ännern]

Danny Morgenstern, Manfred Hobsch: James Bond XXL. Schwarzkopf & Schwarzkopf, ISBN 3-89602-545-7

Weblenken[ännern | Bornkood ännern]