Fierce Creatures

Vun Wikipedia
Wesseln na: Navigatschoon, Söök
Filmdaten
Plattdüütsch Titel:
Originaltitel: Fierce Creatures
Düütsch Titel: Wilde Kreaturen
Produkschoonsland: USA
Grootbritannien
Johr vun’t Rutkamen: 1997
Läng: 89 Minuten
Originalspraak: Engelsch
Öllersfreegaav in Düütschland: FSK 12
Filmkru
Speelbaas: Fred Schepisi
Robert Young
Dreihbook: John Cleese
Iain Johnstone
William Goldman
Produkschoon: Steve Abbott
John Cleese
Musik: Jerry Goldsmith
Kamera: Ian Baker
Adrian Biddle
Snitt: Robert Gibson
Dorstellers

Fierce Creatures (op platt so veel as „Wille Beester“; dt. Titel: Wilde Kreaturen) is de Titel vun en britisch-amerikaansche Filmkummedie ut dat Johr 1997. John Cleese speelt in den Film nich blots de Hööftrull, he weer ok an dat Dreihbook bedeeligt un hett den Film mitproduzeert.

Inholt[ännern | Bornkood ännern]

Rod McCain is de Besitter vun Octopus Inc. un en steenrieken US-amerikaanschen Ünnernehmer, de den Hals nich vull noog kriegen kann. So köfft he jümmers wedder mol en nee Ünnernehmen to sien Imperium dorti un stött annere wedder af, wenn se em nich noog Geld afsmieten doot. So dröpt dat ok den een Dag ok den Marwood-Zoo in de Neeg vun London. An sik löpt de Laden ganz normal, man McCain, verlangt, dat dat Ünnernehmen hoge Renditen bringen mutt. Üm dat sekertostellen warrt Rollo Lee as ne’en Direkter na London schickt, un de gifft Order, dat blots noch Beester in’n Marwood-Zoo wiest warrn schüllt, de gefährlich sünd. Dorvun versprickt he sik mehr Sensatschonen, wat denn mehr Lüüd anlocken deit. Butendem kriegt Vince McCain, de Söhn vun den Baas, un de ehrgiezige Managerin Willa Weston den Opdrag, sien Vörgaven ümtosetten.

Natürlich warrt eenige Deerten vun’n ne’en Direkter as to harmlos ansehn. Vun wegen dat se towenig Tokiekers antehn doot, schüllt se weg, man keen annern Zoo will jem opnehmen. De Plegers wüllt jem nix andoon un geevt de Beester bi Rollo af. Se hapt, dat he sien Anwiesen torüchnimmt, man he deit so, as wenn he jem doodschetenun inkuhlen deit. As sik later rutstellt, hett he jem aver in sien Wahnung versteken. De Plegers spellt nu eenige Unfäll vör, üm so to doon, as weern de annern Beester ok bannig gefährlich.

As Lee en Anroop vun Vince un Willa kriggt, mutt he sien Deerten to Roh bringen un nöömt eenige vun jem mit Naam. Westeon un McCain sünd dorgegen dorvun övertüügt, dat bi Lee jüst en Orgie afgeiht. Se kamt na England un hebbt bi en Besöök bi Lee to’n tweeten mol den Indruck, dat he sik mit en Hopen Fronslüüd rümdrifft. ’N beten later kummt rut, dat de Beester, de he vörgeevlich ümbröcht hett, doch noch leevt. Twee vun de Plegersches geevt em ut Dankborkeit ’n Söten, wat noch mol wedder verkehrt opfaat warrt. Wiel Vince vun Lee anekelt is, finnt Willa em an sik ganz sexy.

Opletzt kummt Rid McCain sülvst na England. Dor kummt rut, dat sien Söhn Vince en Deel vun’n Ümsatz vun den Zoo ünnerslahn hett. He drauht, sien egen Söhn verhaften to laten, warrt denn aver dör en Unfall doodschaten. Mit Help vun de Mitarbeiters vun’n Zoon kann Vince so gegenöver de Polizei so doon, as wenn he sien Vadder weer. In disse Rull maakt he mit sien Testament kloor, dat he sülvst, also Vince, de Octopus Inc. arven schall. Den Zoo aver nimmt he as Stiftung ut dat Ünnernehmen rut. An’t Enn warrt Lee un Weston noch en Poor un allns is wedder goot.

Kritiken[ännern | Bornkood ännern]

De Tietschrift Cinema 06/1997 hett den Film as’n rasanten Spaaß betekent. TV Movie 13/1997 vergleek em mit A Fish Called Wanda, vun den se aver meen, dat de beter weer.

Achtergrund[ännern | Bornkood ännern]

Tallrieke Dorstellers as John Cleese, Jamie Lee Curtis, Kevin Kline oder Michael Palin hebbt fröher al in den Film A Fish Called Wanda tosamenarbeit. Vun’n Inholt her hebbt de beiden Filmen aver nix mitenanner to kriegen. Liekers gifft dat een poor Anspelen op den fröheren Film. To’n Bispeel seggt Lee (John Cleese) eenmol Wanda to Willa (Jamie Lee Curtis), warrt aver vun ehr richtigstellt. De Rull Rollo Lee is en Hommaasch an den Grünner vun den Jersey-Zoo Gerald Durrell.

In dat Book to’n Film warrt seggt, dat Rollo Lee de Broder vun Archie Leach is, en Afkaat ut den fröheren Film, de ok vun Cleese speelt worrn is. Na dat Book heet Rolleo egentlich Leach mit Nanaam, de aver in Japan bi de Polizei arbeit hett. Un d as de Japaners den Naam Leach nich utsnacken künnen, harrn se blots Lee to em seggt. Den Naam hett he den annahmen, üm nich mit mit sien Broder Archie in Verbinnen bröcht to warrn, de intwüschen as Demantendeef verfolgt warrt.

Weblenken[ännern | Bornkood ännern]