Shallow Grave

Vun Wikipedia
Filmdaten
Plattdüütsch Titel:
Originaltitel: Shallow Grave
Düütsch Titel: Kleine Morde unter Freunden
Produkschoonsland: Grootbritannien
Johr vun’t Rutkamen: 1994
Läng: 89 Minuten
Originalspraak: Engelsch
Öllersfreegaav in Düütschland: FSK 16
Filmkru
Speelbaas: Danny Boyle
Dreihbook: John Hodge
Produkschoon: Andrew Macdonald
Musik: Simon Boswell
Kamera: Brian Tufano
Snitt: Masahiro Hirakubo
Szenenbild: Kave Quinn
Kledaasch: Kate Carin
Dorstellers

Shallow Grave (op Platt so veel as „(To) flach Graff“; dt. Titel: Kleine Morde unter Freunden) is de Titel vun en swarte Filmkummedie ut dat Johr 1994, mit de Danny Boyle sien Debüt as as Speelbaas geven hett. De Titel speelt op den Inhalt an un hett de Bedüden vun en Kuhl, de nich deep noog ist, üm en Liek duersom to versteken.

Inholt[ännern | Bornkood ännern]

De Doktersche Juliet Miller, de Bookhoolder David Stepehens un de Journalist Alex Law leevt in en Wahngemeenschop un söökt en ne’en Mitbewahner. En hele Reeg vun Kandidaten stellt sik bi jem vör un warrt nipp un nau bekeken. Keen vun jem kummt an de hogen Anspröök ran, de de dree opstellen doot, bit een Dag Hugo kummt. Hugo is wat öller un gifft sik as intellektuellen Dichter ut, de en Roman schrieven. Juliet is vun em andoon un kort later tütt Hugo in. Blots wenig later is vun Hugo nix mehr to höörn, ofschoonst sien Slötel stickt. De dree breekt de Döör apen un finnt Hugo doot op sien Bett – doodbleven an en Överdosis Drogen. Aver butendem finnt se ünner sien Bett en Kuffer randvull mit Geld. Se överleggt, wat se maken schüllt un besluut opletzt, dat Geld to behollen. De Liek kuhlt se ennerworrns in en Woold in. Man vörher sniedt se em Hannen un Fööt af un haut em de Tähnen twei, dat em nümms identifizeeren kann. Utrekent David mutt disse Opgaav övernehmen, vunwegen dat he dat slechte Loos togen hett.

De afsneden Deelen lett Juliet in’t Krankenhuus verswinnen, Hugo sien Auto warrt in en Diek versenkt. Man liekers steiht ’n beten later de Polizei vör de Döör un wat later ok noch twee Killers, de op de Söök na dat Geld sünd. Se künnt de Polizisten afwimmeln, de Killers dorgegen maakt David an de Siet. Man David fangt an sik to ännern. He nimmt den Geldkuffer un verstickt sik dormit op’n Böhn, woneem he sik insluten deit. Üm sien Mitbewahners jümmer beobachten to künnen, bohrt he Löcker in de Deek. Natürlich wasst twüschen de dree gau dat Argdenken, dat sik na un na to den Wahn entwickelt, dat de annern em över’n Disch teht.

De Lüttkrieg üm dat Geld versülvststännigt sik un is nich mehr to kontrolleren: Opletzt warrt Alex vun David mit en Mess dörbohrt, warrt gliek dorop aver vun Juliet doodmaakt. Se will mit den Kuffer utneihn, rammt Alex dat Mess vörher aver noch deeper in’n Lief, dat dat Blood blots so löpt. Se föhlt sik as Winnersche, as se mit den Kuffer afhaun deit, an’n Flaaghaven mutt se aver faststellen, dat in den Kuffer keen Geld mehr is, man blots Papeer. In de glieken Tiet warrt Alex swoor besehrt vun de Polizei op’n Kökenbodden opfunnen. Ünner de Delen liggt dat Geld, dat Alex för de annern versteken hett.

Kritik[ännern | Bornkood ännern]

film-dienst (16/1995) schreev vun en swart-humorigen Thriller, de Szenen vun effektvull stiliserte Brutalität bargt. De Film betöög sien Spannung ut de tallrieken Ideen un dat Tempo vun de Regie, ut de fantasierieke visuellen Gestalten un dat nuanceerte Speel.

Utteken[ännern | Bornkood ännern]

De Film is teemlich goot bi de Tokiekers ankamen, wat sik in föffteihn Nomineeren för Filmpriesen wiesen deit. Wohrhfatig hett he dorvun veerteihn wunnen, as to’n Bispeel:

Anners wat[ännern | Bornkood ännern]

De Film speelt egentlich in Edinburgh is aver wegen de Föddergeller för de Produkschoon in Glasgow dreiht worrn.

Weblenken[ännern | Bornkood ännern]