Wikipedia Diskuschoon:Wikiprojekt Öörd/Hamborg

Seiteninhalte werden in anderen Sprachen nicht unterstützt.
Vun Wikipedia

In de Footnoten gifft dat Lenks in de Foorm http://www.abendblatt.de/daten/YYYY/MM/DD/xxxxxx.html. De funkschoneert nich mehr. (Dat Hamburger Abendblatt seggt, „leider können wir aus technischen Gründen dieses PDF-Archiv seit dem 01.08.2019 nicht mehr befüllen“.) Man ok bi de Söök in de Abendblatt-Zeitungsarchiv, to'n Bispeel vun https://www.abendblatt.de/archive/2008/pdf/20080303.pdf/HAHA20080303lf001.pdf bet https://www.abendblatt.de/archive/2008/pdf/20080303.pdf/HAHA20080303lf030.pdf heff ik nix funnen, wat de Naams vun Hamborger Stadtdelen angeiht. --Johanna Web ✍ 02:26, 12. Okt 2020 (CEST)

De Links stammt ut de Online-Utgaav. Kann angahn, dat Artikels ut de Online-Utgaav in de druckte Utgaav gor nich in weren.
Dat is schaad, dat dat Archiv weg is, aver ik weet nix, wat wi dor maken köönt. --::Slomox:: >< 08:58, 12. Okt 2020 (CEST)
Wo weer't mit en E-Mail an digital@abendblatt.de? Womööglich weet de, woans een an de Inholden vun
http://www.abendblatt.de/daten/2002/10/14/80447.html
http://www.abendblatt.de/daten/2003/07/07/183886.html
http://www.abendblatt.de/daten/2003/09/15/208093.html
http://www.abendblatt.de/daten/2005/02/14/398594.html
http://www.abendblatt.de/daten/2008/03/03/854306.html
kamen kann. Ik denk, de Lenks in Wikipedia sünd in jüm ehr eegen Intress. --Johanna Web ✍ 14:52, 13. Okt 2020 (CEST)
Kannst du geern proberen. --::Slomox:: >< 15:14, 13. Okt 2020 (CEST)
Heff ik maakt. Se hefft antert, se bidd uns jüm mittodelen, wat dat nipp un nau is, wat wi op düsse futsche Sieden söken doon. Weetst du dat noch? --Johanna Web ✍ 10:08, 16. Okt 2020 (CEST)
Anners as dat de Naams dor in vörkaamt, weet ik dat nich mehr 🤷
Ik heff düsse Listen (also Wikipedia:Wikiprojekt Öörd) för ganz Noorddüütschland anleggt un jümmer, wenn ik dör Tofall (oder dör Söken) ne’e Naams finn, draag ik de hier in. Dat sünd över de Tied hunnerte oder dusende Sieden ween. Tja, wenn ik en beten plietscher ween harr, denn harr ik richtige Referenzen (mit Autor un Titel) sett. Dor bitt mi de Fuulwustigkeit von güstern... --::Slomox:: >< 10:35, 16. Okt 2020 (CEST)
Ah so. – Dat geiht ja üm plattdüütsche Stadtdeelnaams (wenn se anners sünd as de hoochdüütschen); schaad, dat een op hamburg.de (Stadtteile, mit Unterseiten) nich fünnig warrt. Man dat geev (un gifft?) en hoochdüütsch-plattdüütsche Stadtdeellist, wat Heinrich Thies 2008 de Hamborger Politikers levert hett, as dat üm tweesprakige Stadtdeelschiller gung (Blätter der Fehrs-Gilde Nr. 38 März 2008: Platt op Oortsschiller in Hamborg). Dat weer scheun, wenn een an düsse List kamen kunn. Is een en Liddmaat vun de Fehrs-Gilde? Denn kunn he/se ja mal dor nafragen. Ik bün Liddmaat vun Quickborn un fraag dor mal in düsse Saak.
(Blangenbi: a) Afsehn vun de Abendblatt-Lenks gifft dat en Reeg vun annere Fehl-Weblenks. b) Ünner Bezirk Eimsbüttel fehlt de plattdüütsche Naam Eimbüddel; is dat mit Willen so?) --Johanna Web ✍ 20:18, 16. Okt 2020 (CEST)
Ik heff Heinrich Thies sien Stadtdeellist funnen, de för de Sitten vun de Hamborger Börgerschop 2008-02-07 vun Bedüden west is. He beröppt sik op dat Hamburger Wörterbuch un op Helmuth von Eitzen, Günter Harte, F. Heitmann, H. Moldenhauer un Dirk Römmer. Mi dücht, sien Naamslist hett noog Authentizität, un wi köönt ehr verwennen un all de fulen Weblenks, vörnweg de Abendblatt-Lenks, över Boord smieten. --Johanna Web ✍ 00:20, 18. Okt 2020 (CEST)
Ik dee mi frein, wenn du Thies sien List hier inpleegst. Aver de doden Weblinks nich all rutsmieten!
Wenn de dode Weblink dat sülve seggt as Thies kann de dode Weblink mientwegen rut.
Un wenn de dode Weblink to’n Bispeel seggt, dat Lokstedt ok op Platt Lokstedt blifft, denn kann dat mientwegen ok rut, wenn Thies dor en annere Form hett, de mehr utseggt (dat dat o lang is, dat heff ik to’n Bispeel nich weten).
Aver wenn Thies to en Stadtdeel keen Naam hett oder de dode Weblenk en annere Form hett, denn finn ik dat wichtig, den doden Weblink to behollen, dat de Infos bewohrt blievt. --::Slomox:: >< 08:50, 19. Okt 2020 (CEST)
Okay, ik nehm dat naastens in de Maak un do dat so, as du seggt hest. --Johanna Web ✍ 10:40, 19. Okt 2020 (CEST)
Ik heff 't nu in de Maak; man dat is as en Fatt, vun dat de Bodden ik noch nich sehn kann. Denn: dor hangt ja ok männicheen anner Siet mit tosamen, to 'n Bispeel de Vörlaag:Navigatschoonsliest Stadtdelen vun Hamborg; un denn stööt ik ok op Sieden as Hamborg-Mitt, de na Aktualiseern roopt. Ik bün en suutsche, man ok drötelige Arbeidersche, un allens bruukt sien Tiet; man de nehm ik mi in düsse Schietcoronatieden geern. --Johanna Web ✍ 20:46, 22. Okt 2020 (CEST)
De Kategorie:Bezirk_Hamborg-Midd schull na Kategorie:Bezirk_Hamborg-Mitt verschaven warrn un de Navigatschoonsliest Stadtdelen von Hamborg-Midd na Navigatschoonsliest Stadtdelen von Hamborg-Mitt. Grünn: a) SASSsche Schrievwies, b) Heinrich Thies sien Stadtdeellist, c) Lemma Hamborg-Mitt. Wat dat för de Sieden mit düsse Navigatschoonsliest un/oder Kategorie bedüüdt, is mi kloor (denk ik as Wikianfängersche bi mi). --Johanna Web ✍ 00:01, 23. Okt 2020 (CEST)
Nadrag: Datsülve gellt för de Siet Bezirk Hamborg-Midd (mit de Wiederledden na Hamborg-Mitt). --Johanna Web ✍ 15:53, 23. Okt 2020 (CEST)

Moin, Slomox. In'n Bornkood vun Wikipedia:Wikiprojekt_Öörd/Hamborg stööt ik op düsse Inbinnen: {{Wikiprojekt Öörd/Refs|<ref name="RHahn">[[Bruker:Sassisch]]</ref> <ref name="MbHr">[[:oldwikisource:Minschen bi Hamborg rüm]]</ref>}}.

1. Bruker:Sassisch (Reinhard ("Ron") F. Hahn)

Sien leste Bidrag in ndsWP weer 2014-02-23. As Spezial:Sieden_de_anfangt_mit/Bruker:Sassisch wiest, hett düsse Bruker blots sien een Brukersiet, keen Ünnersiet, un narms is dor wat to lesen, wat mit de Naams vun Hamborger Stadtdelen to doon hett. Ik fraag mi, woans he di Informatschonen geven hett över

  • Bargstedt,
  • plattdüütsche Narichten NDR 90,3 25.04.2008 (Billwarder),
  • Braamfeld,
  • Kloosterdoor,
  • Langhoorn,
  • Mariendaal,
  • Neeland.

Gifft dat en List vun em, op de een mit'n Lenk wiesen kunn? Dat weer goot; denn mit de blote Lenk „Bruker:Sassisch“ is ja nix nawiesen. Butendem, wegen Heinrich Thies sien List hebbt wi de Informatschonen baven nich neudig.

2. Vörlaag:Wikiprojekt Öörd/Refs

De Inbinnen vun düsse Vörlaag bringt op Wikipedia:Wikiprojekt_Öörd/Hamborg nix as „Einzelnachweise“, de hier ganz un gor nix nawiest; opstunns sünd dat de Footnoten #67 (Grafschafter Platt Wörterbuch) bet #97 (Hochdeutsch-plattdeutsche Liste von Ortsnamen in Schleswig-Holstein). So elegant un plietsch dat Ünnerbringen vun <ref name="RHahn"> un <ref name="MbHr"> in de Vörlaag ok sien mag – de Vörlaag ehr egen Inholt is hier verdweer.

3. :oldwikisource:Minschen bi Hamborg rüm

Wenn nu de <ref name="RHahn">s rutnahmen wörrn un in Ludwig Frahm sien Texte de akkeraten Fundstellen* rutsöcht wörrn, denn kunn op de Inbinnen vun Vörlaag:Wikiprojekt Öörd/Refs driest afstahn warrn.
* Dat bedröppt:

  • Alsterdörp,
  • Fuhlsbüttel,
  • Hummelsbüttel,
  • Ohlsdörp,
  • Wellingsbüttel,
  • Wohldörp.

Blangenbi: De Trüchlenk vun de Footnote 23g wiest in't Nirwana; dascha gediegen.
--Johanna Web ✍ 23:30, 24. Okt 2020 (CEST)


Twüschenbericht: Henwiesen un Fragen

Rutnahmen:

plattdüütsche Narichten NDR 90,3 18.04.2007, [http://www.ndr903.de/programm/platt/norichten6.html] (doot Lenk, kann ok mit WaybackMachine nich trüchbrocht warrn).

HafenCity:

Den Lenk för „HobenCity“ (http://medien.hamburg.de/artikel.do?cid=5456698) heff ik nich rutnahmen, man as dead link kenntekent (ok de WaybackMachine hölpt nich wieder). Thies seggt: HafenCity = Hobenstadt. Dat is nu de Fraag, wat de noch nich vörhannene Artikel „Hamborg-HobenCity“ oder „Hamborg-Hobenstadt“ nöömt warrn schall. Ik persöönlich finn „HobenCity“ beter.

Kleiner Grasbrook

Worüm Thies in siene List „Grasbrook - Grasbrook“ schrifft, man den plattdüütschen Naam vun „Kleiner Grasbrook“ nich nömen deit, blifft sien Geheemnis. Uns katalaansche Maten beröppt sik op Thies sien List un schrievt „Lütt Grasbrook“; man dor hebbt se wohl 'n beten interpoleert. – Op https://www.wikidata.org/wiki/Q1573 steiht: „native label Lütt Grasbrook (Low German)“. Nu is dat keen sünnerlich authentischen Born; man wi weren ja mit'n Knieperbüdel pudert, wenn wi dat anners nömen deen.
--Johanna Web ✍ 03:02, 25. Okt 2020 (CET)

Ik heff de Ünnersiet /Synoptische Tabell anleggt. De wiest blangenenanner de Schrievwiesen na statistik-nord.de (hoochdüütsch), Thies, Sass un INS un ok annere Varianten (mit Links); in de letzte Spleet sünd Wikilinks na vörhannene Sieden in ndsWP.
Wat mi ganz kloor worrn is, as ik dat in de Maak hatt heff: De Saak mit de plattdüütsche Stadtdeelnaams is en Saak vun püttjeriche Recherche, un de Söök na en akzeptaabel Lemmatiseern is to'n gröttsten Deel Rekonstrueern un männichmal sogor Konstrueern. De wat to seggen hebbt, wat dat angeiht: Sass un sien Nafolgers, Thies un dat INS – de köönt dor förwiss en Leed vun singen. Man – de sünd sik ja nich jümmers enig, un dat maakt de Saak för uns vertrackt. --Johanna Web ✍ 01:38, 1. Nov. 2020 (CET)[anter]

Vun „https://nds.wikipedia.org/w/index.php?title=Wikipedia_Diskuschoon:Wikiprojekt_Öörd/Hamborg&oldid=965453“