Wasat

Vun Wikipedia
Wasat
Positschoon un Beteken
Steernbild Gemini; Gem
Rektaszension 7h 20m 7s
Deklinatschoon 21° 58' 54"
Annere Naams
Bayer-Beteken δ
Flamsteed-Tall 55
Bright-Star-Kataloog BD +22 1645
Henry-Draper-Kataloog HD 56986
SAO-Kataloog SAO 79294
Physikaalsch Parameter
Afstand ~59 Lj
schienbore Helligkeit +3,5 / +8,2
Spektralklass F0IV / K3V
Sünnerheiten Dubbelsteern

Wasat (ok Wesat) is de Egennaam vun den Steern δ Geminorum in’t Steernbild Tweeschen.

De Steern Wasat hett en schienbore Helligkeit vun 3,5m un höört to de Spektralklass F0. De Afstand vun Wasab to uns Sünn liggt bi ruchweg 59 Lichtjohren. De Egennaam kummt ut de araabschen Spraak (vun wasat as-sama) un bedüüt „de Mitt (vun’n Himmel)“.

In Wohrheit is Wasat sogor en Dubbelsteern mit en lüttere Kumponent mit en scheinbore Helligkeit vun 8,2m, de to de Spektralklass K3 höört. Disse Partner is mit bloot Oog nich to sehn, kann aver in en lütt Teleskop kloor oplööst warrn. De beiden Kumponenten bruukt ruchweg 1200 Johren, üm sik eenmol to ümrunnen.

Dör de Laag in de Neeg vun de Ekliptik kann Wasat af un an ok vun’n Maand verdeckt warrn, in bannig rore Fäll kann dat ok mol to’n Bedecken dör en Planeten kamen. Dat letzte mol weer Wasat an’n 30. Juni 1857 dör den Saturn bedeckt. Bit to de nächste Bedecken is dat noch en lange Tiet hen, dat is eerst in’t Johr 2420 dör den Planet Venus.