Grosse Pointe Blank

Vun Wikipedia
Wesseln na: Navigatschoon, Söök
Filmdaten
Plattdüütsch Titel:
Originaltitel: Grosse Pointe Blank
Düütsch Titel: Grosse Pointe Blank – Ein Mann, ein Mord
Produkschoonsland: USA
Johr vun’t Rutkamen: 1997
Läng: 107 Minuten
Originalspraak: Engelsche Spraak
Öllersfreegaav in Düütschland: FSK 12
Filmkru
Speelbaas: George Armitage
Dreihbook: Tom Jankiewicz
Produkschoon: Susan Arnold
Musik: Joe Strummer
Kamera: Jamie Anderson
Snitt: Brian Berdan
Szenenbild: Stephen Altman
Kledaasch: Eugenie Bafaloukos
Dorstellers

Grosse Pointe Blank (lööp in Düütschland ünner den Titel Grosse Pointe Blank – Ein Mann, ein Mord in de Kinos un later ünner Grosse Pointe Blank – erst der Mord, dann das Vergnügen in’t Feernsehn) is de Titel vun en US-amerikaansche Speelfilm-Kummedie ut dat Johr 1997. Speelbaas weer George Armitage, dat Dreihbook hett Tom Jankiewicz schreven.

Inholt[ännern | Bornkood ännern]

Martin Blank hett ’n Barg vun Problemen. He is Killer vun Beroop, mag sien Job aver nich mehr so recht lieden. Sien Gedanken hangt bi Debi, en Fro, de he siet de Tiet in de Highschool nich mehr sehn hett, un to all Övermaat is he ok noch to’n teihnten Johrsdag vun sien Highschool-Afsluss inlaadt, wo sien Sekretärsche em afsluuts henkriegen will. As de Tofall dat will, kriggt he en Opdrag, de em torüch na Grosse Pointe, sien olle Heimat, föhrt.

De Besöök in de Stadt dor löpt aver nich so, as he sik dat vörstellt hett. Debi is noch jümmer suer op em, vun wegen dat Martin ehr to’n Afslussball sitten laten hett. Bito mutt he faststellen, dat an de Steed, woneem fröher sien Öllernhuus stahn hett, vundaag en Supermarkt steiht. Mit sien Opdrag kummt he ok nich so recht achterran, dorför warrt em aver sülvst en Killer op’n Hals jaagt. Butendem will em Grocer, de ok en Profikiller is, dorto bringen, dat he in sien nee grünnte Killer-Gewerkschop intreden deit. As Martin aver klor maakt, dat em de Gedank nich sünners gefallt, schickt Grocer em twee NSA-Agenten op de Spoor.

As nu Martin allns op de Reeg kriegen un sien Leven ännern will, versöcht he vör allen, sien olle Leef Debi wedder torüch to winnen. Mit sien Beroop geiht he offensiv üm un vertellt jeden de Wohrheit, de dorna fraagt. Man nümms glöövt em, dat he wohrhaftig en Killer is. Mit Debi geiht he denn op de 10-Johr-Fier, woneem dat aver to en Openeendrapen mit den Killer kummt, de op em ansett is. In Nootwehr maakt Martin em an’e Siet, in dem he em sien jüst schenkt kregen Kugelschriever in’n Hals rammt. As he sik överleggt, sien letzten Opdrag to Enn to bringen, de em in de Stadt bröcht hett, warrt he wies, dat he op Debis Vadder ansett is. Jüst noch rechttietig kann Martin em in Sekerheit bringen, vun wegen, dat Grocer al achter em her is. So kummt dat opletzt to dat Duell twüschen de beiden Killers, un an’n Enn kann Martin Debi dorvun övertügen, dat he en ne’en Minsch warrn will.

Kritik[ännern | Bornkood ännern]

Lexikon vun’n internatschonalen Film: Mißlungener Versuch einer Gesellschaftssatire auf den amerikanischen (Alp-)Traum vom Streben nach beruflichem Erfolg um jeden Preis. Inszenatorisch bieder und wenig pointiert in den Dialogen, gerät der Film eher zu einer Mischung aus romantischer Komödie und überdrehter Action, deren platte "Pulp Fiction"-Anleihen von der Einfallslosigkeit der Autoren zeugen. Er ragt allenfalls durch die sympathischen Hauptdarsteller aus dem derzeitigen Hollywood-Mittelmaß heraus.

De Lesers vun dat tweetgröttste britische Filmblatt, Total Film, hebbt den Film 2000 op Rang 21 vun de besten Kummedien vun all Tieten wählt.

Filmpriesen[ännern | Bornkood ännern]

De Film is 1998 mit twee Priesen uttekent worrn un weer noch för veer wietere nomineert. Ehrt weern Joan Cusack mit den Chlotrudis Award as Beste Nevendorstellersche as ok Minnie Driver mit den ALFS Award as Beste Nevendorstellersche vun’t Johr.

Anners wat[ännern | Bornkood ännern]

  • De Sekretärsche vun Martin Blank warrt vun Joan Cusack speelt, de Süster vun John Cusack.
  • De annere Süster, Ann Cusack, speelt de besopene ehmolige Schoolkollegin Amy in’n Hippo Club, sien Broder Bill hett de Rull vun den Kellner dor.
  • De Soundtrack besteiht dör de Bank ut Musik ut de 1980er Johren. Dorünner befinnt sik ok dat Leed 99 Luftballons vun Nena, dat ok in de engelschen Filmversion in düütsche Spraak speelt warrt.
  • John Cusack hett dissen Film mitproduzeert un weer ok Mitschriever an dat Dreihbook. Anfangs weer en wieteren Deel vun de Gangsterkummedie plaant, wat mit den Film War, Inc. aver blots inoffiziell ümsett worrn is.
  • De engelsche Titel is en Woortspeel. To’n een steiht de för de Stadt „Grosse Pointe“ un den Nanaam „Blank“. To’n annern bedüüt „point blank“ aver ok so veel as een „ut lütten Afstand“ doot scheten.
  • De Killer Felix La PuBelle, de vun en verargerten Kunnen op Martin ansett warrt, warrt vun Cusack sien Kickbox-Trainer Benny Urquidez speelt.

Weblenken[ännern | Bornkood ännern]