Fischbeek

Vun Wikipedia
Wapen/Flagg Koort
Wapen unbekannt
Fischbeek
Laag vun Fischbeek in Düütschland
Basisdaten
Bundsland: Hamborg
Bezirk: Horborg
Stadtdeel: Neegraven-Fischbeek
Inwahners:
Postleettall: 21149
Vörwahl: 040
Geograafsche Laag:
Koordinaten:53° 28′ N, 9° 50′ O
53° 28′ N, 9° 50′ O

Karte

Cornelius-Kark in Fischbeek
Fröhere Röttiger-Kasern
Gedenksteen in Fischbeek
Blick över de Fischbeker Heid

Fischbeek (hoochdüütsch Fischbek) is en Oort in’n Stadtdeel Neegraven-Fischbeek, Bezirk Horborg, von de Stadt Hamborg.

Geografie[ännern | Bornkood ännern]

In’n Noorden von Fischbeek liggt dat Naturschuulrebeed Moorgördel un an’n Oostrand de Falkenbeek. Na Süden doot de Horbörger Bargen liggen.

De Naveröörd sünd Neefeld un Francop in’n Noorden, Neegraven un Huusbrook in’n Oosten, Tempelbarg in’n Süden, Wulmsdörp un Doasdörp in’n Süüdwesten, Vosshusen in’n Westen un Rübk un Nincoperdiek in’n Noordwesten.

Historie[ännern | Bornkood ännern]

Fischbeek kummt 1544 as Vischbecke toeerst in de Oorkunnen vör.

In de Franzosentied von 1810 bet 1814 hett de Oort to de Mairie Moorborg in’n Kanton Horborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1859 to dat Amt Mesborg tohöört un weer von 1859 bet 1885 denn in dat Amt Töst. Na 1885 weer dat in’n Kreis Horborg. 1932 is de Oort Deel von’n ne’en, grötteren Kreis Horborg worrn, wat denn aver blots bet 1937 wohrt hett. Mit dat Groot-Hamborg-Gesett is de Oort Deel von de Stadt Hamborg worrn.

In’n Krieg von 1870 is een Soldaat ut Fischbeek fullen oder vermisst un in’n Eersten Weltkrieg 23.[1]

Inwahnertall[ännern | Bornkood ännern]

Johr Inwahners
1812-00-001812[2] 204
1824-00-001824[3] 30 Füürsteden
1848-00-001848[4] 292 Lüüd, 37 Hüüs
1871-12-011. Dezember 1871[5] 412 Lüüd, 65 Hüüs
1910-12-011. Dezember 1910[6] 1.040

Religion[ännern | Bornkood ännern]

Fischbeek is evangeelsch-luthersch präägt un hett mit de Cornelius-Kark en egen Kark. Disse Kark is 1964 grünnt worrn. Vörher hett de Oort to dat Kaspel von de Michaelis-Kark in Neegraven höört, de 1911 grünnt worrn is. Vör 1911 leeg de Oort in dat Kaspel von de Nicolai-Kark in Ilsdörp.

För de Kathoolschen is de Hillig-Krüüz-Kark in Neegraven tostännig.

Kultur[ännern | Bornkood ännern]

En Denkmaal för de Fullenen ut den Krieg von 1870 un de twee Weltkrieg’ steiht in Neegraven bi de Kark.

Verenen[ännern | Bornkood ännern]

Fischbeek hett en egene freewillige Füürwehr, de 1906 grünnt worrn is. De Fischbeker Schüttenvereen is 1903 grünnt worrn un de Turnvereen Fischbeek 1921. De FC Süderelv hett sik 1949 von’n Turnvereen afdeelt.

Weertschop un Infrastruktur[ännern | Bornkood ännern]

In Fischbeek hett von 1938 bet 2004 de Röttiger-Kasern legen.

Verkehr[ännern | Bornkood ännern]

S-Bahnhoff Fischbeek

De wichtigste Straat in Fischbeek is de Bundsstraat 73, de in’n Oosten över Neegraven, Huusbrook un Heimfeld na Horborg an de Autobahn 253 ran geiht un in’n Westen över Vosshusen un Buxthu na Stood un Cuxhoben löppt. Na Süden gifft dat keen gröttere Straten, dor doot de Horbörger Bargen liggen. Na Noorden to liggt Moor, de eenzige Straat na Noorden is de Francoper Straat (na Francop).

De nächste Autobahn is de Autobahn 7. De Opfohrt 32 Heimfeld liggt so söven Kilometer in’n Oosten von Fischbeek.

Fischbeek hett en egen S-Bahnhoff an de Nedderelvbahn (S 3). De nächsten Bahnhööv för den Togverkehr sünd ölven Kilometer wied weg in’n Oosten de Hauptbahnhoff Horborg un in’n Westen de Bahnhoff Buxthu.

Literatur[ännern | Bornkood ännern]

  • Hans F. Cords: Neugrabener Geschichten mit Fischbek und Scheideholz. Herbst, Neegraven 1988

Footnoten[ännern | Bornkood ännern]

  1. http://www.denkmalprojekt.org/dkm_deutschland/hh-neugraben.htm
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 59: http://books.google.de/books?id=Q 5OAAAAcAAJ&pg=PA59
  3. C. H. Jansen: Statistisches Handbuch des Königreichs Hannover. 1824, Sied 186: http://books.google.de/books?id=tG0AAAAAcAAJ&pg=PA196
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 99: http://books.google.de/books?id=eOI-AAAAcAAJ&pg=PA99
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 131: https://books.google.de/books?id=qTZDAQAAMAAJ&pg=RA2-PA131
  6. http://www.gemeindeverzeichnis.de/gem1900/gem1900.htm?hannover/harburg.htm