Dragnet

Vun Wikipedia
Wesseln na: Navigatschoon, Söök
Filmdaten
Plattdüütsch Titel:
Originaltitel: Dragnet
Düütsch Titel: Schlappen Bullen beißen nicht
Produkschoonsland: USA
Johr vun’t Rutkamen: 1987
Läng: 101 Minuten
Originalspraak: Engelsch
Öllersfreegaav in Düütschland: FSK 12
Filmkru
Speelbaas: Tom Mankiewicz
Dreihbook: Dan Aykroyd
Alan Zweibel
Tom Mankiewicz
Produkschoon: Bernie Brillstein
Robert K. Weiss
Musik: Ira Newborn
Kamera: Matthew F. Leonetti
Snitt: William D. Gordean
Richard Halsey
Dorstellers

Dragnet (op Platt so veel as „Sleepnett“; dt. Titel: Schlappe Bullen beißen nicht) is en US-amerikaansche Filmkummedie ut dat Johr 1987 mit Tom Mankiewicz as Speelbaas. De Hööftrullen hebbt Dan Aykroyd un Tom Hanks speelt. Aykroyd hett ok an’t Dreihbook mitschreven.

De Film is en Parodie op de US-amerikaansche Feernsehreeg Dragnet (hoochdüütsch: Polizeibericht), de 1951 bit 1959 un noch mol wedder von 1967 bit 1970 vun de NBC utstrahlt worrn is.

Inholt[ännern | Bornkood ännern]

De beiden Polizisten Pep Streeback un Joe Friday arbeit beide in Los Angeles un schüllt nu as Partners tosamen arbeiten. Man de beiden sünd grundverscheden: Wiel Friday dorop Weert leggt, dat all Vörschriften nipp un nau inhollen warrt, gellt Streeback as chaotisch un egenwillig.

De beiden kamt nu en satanistische Sekte op de Spoor, de sik People Against Goodness And Normalcy (PAGAN) nöömt un vun Jonathan Whirley anföhrt warrt. Üm mehr över den Achtergrund vun de Sekte ruttofinnen, slüüst sik de beiden bi en Drapen vun de Sekte in un rett dorbi en Fro vör en Resenslang. Man, jemehr Baas, Cpt. Gannon, mag Friday un Streebeck de Geschicht nich glöven. As se mit em tosamen de Steed ankieken doot, woneem dat Drapen mit de gresigen Ritualen stattfunnen hett, is dorvun keen Spoor mehr to sehn.

Whirley is na buten aver en bekannten un achten Geistlichen, de gode Kuntakten to dat Polizeipräsidium hett un nu in de Politik wat warrn will. De Polizeipräsidentin Kirkpatrick is mit Whirley goot Fründ un smitt Friday rut. Liekers hinnert de Polizisten Whirley doran, en Anslag uttoöven. Whirley roovt en Fro, mit de Friday sik drööpt, un versöcht mit en Fleger ut de USA ruttokamen. Man, in de Luft sütt he op eenmol en Kampfleger mit de Teken vun dat Los Angeles Police Department, wo Friday un en Pilot binnen sitt. Se künnt Whirley to’n Landen dwingen un nehmt em fast.

Kritiken[ännern | Bornkood ännern]

Lexikon vun’n internatschonalen Film: Stellenweise recht amüsante Kriminalparodie, die jedoch an ihrer Überdrehtheit leidet und das Parodistische zugunsten des Klamauks vernachlässigt.[1]

prisma-online: Tom Hanks und Dan Aykroyd garantieren in dieser Komödie pausenlose Lachparaden. Sie liefern sich in dem Spielfilm-Debüt von Tom Mankiewicz spannende Autojagden und nehmen gnadenlos alles auf’s Korn - von halbseidenen Presseberichten bis hin zur Verlogenheit der „besseren“ Leute von Los Angeles. Allerdings ist diese herbe Parodie über Los Angeles in der Originalfassung wesentlich härter und schonungsloser. Die Synchronisation ist manchmal dagegen eher peinlich – wie man schon dem deutschen Titel entnehmen kann.[2]

Borns[ännern | Bornkood ännern]

  1. Lexikon vun’n Internatschonalen Films – Schlappe Bullen beißen nicht
  2. prisma-online – Schlappe Bullen beißen nicht

Weblenken[ännern | Bornkood ännern]